Kólik júırik bolsa... qylmys ta tez quryqtalady

Aryndaǵan tulpardaı ap­paq avtokólikter Qostanaıdyń orta­lyq alańynda qazdaı tizildi. Sym­daı tartylyp sapqa turǵan polıseıler saltanatty túrde aımaq basshysynyń qolynan kó­likterdiń kiltin aldy. Sońǵy jyldary oblys ákimi Sergeı Kýlagın tártip saqshylarynyń ma­terıaldyq jaǵ­daıynyń jaq­sa­rýy­­na aıtar­lyq­taı qoldaý kór­setip keledi. Birneshe jyl­dyń ishinde olardyń for­masy túgel ja­ńartyldy, barlyq ýchaskelik pýnktter kompıýtermen jab­dyq­­taldy, kóshe tártibin ba­qy­laı­tyn vıdeokameralar orna­tyl­­dy. Oblys ákimshiliginiń kó­megimen Ishki ister depar­tamenti­niń avtoparki de jyl saıyn to­lyqtyrylyp otyr. Osy joly oblys basshysy 124 mashına­nyń 51-in ýchaskelik polıseılerge, ishinde vıdeobaqylaǵyshy, kompıýteri bar avtomashınany jol polısııasyna, 27 kólik qylmys­tyq jedel tergeý bólimshe­leri­niń, 16 mashınany kezekshi bólim, qalǵanyn basqa da qyzmet bólim­der qyzmetkerlerine tabys etti. Tehnıkalyq ınnovasııanyń engizilýi polısııa jumysyn­daǵy tıimdilikti eselep artty­ra­tynyn osy saltanatty sharada oblys­tyq ishki ister de­partamentiniń bas­tyǵy, general-maıor Bolat Baıjasarov ta aıtyp ótti. Qazir turǵyndar oblys­tyq ishki ister departamentine óz­deriniń ótinishi men aryz-shaǵymyn elektrondy túrde jibere bastady. Jol qoz­ǵa­ly­synyń avtomatty bas­qarý júıesin jáne qozǵalys kúsheı­gen mezgilderde alystan basqa­ry­latyn vı­deobaqylaý kamera­lary bar baǵ­darshamdardyń qo­sylýy oblys ortalyǵynda jú­ris-turysty rettedi. Apat jıi oryn alatyn, qoz­ǵalysy kóp kóshelerge 10 stasıo­narlyq fotokamera ornatylǵan. Mate­rıal­dyq-tehnıkalyq bazanyń nyǵa­ıýy sóz joq, qylmystylardy us­taýǵa, onyń aldyn alýǵa oń yq­pal jasaıdy. Ústimizdegi jyl­dyń birinshi toqsanynda ótken jyldyń osy merzimimen salys­tyr­ǵanda aýyr qylmystardyń ashylýy 15,4 paıyzǵa ósken. Al jasóspirimder jasaǵan qylmys 42,9 paıyzǵa deıin azaıǵan. Mashına mingen polıseı­ler­diń arasynda Qostanaı qa­la­lyq ishki ister basqar­ma­synyń ýchaskelik ınspektory Baýyrjan Ilııas ta bar. Ol qalanyń shetine taman orna­las­qan «2-Qos­ta­naı» dep ata­latyn eń «mazasyz» turǵyn aýdannyń tártibin kúzetedi. – Turǵyn aýdannyń uzyn-yr­ǵasy 10 kılometrdi quraıdy. Ma­shına joq kezde ony aralap shy­ǵýdyń qıyndyǵy kóp bola­tyn. Endi mashınamen oqıǵa or­nyna burynǵydan tezirek jetemiz, – deıdi Baýyrjan. Bul tek Baýyr­jan­nyń ǵana emes, onyń kólik mingen barlyq áriptesteriniń lebizi der edik. Al Baýyrjannyń ózi basqa da qyzmet ókilderimen birlesip, jyl­dyń basynan beri on qylmystyń betin ashty. Názıra JÁRIMBETOVA. Qostanaı.