Jer týraly zańnama jetildiriledi

Parlament Senatynda Agrarlyq máseleler jáne qorshaǵan ortany qorǵaý komıteti depýtattarynyń Jer resýrstaryn basqarý agenttiginiń basshylarymen kezdesýinde jer týraly zańnamany odan ári jetildirý máseleleri talqylandy. Kezdesýdi asha kelip komıtet tór­aǵasy Bolat Jylqyshıev Pre­zıdent Nursultan Nazar­baev­tyń bıylǵy Joldaýynda agrar­lyq salany odan ári damytý tý­raly alǵa qoıǵan mindetter tur­ǵy­synda bul talqylaýdyń ma­ńyz­dylyǵyn atap ótti. Memleket basshysy aýyl sha­rýashylyǵy óndirisin ártarap­tan­dyrý, jer resýrstaryn, ási­rese, aýyl sharýashylyǵy maqsa­tyndaǵy jerlerdi tıimdi paıdalaný týraly máselelerdi ákimder, «Nur Otan» men «Samuryq-Qa­zyna» ál-aýqat qory basshy­la­ry­nyń qatysýymen sáýir aıynda bol­ǵan Úkimettiń keńeıtilgen oty­rysynda kótergen bolatyn. Úki­metke jer qoryna tekserý júr­gizý jáne jaıylymdar men shabyndyq jerlerdi tıimdi paıdalaný sharalaryn ázirleý tapsyryldy. Aýyl sharýashylyǵy aldynda turǵan mindetter aıasynda birinshi kezekte azyq-túlikti qamtamasyz etý, salanyń eksporttyq áleýeti men ınvestısııalyq tartymdy­ly­ǵyn arttyrýdy atap ótken B.Jyl­qyshıev jer týraly zań­na­ma­ny odan ári jetildirý máse­le­leri asa mańyzdy ekenine toq­taldy. Bul maqsatta, senatordyń aı­týynsha, Jer kodeksine, «Memlekettik múlik týraly» Zańǵa, qol­danystaǵy zańdarǵa ruqsat berý júıesi, orman sharýashylyǵy, janýarlar dúnıesi jáne erekshe qorǵalatyn tabıǵı aýmaqtar, sharýa (fermer) qojalyǵynyń ju­my­sy týraly ózgerister men tolyqtyrýlar engizildi. Jer resýrstaryn basqarý jónindegi agenttik basshysy О́.О́zibekov jerdi tıimdi paıdalaný jáne qorǵaý salasyndaǵy memlekettik saıasatty júzege asy­rý­daǵy mekeme qyzmeti týraly habardar etip, bıylǵy jylǵy ju­mys­tardyń basym baǵyttary tý­raly baıandady. О́.О́zibekovtiń aı­týynsha, bular jerdi esepteý jáne ekonomıkalyq baǵalaý, jer resýrstarynyń sany men sapa­lyq jaıyn jáne agrohımııalyq monıtorıng jaǵdaıyn aqparat­tyq qamtamasyz etý júıesin qalyptastyrý bolyp tabylady. Talqylaý barysynda jer re­sýrstaryn tıimdi paıdalaný sa­lasyndaǵy memlekettik baqy­laý­dy odan ári arttyrý, aýyl sharýa­shy­lyǵy maqsatyndaǵy jerler­diń qunarlylyǵy men ónimdiligin jaqsartý, jer týraly zańnama­lar­dy saqtaý, jerge qatysty sy­baılas jemqorlyq quqyq buzý­shy­lyqtardy týyndatatyn sebepter men jaǵdaılardy túbirinen joıý, halyq arasynda quqyq tú­sin­dirý jumystaryn júrgizý máseleleri týraly aıtyldy. Asqar TURAPBAIULY.