Jobaǵa ınvestısııa tartyldy

Elbasynyń Joldaýynda atap kórsetilgen azyq-túlik qaýip­siz­di­gin qamtamasyz etý tapsyrmasy óńirde utymdy qol­ǵa alynǵan. Ony Qap­sha­ǵaı qalasynyń shy­ǵy­syn­da­ǵy bel-belesti tegistep, jy­ly­jaı salýǵa kirisken teh­nı­kalardyń qımylynan kórýge bolady. Jańa tehnologııaǵa saı jalpy aýmaǵy 5,1 gektar jerge iri nysan turǵyzýdy josparlaǵandar onyń kólemin 20 gektarǵa deıin art­ty­rýdy maqsat etýde. Joba maqsaty – jyl boıy tutynýshylardy eko­logııalyq jaǵynan taza kókónis ónimderimen qamtý, qyzanaq shy­ryny men qııardyń jáne túrli salattardyń aýdandastyrylǵan nıderlandylyq «De Ruiter Seeds» gendik taza tabıǵı túrin ósirý, jylyjaıda eńbek etetin kásibı mamandar qataryn tolyqtyrý. Qapshaǵaıdaǵy osy jumys­tar­men tanysý úshin Aýyl sha­rýashy­ly­ǵy mınıstri Asyljan Mamyt­be­kov ótken beısenbide osy isti bastaǵan JShS basshysy Almas Dáýi­tovten óndiristiń da­mýy­na qa­tysty máselelerdi or­ta­ǵa saldy. Se­riktestik jyldyń tórt mezgilinde kún sáýlesi mo­lynan túsetin oń­taıly osy mekendi tańdaǵany ári úlken megapolıs qalaǵa ónimdi ta­sy­­mal­daý­ǵa qolaıly ekendigin sóz etti. Jylyjaıda qala bazar­lary­na jóneltetin kókónis kólemi – jyly­na 1400 tonna tomat, 2700 tonna qııar jáne 100 tonna salat ónimderi tutynýshylardyń joǵa­ry talǵamy­nan shyǵatynyna kú­mán joq. Se­riktestiktiń Almaty bazarlaryn­da­ǵy úlesin toǵyz paı­yzǵa jetkizý de aldaǵy basty mindet retinde qa­ralý­da. Atalǵan jobaǵa 2 mlrd. 411 mln. 489 myń teńge ınvestısııa tartý kózdel­gen. Onyń ishinde serik­testiktiń óz qarjysy 361 mln. 723 myń teńgeni qurasa, 2 mlrd. 289 mln. 400 myń teńge Qazagroqarjy ar­qyly qarjylandyrylady. Jylyjaıdyń jeke meteo­stan­­sasy jabdyqtalyp, elek­tron­dy-klımatty baqylaý avto­mat­­tan­dyrylǵan júıe boıynsha jumys istemekshi. Jylyjaıdyń ishki aýmaǵyn jylytý men sal­qyn­datý da osy tásilmen júzege aspaq. О́nimdi ósirý barysynda tyńaıtqysh pen mıneraldar da avtomatty túrde engizilip, tam­shy­lata sýarý ádisimen jal­ǵa­sa­dy. О́nimdi saqtaýǵa joǵary qy­symmen tuman týyndatý júıesi qoldany­lady dep josparlanǵan. Irgeli isterdiń barlyǵyna qa­jet­ti qural-jabdyqtardy Nıderlan­dy­nyń «DALSEM» kompanııasy jetkizgen. Mınıstr Sheńgeldi alabyn­da­ǵy egistik alqaptaryn aralap, tam­shylata sýarý tásiliniń naqty nátıjelerimen tanysty. Sodan soń «Nur Agro» jáne «Jetisý Agro» seriktesterinde bolyp, ón­diristiń búgingi baǵytyn baǵalady. Oblysta aýyl sharýashylyǵy áleýetiniń joǵary ekendigi belgili. Onyń ústine aımaqtyń aýyl sha­rýa­shylyǵy ónimderine degen sura­nysy jyl saıyn arta túsýde. Sheń­geldidegi kókónis saqtaıtyn qoı­ma­nyń tıimdiligin paıdalaný negizinde aldaǵy kezde shyryn óndiretin zaýyt saly­natynyn da aıtqan jón. Halyqty taza azyq-túlikpen qamtý – búgingi kúnniń ózekti má­se­lesi. Ásirese, egistik alqap­tary­nyń tıimdiligine qol jetkizý qolǵa alynǵany qýantady. О́ıt­keni, elimizde paıdalanylmaı  jat­qan egistik jerlerdiń, ásirese sýarmaly al­qaptardyń jetkilikti ekeni jasy­ryn emes. Sharýalar alǵan jerlerin óńdep, el ıgiligine usynsa, quba-qup. Oǵan osy jol­ǵy jumys bary­synda kóz jetti. Kúmisjan BAIJAN. Almaty oblysy .