Jýrnalıster baıqaýy bastaldy

«Nur Otan» halyqtyq-demo­kra­tııa­lyq par­tııa­synyń basta­ma­s­y­men ja­rııa­lanǵan «Nur Suń­qar» jýr­nalıster baıqaýy bas­taldy. Bıylǵy baıqaý Qa­zaq­stan Respýb­lıkasy Táýelsiz­di­giniń 20 jyl­­dyǵyna oraılastyrylǵan. Bul týraly «Nur Medıa» holdıngi quramyna kiretin «Astana qa­la­sy­nyń teledıdary» baǵdar­la­ma­sy­­nyń jańa stýdııasyna kelgen «Nur Otan» halyqtyq-demokra­tııa­lyq par­­tııasy Tóraǵa­sy­nyń birinshi orynba­sa­ry Nur­lan Nyǵmatýlın habarlady. «Bıyl dástúrge aınalǵan «Nur Suńqar» respýblıkalyq par­tııalyq jýrnalıster baıqaýy elimizdiń bas­ty merekesi – Qazaqstan Táýel­siz­di­gi­niń 20 jyldyǵyna arnalady. Son­dyq­tan, elimiz úshin asa ma­ńyz­dy osy merekelik oqıǵa bizdiń jýr­na­lıs­terdiń úlken shyǵarmashylyq ju­mystaryna múmkindik beredi dep senemiz», – dep atap ótti Nurlan Nyǵmatýlın. Ádettegideı baıqaýǵa barlyq bu­qaralaq aqparat quraldarynyń qa­lamgerleri, operatorlary, fototilshileri  – ortalyq BAQ-tardan bas­tap aýdandyq shaǵyn aqparat qural­daryna deıin qatysa alady. Baıqaý 18 nomınasııa boıynsha júredi, olar­dyń 9-y – qazaq, 9-y orys tilderinde. Atap aıtqanda, jeńim­paz­dar tańdaýly taldaý materıaldar úshin, aqparat berýdegi erekshe shy­ǵar­mashylyq kózqaras úshin, eń tań­daýly operatorlyq jumys jáne de fotomaterıal úshin anyqtalatyn bo­lady. Jas jýrnalısterdiń ju­mys­tary da júldelerge ıe bolady. Keń kólemdi qoǵamdyq-saıası baǵ­darlamalar, tok-shoý, dóńgelek ús­telder, jańalyq baǵdarlama­lar­dy jazýǵa arnalǵan jáne de zamanaýı qurylǵylarmen jabdyqtalǵan jańa stýdııalyq pavılon búgingi tańda televızııalyq baǵdarlama­lar­dyń jo­ǵa­ry sapalylyǵyn qamtama­s­yz etýge múmkindik beredi. «Egemen-aqparat».