Maıdangerler erligine qurmet

9 mamyr kúni Uly Otan so­ǵy­syndaǵy Jeńistiń 66 jyldyǵyna oraı Astanadaǵy «Otan qorǵaý­shy­lar» monýmentine gúl shoq­taryn qoıý rásimi ótti. Fashıstik bas­qynshylarmen kúresip, qan maıdannan oralmaǵan qazaq­stan­dyq jaýyngerlerge qurmet kór­se­tý sharasyna Úkimet basshysy Kárim Másimov bastaǵan birqatar memleket qaıratkerleri, astana­lyqtar men qala qonaqtary qatysty. Gúl shoqtaryn qoıý rásimi aıaqtalǵan soń, bir mınót únsizdik jarııalanyp, elimiz Ánurany or­yn­daldy. Budan keıin salta­nat­ty sharaǵa qatysýshylar áıgili kompozıtor M.Matýsovskııdiń «Qaı­dasyńdar, qarýlas dos­ta­rym» atty ániniń áýenin tyńdaı júrip, qaz-qatar tigilgen shatyr­lar jaqqa bet aldy. Onda ardagerler dástúrli qaraqumyq bot­qa­synan dám tatsa, teatr ár­tis­teri maıdangerler qurmetine teatr­landyrylǵan kórinister qoı­dy. Sondaı-aq osy kúni el­ordanyń túrli alańdarynda ózge de sharalar ótip, soǵys jyl­daryndaǵy ánder shyrqaldy. Ábdirahman QYDYRBEK. ----------------------------------- Sýretti túsirgen Aǵybaı AIаPBERGENOV.