Almaty 2011 jylǵy 11 mamyr
«Qarshyǵa reńdi japalaq» eskertkish monetalaryn aınalysqa shyǵarý týraly
«Qazaqstan Respýblıkasynyń Ulttyq Banki týraly» 1995 jylǵy 30 naýryzdaǵy Qazaqstan Respýblıkasynyń № 2155 Zańyna sáıkes Qazaqstan Respýblıkasynyń Ulttyq Banki 2011 jylǵy 11 mamyrda «Qazaqstannyń qyzyl kitaby» monetalar serııasynan «proof» sapasymen kúmisten jasalǵan, nomınaly 500 teńgelik jáne neızılber qospasynan jasalǵan nomınaly 50 teńgelik «Qarshyǵa reńdi japalaq» eskertkish monetalaryn aınalysqa shyǵarady.
«Qarshyǵa reńdi japalaq» eskertkish monetalarynyń sıpattamasy:
Kúmis monetanyń jáne neızılber qospasynan jasalǵan monetanyń bet jáne syrt jaqtaryndaǵy sýretteri birdeı. Kúmis monetadaǵy beıne aına tárizdi betke ornalastyrylǵan.
Monetalardyń bet jaǵynda (aversinde) sol jaq bóliginde monetanyń nomınaly («50 TEŃGE» neızılber qospasynan jasalǵan monetada), («500 TEŃGE» jáne «Ag 925 31,1 gr.» moneta daıyndalǵan metaldy jáne kúmisten jasalǵan monetada onyń synamyn jáne massasyn bildiretin jazý), Qazaqstan teńge saraıynyń taýar belgisi, aǵash butaqtary jáne ushyp kele jatqan japalaq beınelengen. Aınaldyra memlekettik tilde «QAZAQSTAN ULTTYQ BANKI» degen jazý. Oń jaq bóliginde japalaqtyń stıldendirilgen beınesi.
Monetalardyń syrt jaǵynda (reversinde) ortalyq bóliginde qarshyǵa reńdi japalaqtyń beınesi ornalasqan. Aınaldyra memlekettik tilde «QARShYǴA REŃDI JAPALAQ» degen jazý, latyn tilinde «SURNIA ULULA» túrdiń zoologııalyq ataýy jáne soǵylǵan jylyn bildiretin «2011» degen san. Jazýlar jáne sandar núktelermen bólingen.
Monetanyń bet jaǵyndaǵy jáne syrt jaǵyndaǵy beıneler men jazbalar bederlengen.
Monetalar:
1) 925 synamdy kúmisten daıyndalǵan, massasy – 31,1 gramm, dıametri – 38,61 mm, qyry (gýrty) bederli, daıyndaý sapasy – «proof», taralymy - 5 myń dana;
2) neızılber qospasynan daıyndalǵan, massasy – 11,17 gramm, dıametri – 31 mm, qyry (gýrty) bederli, taralymy – 50 myń dana.
Nomınaly 500 teńgelik eskertkish kúmis monetalar jáne nomınaly 50 teńgelik monetalar Qazaqstan Respýblıkasynyń búkil aýmaǵynda kórsetilgen qunymen tólemniń barlyq túrleri boıynsha, sondaı-aq shottarǵa, salymdarǵa, akkredıtıvterge esepteý jáne aýdarym jasaý úshin qabyldanýǵa mindetti, Qazaqstan Respýblıkasynyń barlyq bankterinde shekteýsiz usaqtalady jáne aıyrbastalady.
Qazaqstan Respýblıkasy Ulttyq Bankiniń osy resmı habarǵa túsindirmesi
«Qarshyǵa reńdi japalaq» eskertkish kúmis monetasy Qazaqstannyń janýarlar áleminiń sırek jáne joıylyp bara jatqan túrlerine arnalǵan serııasynyń on ekinshi kúmis monetasy bolyp tabylady. Neızılber qospasynan jasalǵan eskertkish moneta – osy serııanyń altynshy monetasy.
Qarshyǵa reńdi japalaq (Surnia ulula) – dene bitimi ortasha uzyn quıryqty japalaq, jony aq teńbilderi bar kúreń qońyr tústi, baýyry túgel derlik aq tústi, kóldeneń jińishke aıqyn jolaqtary bar. Onyń qanattary ushýǵa barynsha qysqa, quıryǵy uzyn, baıaý qozǵalatyn daýsy báseń orman japalaǵyna qaraǵanda onyń jyldam ári qarqyndy qozǵalysy qarshyǵaǵa kóbirek uqsaıdy.
Eskertkish monetalardy «Qazaqstan Respýblıkasy Ulttyq Bankiniń Qazaqstan teńge saraıy» sharýashylyq júrgizý quqyǵy bar respýblıkalyq memlekettik kásiporny daıyndaǵan.
Monetalardyń dızaıny Qazaqstan Respýblıkasy Prezıdentiniń 2003 jylǵy 25 qyrkúıektegi № 1193 Jarlyǵymen bekitilgen Qazaqstan teńgesi – ulttyq valıýta banknottary men monetalary dızaınynyń tujyrymdamasyna sáıkes ázirlengen.
«Proof» sapasymen jasalǵan eskertkish kúmis monetalar kolleksııalyq quny boıynsha satýǵa arnalǵan. Olar kádesyılyq oraýmen shyǵarylady jáne Qazaqstan Respýblıkasy Ulttyq Bankiniń memlekettik, orys jáne aǵylshyn tilderindegi nómirlik sapa sertıfıkatymen jabdyqtalǵan.
Neızılber qospasynan jasalǵan eskertkish monetalardyń árqaısysynan bir myń danadan arnaıy plastıkalyq termovakýýmdy oraýmen satýǵa arnap shyǵaryldy.
Monetalardy Qazaqstan Respýblıkasy Ulttyq Bankiniń barlyq fılıaldarynda satyp alýǵa bolady. Almaty qalasynda myna meken-jaı boıynsha : Panfılov kóshesi, 98. Anyqtama úshin telefony (727) 273-83-98.