Aǵzada dert, denede tyrtyq qalmaıdy

Qostanaıda balalar hırýrgııasynyń jańa paraǵy ashyldy Barlyq is te sátimen bolady. Ob­lystaǵy balalar hırýrgııasynyń jańa pa­raǵy ashyl­dy. Naýryz aıynda oblys­tyq balalar aýrý­ha­nasyna belgili hırýrg, medısına ǵy­lym­darynyń kandıdaty Fazylbek Temirhanov bas dáriger bolyp keldi. Oblystyq aýrýhanada bólim meń­gerýshisi bolyp qyzmetin at­qaryp júr­gende-aq ol balalar aýrý­hana­syn­daǵy sý jańa endovı­de­oap­parattyń beker qańtarylyp turǵanyn biletin. Jańa qyzmetke kelisimen osyndaǵy hırýrgterdi jınap alyp, jumysty ja­ńasha bas­taýdy, apparatty da­ıyndaýdy usyndy. La­paroskopııalyq ádisti urshyq­sha úıirip ıger­gen óte tájirıbeli hı­rýrg­­tiń ózderine basshy bolyp kelgenine osyn­­daǵy áriptes­teri­niń qýanǵanyn kór­seńiz. Qansha oqyǵan­men operasııa stolynda qatar turyp, kánigi mamannan úırengendeı qaıdan bolsyn. Mine, sonyń sáti keldi. Oblysta tuń­ǵysh ret bala­lar­ǵa endo­vıdeoapparatpen ope­rasııa jasaldy. Aýrýhanaǵa on úsh jasar bala aýyr naýqaspen tústi. Anasynyń aıtýynsha, balanyń derti qozyp, ishi aýyryp, túıilip jatyp qala bergen. Dárigerler jan-jaqty teksere kelgende balanyń óti tasqa tolyp ketkendigin anyqtady. Opera­sııa­ny lapa­ro­skopııalyq ádispen jasaýdy ba­la­nyń anasyna usynyp, onyń artyq­shy­lyqtary túsindirildi. Fazylbek Sábıt­bek­uly qa­sy­na aýrýhanadaǵy hırýrgııa bólimshesi­niń meńgerýshisi Igor Belobrjıskııdi alyp, operasııany ózi jasap shyqty. Eski ádispen balanyń denesin tilýge týra keler edi, al jańa apparatpen úsh jerden teskeni jetkilikti boldy. Endi keshikkende qa­bynǵan ót baýyrdy da za­qymdaıtyn eken. О́tti alyp tastap, aǵza­da­ǵy qabyný ketkennen keıin bala ózin bir­den jeńil sezine bastady, aınalasy bir aptanyń ishinde aýrýynan aıyǵyp, úıi­ne qaıtty. – Eger operasııany burynǵy eski tá­sil­men jasaǵanymyzda balaǵa bir-eki kún dári quıýmen bolar edik, onyń qımyldap, turýy da kesheýildeıtin edi. Aıyǵyp ketýi aýyr, ári uzaq ýaqytty alatyny da sózsiz. Bul qaı jaǵynan alǵanda da tıimsiz. Jańa ádispen jasaǵannan keıin naýqas ózin jeńil sezinedi, jara tez bitedi. Ádettegi, operasııa jasaǵan­da deneniń tyrtyǵy qalyp qoıatyn. Ol keıin tartylyp, adam yńǵaısyzdyqty sezinedi. Al jas sábı óse kele álgi úsh tesikten onyń denesinde tyr­tyq qalmaıdy, – deıdi bas dáriger Fazyl­bek Temirhanov. Endovıdeoapparattyń taǵy bir ar­tyq­shylyǵy bar. Onymen dárigerler naýqas­tyń dıagnozyn dál qoıýǵa múmkindik ala­dy. Tipti ÝDZ apparaty kórsete almaǵan ishki aǵzadaǵy aýrý túrlerin anyqtap beredi. Jaqynda oblystyq balalar aýrýha­na­syna bir aılyq náreste aýyr halde jetkizildi. Balanyń úlken dáretine qan ara­lasyp túsedi. Fazylbek Sábıtbekuly bul joly da sheshimdi ózi aıtty. «Áriptester, naýqasty endovıdeoapparatpen tekserý kerek, bul ishten týǵan ishek aqaýy bolýy múmkin» dedi. Dárigerlerdiń barlyǵy da bul qorytyndyny maquldady. Sábıdi endovıdeoapparatpen teksergende, rasyn­da, ishek aqaýy bolyp shyqty. Ishektegi artyq óskin qabynǵan kezde qanaǵan. Zamanaýı apparattyń kómegimen sút pisirimdeı ýaqytta-aq dárigerler artyq ós­kindi sylyp tastady. Náreste aman qal­dy. Dárigerler keńirdegindegi isikti osy apparatpen alyp tastaǵan bala da tórt kúnde júgirip oınap ketti. Bir aıdyń ishinde ǵana oblystyq balalar aýrýhanasynda jıyrmadan asa balaǵa laparoskopııalyq, ıaǵnı tesikti ádispen operasııa jasaldy. Mundaǵy dárigerler de Gıppokrat antyna berik jandar. Igor Belobrjıskıı osy qymbat apparat alyn­ǵasyn-aq Izraılge oqýǵa baryp kelgen bolatyn. Alaıda bir dárigerge, onyń ústine jas hırýrgke jańa ádisti jańa apparatpen bastap ketý qıynǵa soqqan edi. Mine, endi Fazylbek Sábıtbekulynyń kelýi úlken istiń bastalýyna muryndyq boldy. Oblystyq balalar aýrýhanasyna per­zentiniń naýqasy janyna batqan ata-ana soń­ǵy úmitin arqalap jetedi. Jansaqtaý bólim­shesiniń meńgerýshisi Evgenıı Solovev, tá­ji­rıbeli dáriger Larısa Danchenko, hırýrg Dmıtrıı Gerasımov jáne oblystyń bas pe­dıatry Sara Aldabergenova bar múmkindikti salyp balany ajaldan arashalap qalady. Degenmen, aýyr patologııamen túsetin bir jasqa deıingi nárestelerdi emdeý kúrdeli jumys. – Qazir bizdiń aýrýhanaǵa ishten aqaý­men, kemis bolyp týǵan bir jasqa deıingi náres­telerdiń barlyǵy derlik aýyr halde túsedi. Bet súıektiń, aıaq-qoldyń qısyqtyǵy, erinniń, tańdaıdyń jyryǵy jáne ishki organdardyń kemistigi sábıge kúrdeli emdi qajet etedi. Tabıǵı aqaýdyń kúrdeliligi sondaı, keıde bala shetinep ketedi. Bolashaq ana júktilikke barynsha jaýapkershilikpen qa­raýy kerek. Keıde áleýmettik turmystaǵy qıyn­dyqtar da ananyń kútimine jaǵdaı týǵyzbaıdy. Júkti­lik kezde tumaýmen aýyrý, densaýlyqtyń na­sharlyǵy náresteniń kemdigine ákelip soǵa­dy. Onyń ústine ishetin sý­dyń, aýanyń las­ta­nýy­nan bolatyn zardap­tar­dy da joqqa shy­ǵarmaımyz, deıdi Fa­zyl­bek Sábıtbekuly. Osyndaı qıyndyqtardyń barlyǵyna qa­zir damyǵan elderdegi medısınanyń ozyq úlgilerin ákelip paıdalaný, zamanaýı medı­sı­nalyq qural-jabdyqtar alý jáne maman­dar­dyń kásibı biliktiligi arqasynda qarsy tura alatynymyzdy aıtady dárigerler. Ob­lys­tyq densaýlyq saqtaý basqarmasy taǵy da ozyq úlgidegi osyndaı úsh apparat alǵaly otyr. Sonymen qatar, alys aýdandardaǵy, eldi mekenderdegi naýqastardy ortalyqqa jetkizý máselesi taǵy da pysyqtalatyn bolady. Ol úshin sanıtarlyq ushaqpen qosa endi tikushaq ta qosylady. Onyń ústine jańa týǵan sábıdi ananyń qursaǵyndaǵydaı temperatýramen ustap jetkizetin kamerasy bar sanıtarlyq avtokólik alý da oıda bar. Osy­nyń barlyǵy ana men balanyń amandyǵyn qamtamasyz etetin bolady. О́tken jyly oblysta ár myń balaǵa shaqqanda 14 náreste kóz jumǵan edi, ústimizdegi jylǵy kórsetkish te munan joǵary bolǵan joq ári ol burnaǵy jyldarǵa qaraǵanda tómen. 2015 jyly bir jasqa deıingi nárestelerdi ár myń balaǵa shaqqanda 8-ge deıin tómendetý týraly Elbasy tapsyrmasy osyndaı izdenister ar­qasynda múmkin bolaryna qostanaılyq dári­ger qaýymynyń senimi mol. Názıra JÁRIMBETOVA. Qostanaı.