Sary qymyz sapyrǵan qymyzhanalar

Taldyqorǵan – jasyl jelek jamylǵan ásem qala. Kógildir kók­temnen onyń sán-saltanatyn sha­har­ǵa kirer tustan bastalatyn aq­shańqan alty, segiz qanat oıý-ór­nek­pen bezendirilgen qymyzhanalar tolyqtyrady. Bıyl da solaı bol­dy. Bul bir jaǵynan ulttyq dás­túr-salttyń jarasymdylyǵy desek, ekinshiden, jaz aılarynda shól basyp, dertke daýa bolatyndyǵy. Jaqsy bastamanyń odan ári jal­ǵasýyn qup kórgen oblys ákimi Ańzar Musahanov aǵymdaǵy jyly tutyný­shyǵa qyzmet kórse­tetin qy­myzhana jumysyn kórip, onyń jab­dyqtalýy men ulttyq dastarqan má­z­irindegi taǵam túrleriniń sapa­ly­ly­ǵyna mán berý qajettigin ortaǵa saldy. Osy kúni Eńbekshiqazaq, Qara­saı, Jambyl, Raıymbek, Sarqan, Ala­­kól, Ile jáne taǵy basqa aýdan­dar­dyń qymyzhanalary men shu­bat­­hanalaryndaǵy baı dastarqan kelý­shi­lerdiń talǵamynan shyqty. As atasy – nan, jańa ǵana pisirilgen ystyq baýyrsaq pen sary qymyz, qurt-irimshik, jal-jaıa ár shańyraq­tan tabyldy. Úkili bórik, zer káje­keı kıgen qyz-kelinshek­terdiń iltı­patymen usynylǵan sýsyn men ta­ǵam dámi qandaı deseńizshi! Bári de úılesim tapqan. Bir-birimen báse­ke­ge túsken aq otaý­larǵa tańqalys ta­nytyp,  talǵap, shól basqandar óz baǵalaryn berip jatty. Qymyzhana da  tabys kózi bolyp otyr. О́ıtkeni, sharýa qoja­lyq­tary­nyń qolymen óndir­ilgen qymyz, shu­bat, jylqy men qoı etteri  sha­har­lyq­tardyń talǵamynan shyqqan­dyq­tan, osy jerde quda kútý, shildehana, qyz uzatý, taǵy bas­qa ulty­myzdyń salt-dástúri ja­rasym taba­ty­nyn kó­rip te, kýá bolyp ta júr­miz. О́tken jy­ly qalada – 18, aýdan orta­lyq­ta­ry men jol boılarynda 91 «qy­myz­hana» jumys istedi. Já­ne 978,5 myń lıtr qymyz ben shubat satylǵan ján­e 400-ge jýyq adam jumyspen qamtylǵan. Jyl aıaǵynda «Qymyzhanalar» arasyndaǵy baıqaý qorytyndy­la­na­tyndyqtan alty aı jazda báse­ke bıiginde bolýǵa tyrysatyndar ju­mystaryn júıeleı túsedi.  Bıyl «Qy­myzhana-2011» saýda úı­leri­niń jumysyn yntalan­dyrýǵa 1641 myń teńge bólinip otyr. Munyń bári adam densaýlyǵyn nyǵaıtý men qor­ǵaýǵa baǵyttalǵan utymdy shara eke­ni daýsyz. Kúmisjan BAIJAN. Almaty oblysy.