«Sháken juldyzdary» festıvaliniń óz kınematografııamyzǵa qaıyry bar ma?

Burnaǵy jyly Kóktóbege kóterilip, keleshekte Medeý men Shymbulaqta ótedi degen «Sháken juldyzdary» kınofestıvali sársenbi kúni toǵyzynshy ret saltanatty túrde ashyldy.  Halyqaralyq dárejege kóterilgen mádenı shara bul joly Balýan Sholaq atyndaǵy Sport saraıyna aýysty. Bıylǵy kınodýmandy da ádet­tegideı  «Sháken juldyz­dary» kı­no­festıvaliniń prezıdenti Asa­n­áli Áshimov pen atal­mysh fes­tıvaldiń bas dırek­tory Venera Nıgmatýlına  ash­ty. Jýrnalıstermen ótken kezdesý barysynda kınofestıval baı­qaýyna 19 elden kelgen 59 kartına iriktelinip alynǵany aı­tyldy. Onyń ishinde «Debıýt» seksııasy boıynsha 7 fılm, «Jas­­tar kıno­sy» ataly­my bo­ıyn­sha – 27 ju­mys, «Stýdenttik kınoda» 19 lenta bas júlde úshin baǵyn synap kór­mek. Al qazaq­stan­dyq jas rejısserler 5 fılm qosyp otyr. Onyń 3-ýi mýltfılm bolsa, bireýi qysqa metrajdy stýdenttik fılm. To­lyq metrajdy fılm­der baı­qaýynda óz rejısserimiz Medet Ilgedaevtyń «Ment» fılmi qatyspaq. Festıval ashylmaı jatyp-aq,  «Sháken juldyzdaryna» kelgen qonaqtar Almatydaǵy eki birdeı baspasóz máslıhatyna qa­tysyp úlgerdi. Alǵashqysy atal­mysh festıvaldiń jaı-jap­sa­ry­na qatysty bolsa, BAQ-pen ót­ken kelesi basqosýdy Reseı kınogerleri ótkizdi. Bıylǵy kınofestıvaldiń qa­zylar alqasyna  «Moskva, lıýbov moıa», «Ekıpaj», «Granısa. Taej­nyı roman» sııaqty bir­qatar tamasha fılmderdiń rejısseri Aleksandr Mıtta jetekshilik etpek. Jýrnalıstermen ótken kezdesýge Reseıdiń tanymal akteri Dmıtrıı Marıanov, Ssenarııster men rejısserler jo­ǵary kýrsynyń rek­tory Andreı Gerasımov, Týrın Olım­pıa­da­sy­nyń qola júldegeri Rýslan Goncharovtar keldi. Olar qym-qýyt tirlikten bir sátke bolsa da bosap,  «Sháken juldyzdary» syn­­dy fes­tıvaldiń qadirli qonaq­taryna aınalyp shyǵa kelgenderine dán rıza ekendikterin bildirdi. Más­keý sııaqty megapolısten keıin Alma­ty­nyń shýaqty kúni men aýasy olarǵa keremet bolyp kórinetinin de jasyrmady. Al Andreı Gerasımov osydan dál jarty ǵasyr buryn, 1960 jyldary Almatyǵa joly túsken eken. Bul joly Londonnan keıin ile-shala Almatyǵa tartyp otyr­ǵan Gerasımovqa qazirgi ońtústik asta­nanyń kelbeti  múlde ǵaja­ıyp áser qaldyrǵan. Teledıdardy turaqty tamasha­laıtyn halaıyq Reseıdiń eń aty máshhúr satırık jazýshysy Mıhaıl Zadornovtyń qymsynbaı aıta beretin artyq-aýys  qaljyń­daryn bilse kerek. Ol da qadirli qonaq retinde sal­tanatty oqıǵaǵa qatysyp otyr. Sóz oraıy kelip turǵanda, «Shá­ken juldyzdary» kınofes­tı­valiniń keleshegine qatysty my­na suraqty aınalyp ótýge bolmaıdy. Iаǵn­ı, osy mádenı shara qazaq­stan­dyq kıne­matografııaǵa ne berdi? Ol at tóbe­lindeı toptyń Sháken Aımanovtyń kim ekenin de bilmeıtin alystaǵy kınoger aǵaıyn­dardy qolpash­taýy­nan artylyp kórdi me eken degen de áńgimeler bolmaı qalǵan joq. Bıylǵy ótkizilip otyrǵan fes­tıval bul sharanyń soń­ǵy­sy kó­rinedi degen joramaldar da kóp­ten beri aıtylyp júr. Osy máse­lege oraı Qazaqstan Kınematografıster odaǵynyń tór­aǵasy Igor Vovnıanko: «Shá­ken juldyz­dary­nan qol­dary­­ńyzdy tartyńyzdar!» dep oqys málim­deme jasady. Kınotaný salasynyń tarıh­shy­sy, pýblısıst, Eýropa kıno­aka­de­mııasynyń múshesi, «Shá­ken jul­dyz­­dary» qazylar alqa­synyń tu­raq­ty múshesi Hans-Iohım Shlegel: – Qalaısha mundaı kınofestıval kerek bolmaı qaldy? Sizder bi­lesizder, qazir bul festıval shar­tarapqa belgili bolyp keledi. Ma­myr aıynda álemde eki aıtýly kınoforým bolsa – biri Kannda, ekin­shisi Almatyda ótkiziledi, – dedi. Bastapqy jańalyqtardy qo­ryta aıtqanda, baıqaýda baq sy­nap jatqan fılmderden bólek juma kúni «Almaty» qonaq­úıinde kásipqoı kınematografıster klý­by­nyń otyrysy ótpek. Beısenbi kúni amerıkandyq akter Maıkl Medson jýrnalısterge suhbat berdi.  Ol Taran­tı­no­nyń «Qutyrǵan tóbetter», «Kó­leńke qýý», «Vıllıdi bosa­tyń­dar», «Bıll­di óltirý», «Kúnálar qalasy» atty tamasha kartınalarmen tanylǵan kıno tarlany. Sonymen, sirkirep jaýǵan jań­byrǵa qaramaı, festı­val­diń ashy­lý saltanaty der kezinde bastaldy. Aınash ESALI. Almaty. _______________ Sýretterdi túsirgen  Sársenbek QYZAIBEKULY.