Alataýdaı asqaq tulǵa

Ǵasyrlar boıy ań­sa­ǵan azattyǵyna qoly jet­ken, arman-muraty izgilikpen órilgen qazaq de­gen elmiz. Osy eldiń yry­sy men baǵy úshin tý­ǵan Elbasy  prezıdenttik tuǵyrǵa qaı­ta kóterildi. Ata Zańǵa qo­lyn qoıyp, eline adal qyz­met etýge ant berdi. Pre­zıdentimizdi ulyqtaý sal­tanaty barsha qazaq­standyqtar úshin zor qýa­nysh bolǵanyn jal­paq álem kórdi. Soǵan oraı aqyn urpaǵy retinde bir aýyz lebiz bildirgendi jón sanadym. Bata da  baılyq. Kıeli, kesteli sózdi abyz Jambyl atamnyń etegine oralyp júrgennen estip óstim. Sodan bolar, alapat asharshylyqtan aman qalyp, ashy men tushyny teń tatqanym. Qoǵam­da­ǵy san ózgeristi kóz al­dy­mnan ótkizdim. Má­de­nıet salasynda eńbek ete júrip, jaqsy men ja­mannyń parqyn ajy­rat­tym. Sondaǵy kókeıi­me túıgenim, halyqtyń taǵdyry, áýeli Allanyń ıeliginde jáne odan keıin bılikke kelgen jan­nyń óz isine degen jaýapkershiligi, biligi men bilimine baılanysty­ly­ǵy­nan ekendigi ómirde dá­leldengen aqıqat. Sonaý keńestik ke­zeń­di jappaı jamandaýdan aýlaqpyn. Desek te, ja­syǵan tusymyz, jal­taq­taǵan kezimizdi umyt­pa­sy­myz anyq. Máselen, ana tilimizdiń aıasy tary­lyp, dinimiz ben dilimizden ajyraýǵa shaq qalǵan kezdi Qudaı basqa endi sal­masyn. Keńes Odaǵy ydyrap, eski jurtta jal­­ǵyz qalǵandaǵy jaǵ­daıymyzdy eske alaı­yq­shy. Qaýsaǵan qala, qa­ńy­raǵan aýyl, bosaǵan dú­ken sóreleri, janyna jaıly meken izdep, Qa­zaq­stannan údere kóshken «ınternasıonalıst baýyr­lar» legi... Ne áske­ri, ne baılyǵy joq, jańa adymdaı bas­taǵan jas sábıdeı memleket... Sol memleketti alǵa súırep, qaıta qalpyna keltirip, qazaqtyń otyn úrlep, laýlatqan kim? Árıne, Nursultan Ábish­uly Nazarbaev. Tuńǵysh Prezıdentimiz Qazaqstandy jıyrma jyl­da álemniń bar ta­ra­byna ta­nytty. Azap pen to­zaqtyń otyna túsirgen Semeı ıadrolyq synaq po­lıgonyn japty. Kún­diz-túni ýaqytpen sanaspaı jumys isteı júrip, jer júzin aralady. Ál­si­re­gen el ekonomıkasyna járdem izdedi. Sóıtip, esi kete bastaǵan eliniń eń­sesin tiktedi. Kele-kele halyq na­ryq­tan nápa­qa­syn tapty. О́ndiriske jan bitirip, ómir­sheń jos­parlaryn júzege asyr­dy. Asty-ústi tutas qa­zyna-baılyqqa toly ata­mekeni­mizdiń baryn berekege, kenin dáýletke aınal­dyr­dy. Elin budan da ba­qytty bolashaq kútip tur­ǵa­nyna sendirdi, so­ńy­na ertti. Al, Arqa tó­sinen atty kisi túsip, jaıaý kisi jatyp qaraıtyn, kórkine kóz toımaıtyn Astanadaı ajarly qala turǵyzdy. Bir­neshe ult­tyń tilin tap­ty, birneshe din ókilderin bir má­milede sóıletti. Ba­syn qosty. Salıqaly, syn­dar­ly saıasatyn jat pen jaqynnyń bárine moı­yn­datty. Jalpy jurt­tyń mańdaıyna bitken osyndaı birtýar erge qan­daı marapat aıtsaq ta artyq emes. Halyq aıtsa, qalt aıtpaıdy. Halyqty ar­ma­nynan adastyrý múm­kin emes. Kúni keshe ót­ken kezekten tys saılaýda onyń eńbegin eli tú­gel baǵalap, moıyn­da­ǵa­nyn, onyń nurly jo­ly­na shyn nıetpen qoldaý bildirip, taǵdyr tizginin senip tapsyra daýys bergenin kórgende, kózime jas keldi. О́ıtkeni, ha­lyq ony sheksiz súıdi. Bizdiń búgingi qol jetkizgen barlyq jetistigimiz ja­sampaz halqymyzdyń arqasy. Eńbek degende esh erinbeıtin otan­das­tary­myz­dyń qajyrly is-áre­ketin maqsatqa saı baǵyt­tap, árbir óreli tabysqa jolbasshy bola bilgen asqan parasat ıesi, Kósh­bas­shy Nursultan Nazar­baev­tyń arqasy desek oryndy. Halqynyń múddesi men namysyn qorǵar sát­terde qaıyspas qaısar­lyq kórsetkenine san márte kýá boldyq. Tegine tarta týǵan asyl azamat eli men jeriniń tutasty­ǵyn, qoǵamnyń syrtqy jáne ishki tynyshtyǵyn saqtap, mámilegerligimen erekshelendi. Jıyrma jyl­­da demokratııalyq us­­tyndary jańa qalyp­tasa bastaǵan jas memleketti sara joldan adastyrmaǵa­ny úshin de onyń esimi máńgi qurmet­teýge ábden laıyq. Qazir ol saıasatta asqaq tulǵaǵa aınaldy. Jambyldyń batasyn estidim, tilegimen kór­keı­dim. Búgin jasym tor­qaly toqsanǵa bet aldy. Sábı shaǵynda Úshqońyr jaı­laýyna shyqqan Jam­byl babasynyń aldyna otyryp, jyryn estigen Nursultan Ábishulyna aǵalyq aq nıetimmen babasynyń jasyn bergeı, deımin. Álimqul JAMBYLOV, Qazaqstannyń halyq aqyny. Almaty oblysy.