Memlekettik rámizder – elimizdiń mańyzdy atrıbýttary

Keshe Aqordada Memlekettik hat­shy Qanat Saýdabaevtyń tór­aǵa­lyq etýimen Memlekettik rá­mizder jónindegi respýblıkalyq komıssııanyń Qazaqstan Respýb­lı­kasy Táýelsizdiginiń 20 jyl­dy­ǵyna arnalǵan kezekti oty­ry­sy bolyp ótti. Otyrysta Aqmo­la, Atyraý oblystary ákim­de­riniń jáne Ádilet mınıstriniń memlekettik rámizderdi paıdalaný jáne nasıhattaý jumystary týraly esepteri tyńdaldy. Memlekettik hatshy, komıssııa tóraǵasy óz sózinde Tuńǵysh Prezıdent Nursultan Nazarbaevtyń jasampaz saıasaty men kemel bas­taýynyń arqasynda Táýelsiz Qa­zaq­stan óziniń mereıtoıyn ekono­mı­kasy qýatty, demokratııasy da­myǵan jáne álemde ózindik qurmetke ıe bolǵan el retinde qarsy alyp otyrǵanyn erekshe atap ótti. Bizdiń memlekettik rá­mizder búgingi kúni álemniń kóp­tegen elderi men halyqaralyq uıymdarǵa keńinen tanylǵan, al bizdiń otandastarymyz óz res­pýblıkasymen zańdy túrde maqtana alady. – Memlekettik rámizder – Táýelsiz Qazaqstannyń bólinbes jáne mańyzdy atrıbýttary, – dedi Memlekettik hatshy Qanat Saýdabaev. – Olarǵa degen memlekettik organdardyń, elimizdiń aza­mat­tarynyń kózqarasy bizdiń pat­rıottyǵymyz ben Otanǵa degen qurmetimizdiń kórsetkishi bo­lyp tabylady. Bul  sezimder Táý­elsizdiktiń 20 jyldyǵy mereıli merekesinde meıirimdi, berekeli ortany qalyptastyryp, arttyra túsýi kerek. Saltanatty merekeni ótkizý men daıyndalýda ortalyqpen qatar, jergilikti jer­lerde de memlekettik rámiz­derge mańyzdy oryn bólinýi shart. Qoryta aıtqanda, 20 jyldyqty merekeleý bizdiń memlekettiligimizdi, halqymyz ben onyń Elbasynyń birligin nyǵaıtýda, sondaı-aq Qazaqstannyń halyq­aralyq bedelin odan ári kóterýge oń yqylasyn tıgizýi tıis. Otyrys qorytyndysynda «Qa­­zaqstan Respýblıkasynyń Mem­­lekettik rámizderi týraly» Kons­tıtýsııalyq zańnyń buljytpaı saqtalýy jóninde naqty usy­nystar men tapsyrmalar berildi. Álısultan QULANBAI.