Táýelsizdik alleıasy ashyldy

Elbasymyz el táýelsizdiginiń 20 jyldyǵy qarsańynda ár aýmaq ómir súrýge qolaıly, ju­mys istep, demalýǵa yńǵaıly bo­lyp kórik­te­nýi tıis degen bola­tyn. Soǵan oraı ótken aptanyń sońynda Shákárim atyndaǵy Semeı memlekettik ýnıversıtetinde «Táýelsizdik alleıa­sy» ashyldy. «Táýelsizdiktiń 20 jyldy­ǵyna – 20 jarqyn is» sharasy aıasynda júzege asyrylǵan ıgi is bary­syn­da atalǵan ýnıversı­tet­tiń barlyq oqý ǵımarat­ta­ry­nyń aýlasyna stýdentter kúshimen 1000 kóshet otyr­ǵyzyldy. Osy oraıda «Jasyl el» res­pýb­lıkalyq qozǵalysynyń oblys­tyq shtaby Semeıde jumys istep jatqanyn jáne onyń basshysy osy joǵary oqý ornynyń jas oqy­tý­shysy Mereı Shamenov ekendigin aıtpasqa bolmaıdy. Búginde bizdiń shtab músheleriniń sany bes myńnan asyp otyrsa, sonyń úsh myńy Semeı óńiriniń jastary deıdi ol. Jasyleldikter ózderi quryl­ǵannan bergi bes jylǵa jeter-jetpes ýaqyt ishinde qaraǵaıly orman al­qabyna 20 myń kóshet otyr­ǵyz­ǵany da kóńil sergitedi. Áıtpese, sońǵy jyldardaǵy orman alqa­byn­­daǵy soraqylyqtar sheginen asyp ketkeni barshaǵa má­lim. Al mundaı orny tolmas olqylyqtarmen qalyń kópshilik bolyp shuǵyldanbasa, is ilgerilemeıtindigi aıtpasa da túsinikti. Jasyleldikter endigi rette erke Ertis aıryǵyndaǵy tabı­ǵa­ty kórkem araldy qoqystan tazartýmen aınalyspaq. Olardyń jumy­sy budan keıin de toqtamaq emes. Iаǵnı, tabıǵat janashyr­larynan turatyn stýdenttik otrıadtar óz jumysyn jaz boıy jalǵas­tyratyn bolady. Onyń ár múshesi ótken jyly aı saıyn 25-30 myń teńge kóleminde  aqsha tapqan bolatyn. Solaısha bul is eki jaqqa da tıimdi bolyp otyr. Dáýlet SEISENULY. Semeı.