2011 jylǵy 1 naýryz № 203 Astana, Úkimet Úıi
Azyq-túlik qaýipsizdigine qater tóngen jaǵdaıda keıinnen bıootyn etip qaıta óńdeý úshin paıdalanylatyn tamaq shıkizatyna kvotalardy belgileý qaǵıdasyn bekitý týraly
«Bıootyn óndirisin jáne aınalymyn memlekettik retteý týraly» Qazaqstan Respýblıkasynyń 2010 jylǵy 15 qarashadaǵy Zańy 5-babynyń 7) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Azyq-túlik qaýipsizdigine qater tóngen jaǵdaıda keıinnen bıootyn etip qaıta óńdeý úshin paıdalanylatyn tamaq shıkizatyna kvotalardy belgileý qaǵıdasy bekitilsin.
2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri K.MÁSIMOV.
Qazaqstan Respýblıkasy Úkimetiniń 2011 jylǵy 1 naýryzdaǵy № 203 qaýlysymen bekitilgen
Azyq-túlik qaýipsizdigine qater tóngen jaǵdaıda keıinnen bıootyn etip qaıta óńdeý úshin paıdalanylatyn tamaq shıkizatyna kvotalardy belgileý qaǵıdasy
1. Jalpy erejeler
1. Osy Azyq-túlik qaýipsizdigine qater tóngen jaǵdaıda keıinnen bıootyn etip qaıta óńdeý úshin paıdalanylatyn tamaq shıkizatyna kvotalardy belgileý qaǵıdasy «Bıootyn óndirisin jáne aınalymyn memlekettik retteý týraly» Qazaqstan Respýblıkasynyń 2010 jylǵy 15 qarashadaǵy Zańynyń 5-baby 7) tarmaqshasyna sáıkes ázirlengen jáne azyq-túlik qaýipsizdigine qater tóngen jaǵdaıda keıinnen bıootyn etip qaıta óńdeý úshin paıdalanylatyn tamaq shıkizatyna kvotalardy belgileý tártibin anyqtaıdy.
2. Keıinnen bıootyn etip qaıta óńdeý úshin paıdalanylatyn tamaq shıkizatyna kvotalardy belgileý tártibi
2.«Azyq-túlik qaýipsizdiginiń jaı-kúıine monıtorıng júrgizý erejesin bekitý týraly» Qazaqstan Respýblıkasy Úkimetiniń 2010 jylǵy 12 sáýirdegi № 296 qaýlysymen kózdelgen tártippen azyq-túlik qaýipsizdigi jaı-kúıiniń turaqty monıtorıngi nátıjesinde aıqyndalǵan azyq-túlik qaýipsizdigine qater týyndaǵan jaǵdaıda jergilekti atqarýshy organdar bıootyn óndirisi salasyndaǵy ýákiletti organǵa (budan ári – ýákiletti organ) aqparat usynady.
3.Jergilikti atqarýshy organdardyń aqparaty negizinde ýákiletti organ egin alańdarynyń qurylymyn, óndirý jáne qaıta óńdeý kólemin, sondaı-aq tamaq shıkizatynyń naqty túri (nemese túrleri) qorlarynyń bolýyn eskere otyryp, bıootyn óndirisi úshin paıdalanýǵa josparlanǵan monıtorıngi derekterin taldaýdy júzege asyrady.
4.Respýblıka aýmaǵynda azyq-túlik qaýipsizdigi qateriniń týyndaǵany týraly kýálandyratyn faktorlardy aıqyndaý kezinde ýákiletti organ belgilengen tártippen keıinnen bıootyn etip qaıta óńdeý úshin paıdalanylatyn tamaq shıkizatyna kvotalardy belgileý týraly Qazaqstan Respýblıkasy Úkimetiniń múddeli memlekettik organdarmen kelisilgen sheshiminiń jobasyn Qazaqstan Respýblıkasynyń Úkimetine engizedi.
5. Keıinnen bıootyn etip qaıta óńdeý úshin paıdalanylatyn tamaq shıkizatyna kvotalar kólemi kútiletin óndiris kóleminen, aýyspaly qorlardyń jáne azyq-túlik muqtajdaryna, jem men tuqymǵa aýyl sharýashylyǵy óniminiń ishki tutyný kóleminen anyqtalady jáne mynadaı formýla boıynsha esepteledi:
KK=(KО́+AQ)–IT, munda:
KK – tamaq shıkizatyna kvota kólemi, myń tonna;
KО́ – aýyl sharýashylyǵy óniminiń aǵymdaǵy jyly kútiletin óndirisi, myń tonna;
AQ – aýyl sharýashylyǵy ónimniń aýyspaly qory, myń tonna;
IT – aýyl sharýashylyǵy óniminiń (azyq-túliktik qajettilik, jem men tuqym) ishki tutynylýy, myń tonna.
6. Keıinnen bıootyn etip qaıta óńdeý úshin paıdalanylatyn tamaq shıkizatyna kvotalar kólemi barlyq bıootyn óndirý zaýyttarynyń jalpy jıyntyq óndiristik qýatyndaǵy úlesterine barabar bıootyn óndirý jónindegi zaýyttardyń arasynda bólinedi.
8. Tamaq shıkizatyna kvotalar keıinnen bıootyn etip qaıta óńdeý úshin paıdalanylatyn ımporttyq tamaq shıkizatyna qoldanylmaıdy.