2011 jylǵy 10 aqpan № 121 Astana, Úkimet Úıi
Bolashaq urpaq múddesinde mıneraldyq shıkizat qorlaryn saqtaý úshin jer qoınaýy ýchaskelerin konservasııalaý qaǵıdasyn bekitý týraly
«Jer qoınaýy jáne jer qoınaýyn paıdalaný týraly» Qazaqstan Respýblıkasynyń 2010 jylǵy 24 maýsymdaǵy Zańy 16-babynyń 6) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Bolashaq urpaq múddesinde mıneraldyq shıkizat qorlaryn saqtaý úshin jer qoınaýy ýchaskelerin konservasııalaý qaǵıdasy bekitilsin.
2) Osy qaýly alǵashqy resmı jarııalanǵan kúninen bastap on kúntizbelik kún ótken soń qoldanysqa engiziledi.
Qazaqstan Respýblıkasynyń Premer-Mınıstri K.MÁSIMOV.
Qazaqstan Respýblıkasy Úkimetiniń 2011 jylǵy 10 aqpandaǵy № 121 qaýlysymen bekitilgen
Bolashaq urpaq múddesinde mıneraldyq shıkizat qorlaryn saqtaý úshin jer qoınaýy ýchaskelerin konservasııalaý qaǵıdasy
1. Jalpy erejeler
1. Osy Bolashaq urpaq múddesinde mıneraldyq shıkizat qorlaryn saqtaý úshin jer qoınaýy ýchaskelerin konservasııalaý qaǵıdasy (budan ári - Qaǵıda) «Jer qoınaýy jáne jer qoınaýyn paıdalaný týraly» Qazaqstan Respýblıkasynyń 2010 jylǵa 24 maýsymdaǵy Zańynyń 16-babynyń 6) tarmaqshasyna sáıkes ázirlengen jáne bolashaq urpaq múddesinde mıneraldyq shıkizat qorlaryn saqtaý úshin jer qoınaýy ýchaskelerin konservasııalaýdyń tártibin anyqtaıdy.
2. Konservasııalaýǵa qazirgi ýaqytta óndirý jáne qaıta óńdeý tehnologııalarynyń joqtyǵyna baılanysty tıimsiz bolyp tabylatyn paıdaly qazbalardyń qorlaryn quraıtyn jer qoınaýy ýchaskeleri jatady.
3. Qaǵıda paıdaly qazbalardyń ken oryndaryn óndirýge, aralas barlaýǵa jáne óndirýge arnalǵan qoldanystaǵy kelisimsharttarǵa engizilgen jer qoınaýy ýchaskelerine taralmaıdy.
2. Jer qoınaýy ýchaskelerin konservasııalaýdyń tártibi
4. Qorlar jónindegi memlekettik komıssııa (budan ári – QMK) paıdaly qazbalardyń ken oryndaryn barlaý men qorlardy sanaý júzege asyrǵan jer qoınaýyn paıdalanýshy usynǵan geologııalyq materıaldar boıynsha jer qoınaýyna memlekettik saraptamany júrgizedi. QMK jer qoınaýynyń memlekettik saraptamanyń nátıjesi boıynsha memlekettik balansqa engizilgen barlanǵan qorlardy ıgerýdiń rentabeldiligi nemese rentabeldi emestigi týraly qorytyndy beredi.
5. Qazirgi ýaqytta óndirý men qaıta óńdeý tehnologııalarynyń joqtyǵyna baılanysty barlanǵan qorlardyń ken oryndaryn ıgerýdiń rentabeldiligi týraly QMK-niń qorytyndysy negizinde mundaı ken oryndarynyń qorlary paıdaly qazbalar qorlarynyń memlekettik balansynda bolashaq urpaq múddesinde toqtatylǵan retinde eskeriledi.
6. Jer qoınaýyn zertteý men paıdalaný jónindegi ýákiletti organ (budan ári – ýákiletti organ) QMK-niń qorytyndysyna sáıkes paıdaly qazbalar qorlarynyń memlekettik balansynda toqtatylǵan ken ornynyń ataýynyń aldyna «toqtatylǵan» degen belgi qoıady.
7. Jer qoınaýy ýchaskeleriniń jaı-kúıiniń monıtorıngin olardy bolashaq urpaq múddesinde saqtaý maqsatynda konservasııalaý ýaqytynda ýákiletti organ júzege asyrady.
8. Ýákiletti organǵa jer qoınaýyn paıdalanýshydan toqtatylǵan ken ornynyń barlanǵan qorlaryn ıgerýdiń ekonomıkalyq negizdiligi jáne tıimdiligi týraly ótinish túsken jaǵdaıda, QMK jer qoınaýyna memlekettik saraptama júrgizedi.
«Jer qoınaýyna memlekettik saraptamanyń nátıjesi boıynsha MQK jer qoınaýyn paıdalanýshydan ótinish túsken toqtatylǵan ken orny qorlaryn ıgerýdiń rentabeldiligi nemese rentabeldi emestigi týraly qorytyndy beredi. MQK toqtatylǵan ken ornyn ıgerýdiń rentabeldiligi týraly qorytyndy bergen jaǵdaıda, ýákiletti organ memlekettik balansta osy ken ornynan «toqtatylǵan» degen belgini alyp tastaıdy.