Qorǵanys mınıstrligi janyndaǵy Qarý-jaraq qysqartýdy jáne ınspeksııalyq qyzmetti qamtamasyz etýdi baqylaý jónindegi ortalyqtyń ókili jaqynda Túrik Respýblıkasynyń Verıfıkasııa ortalyǵynda ótkizilgen sholý kýrsyna qatysty.
Kýrstyń maqsaty UQShU áskerı-saıasattyq ólshemi jáne Ashyq aspan kelisimi sheńberinde senim men qaýipsizdikti nyǵaıtý sharalary boıynsha kelissózder 1999 jylǵy Vena qujatyn, Eýropada qarý-jaraq týraly kelisim erejelerin taldaý bolǵan edi.
Kelissóz barysynda DOVSE jáne VD-99 negizgi teorııalyq jáne praktıkalyq erejeleri, ınspeksııalyq jáne habarlandyrý qyzmeti, qorǵanys salasynda josparlaý, sondaı-aq jyl saıynǵy josparlar jónindegi máseleler talqylandy.
Qazaqstan Respýblıkasynda qarý-jaraqty baqylaý salasyndaǵy joǵaryda atalǵan barlyq halyqaralyq kelisimder men kelisim-sharttardy iske asyrýmen Qorǵanys mınıstrligi janyndaǵy Qarý-jaraq qysqartýdy jáne ınspeksııalyq qyzmetti qamtamasyz etýdi baqylaý jónindegi ortalyq aınalysady. Ortalyq VD-99 sheńberinde qarýmen jaraqtanýdy baqylaý boıynsha uqsas kýrstardy jyl saıyn ótkizedi, dep habarlady QR QM-iniń baspasóz qyzmeti.