Mereıtoılyq moneta men poshta markasy aınalymǵa shyǵaryldy

Keshe Syrtqy ister mınıstrliginde Shanhaı yntymaq­tas­tyq uıymynyń (ShYU) qurylǵanyna 10 jyl tolýyna baı­lanysty «Shanhaı yntymaqtastyq uıymyna – 10 jyl» me­reı­toılyq monetanyń tusaýkeseri jáne Qazaqstannyń ShYU-ǵa tóraǵalyǵyna oraı «Qazaqstan Respýblıkasynyń Shanhaı yntymaqtastyq uıymyndaǵy tóraǵalyǵy» atty poshtalyq markanyń rásimi boldy. Qazaqstan Syrtqy ister mı­nıs­trliginiń erekshe tapsyrmalar jónindegi elshisi, elimizdiń ShYU máseleleri boıynsha ulttyq úı­lestirýshisi Shahrat Nuryshevtiń habardar etýinshe, Qazaqstan 2010 jyldyń maýsymynan bastap ShYU-ǵa tóraǵalyq etip keledi. Elimiz uıymǵa múshe barlyq memlekettermen kelisilgen 2010-2011 jyldarǵa arnalǵan Is-qı­myl josparyn jáne Elbasy bekitken Qazaqstan Respýblı­kasy­nyń ShYU-ǵa tóraǵalyǵynyń Is-qımyl baǵdarlamasyn basshy­lyq­qa ala otyryp, tóraǵa retinde belsendilikpen jumys isteýde. On bir aı ishinde tóraǵalyq aıa­synda uıymǵa múshe mem­leket­terdiń aýmaǵynda 100-ge jýyq túrli deńgeıdegi jáne pishindegi is-sharalar ótkizdi. Qazaqstannyń osyndaı bedeldi uıymdaǵy tór­aǵa­lyǵy 15 maýsymda Astanada ShYU-nyń 10 jyldyǵyna ar­nal­ǵan sammıtpen aıaqtalǵaly otyr. Aldaǵy is-sharanyń mereıtoılyq sıpatyn jáne Qazaqstannyń uıym tarıhyndaǵy osyndaı eleýli oqıǵanyń qarsańynda tóraǵa­lyq etýin eskerip, Qazaqstan Syrt­qy ister mınıstrligi ShYU hatshylyǵynyń qoldaýymen, son­daı-aq Ulttyq bankpen jáne «Qaz­poshta» AQ-pen birlese oty­ryp, estelik monetany jáne posh­talyq markany aınalymǵa shyǵardy. – Búgingi «ShYU-nyń 10 jyl­dyǵy» atty mereıtoılyq mone­ta­nyń tusaýkeseri jáne «Qazaq­stan Respýblıkasynyń ShYU-daǵy tóraǵalyǵy» markasynyń sal­tanatty óshirý rásimi Qazaq­stan­nyń tóraǵalyǵy, Shanhaı yn­tymaqtastyq uıymynyń qyz­meti jáne Astanada ótetin sammıt týraly oń sıpattaǵy aqpa­rat­qa qosqan bizdiń ortaq úle­simiz bolyp tabylady. Atalǵan moneta men marka halyqaralyq fılatelıster men nýmızmattar tizbelerinde laıyqty oryn alaryna senimdimiz, – dedi Shahrat Nuryshev. ShYU-nyń Bas hatshysy Mu­ratbek Imanalıevtiń atap ótýin­she, Qazaqstannyń tóraǵalyǵy belsendi ári qarqyndy júrýde. ShYU-ǵa múshe memleketterdiń qol­daýymen aldaǵy mereıtoılyq sammıt óz deńgeıinde ótedi. Moneta men poshta markasynyń shy­ǵarylýy uıymnyń 10 jyldyq mereıtoıyna úlken tartý bolmaq. Budan soń Ulttyq bank tór­aǵa­synyń orynbasary Baqytjan Tájııaqov pen «Qazposhta» AQ-tyń basqarma tóraǵasy Árken Arystanov mereıtoılyq moneta men poshtalyq markanyń syrtqy kórinisterine sıpattama berdi. Baqytjan Tájııaqovtyń aıtýyn­sha, mereıtoılyq monetanyń ús­tińgi betinde ShYU-ǵa qatysýshy mem­le­ketterdiń álem kar­tasyn­daǵy ornalasqan aýmaq­tary beınelengen. Ony qorshaǵan «Shanhaı yn­ty­maq­tastyq uıy­my» degen sózder qazaq, orys jáne qy­taı tilderinde jazylǵan. Mone­tanyń ekinshi betinde elimizdiń mem­lekettik ny­sha­ny – eltań­banyń beınesi or­nalastyrylǵan. Moneta 4 myń danamen shyǵary­lyp otyr. Quny 6 myń teńge, taza kúmisten jasalǵan. – 15 maýsymda Astana álemdik saıası qoǵamdastyq ókilderiniń na­zaryn aýdaratyn iri halyq­aralyq is-shara – ShYU-nyń mereıtoılyq sammıtin qabyl­daı­tyn bolady, – dedi «Qaz­posh­ta» AQ-tyń basqarma tóraǵasy Árken Arystanov. – Sammıtti ótkizý qarsańynda «Qazposhta» Qazaqstannyń ShYU-nyń basym­dylyǵyna qol jetkizýge degen umtylysyn, Ortalyq Azııadaǵy beıbitshilikti, qaýipsizdikti jáne turaqtylyqty qoldaı otyryp, uıymnyń qurylǵanyna jáne Qa­zaqstannyń ShYU-ǵa tóraǵaly­ǵyna arnalǵan mereıtoılyq poshta markasyn shyǵardy. Markada ShYU logotıpi jáne qazaq, orys, aǵylshyn, qytaı tilderindegi mátindik kompozısııa beınelengen. Markanyń quny – 210 teńge, kólemi – 28 h 40 mm, ta­ralymy – 50 000 dana. Perfo­ra­sııasy jotaly, tórt tústi boıaýmen, ofsettik tásilmen basylǵan. Sýretshisi – Danııar Muhamed­janov. Mereıtoılyq poshta mar­ka­sy Qazaqstan Respýblıkasy­nyń poshta markalary kollek­sııasyndaǵy 729-shy marka bolyp tabylady. Álısultan QULANBAI.