Jyljymaly medısınalyq keshen – Aıagózde

Elbasynyń Qazaqstan hal­qy­na Joldaýynda adamdardyń den­saýlyǵyn jaqsartýǵa, medı­sı­na­lyq kómek kórsetýdiń tıimdi ádisterin qoldanyp, iske sergek  qaraý kerektigine erekshe nazar aý­da­rylǵan. Shy­ǵys Qazaqstan obly­synda bul baǵytta qandaı ister atqarylyp jatyr degenge kelsek, aýyl adamdaryna medı­sı­nalyq kómek kórsetý maqsa­tyn­da bıyl tórt birdeı jyl­jy­maly keshender satyp alyndy. Jyl basynan beri bul keshender oblystyń birneshe aýdandarynda bolyp, adam­darǵa tegin qyzmet kórsetti. Atap aıtqanda, jýyrda Aıagóz aýdanyna jyljymaly me­dı­sı­nalyq qyzmet kórsetetin ke­shen kelip jetti. Aqshataý, bas­qa da aýyl turǵyndary ózderin tolǵandyrǵan saýaldarǵa jaýap aldy. Alǵashqy kúni jyljy­ma­ly keshenniń qyzmetin otyzdan astam turǵyn paıdalandy. Jyljymaly dárigerlik qyz­met kórsetetin keshen jeti baǵyt boıynsha jumys jasaýda. Atap aıtqanda, jalpy qabyldaý bóli­minde adamdar densaýlyqtaryn dárigerge teksertip, gınekologııa jáne hırýrgııa kabınetterinde qajetti keńes alýda. Laboratorııa dıagnostıkasy kabınetteri adam aǵzasyndaǵy glıýkozanyń mól­sheri, holesterın, bıo­hı­mııa­lyq qan mólsherin anyqtady. Sondaı-aq, tis dárigerine qaralý­shylar qatary kóp boldy. – Aǵzadaǵy qan quramyndaǵy qanttyń mólsherin kim anyqtap kórgen? Aıagóz oblys ortaly­ǵy­nan shalǵaıda, sondyqtan múm­kin­dik az. Abyroı bolǵanda, qan­daǵy qant sál kóterilgeni bolmasa, qaýip shamaly eken. Demek, nan, toqash, tátti taǵamnan bas tartýǵa týra keledi, – deıdi jergilikti tur­ǵyn A.Sábıtova degen keıýana. – Úrjar, Tarbaǵataı, Zaısan aýdandaryna da jyljymaly me­dısınalyq keshender qyzmet kór­setetin kún alys emes. Ob­lys­tyq bıýdjetten bıyl da dári­gerlik qyz­metti jaqsartýǵa júz­de­gen mıl­lıon teńge qarjy bóli­nip otyr. Katonqaraǵaıda jańa aýrýhana paı­dalanýǵa berildi. Semeı, О́skemen qalalary men aýdan ortalyq­ta­rynda da tur­ǵyn­darǵa sapaly qyz­met kórse­tetin oryndar bar, – deıdi ob­lys­tyq densaýlyq saqtaý bas­qar­masynyń bastyǵy E.Masalımov bizben habarlasqanda. Ońdasyn ELÝBAI. Shyǵys Qazaqstan oblysy.