Zań jobalary aıqyndaldy

Keshe Parlament Májilisiniń Tóraǵasy Oral Muhamed­ja­nov­tyń jetekshiligimen palata bıýrosynyń kezekti otyrysy ótti. Onda Májilistiń jalpy otyrysyna shyǵarylatyn máseleler saralandy, dep habarlandy osy palatanyń baspasóz qyzmeti. Qarjy jáne bıýdjet komıteti eki zań jobasy birinshi oqylymǵa daıyn ekenin málimdedi. Olar, atap aıtqanda, keıbir zańna­ma­lyq aktilerine salyq salý má­se­leleri boıynsha túzetýler engizýdi kózdeıtin jáne keıbir zańdarǵa ıslamdyq qarjylandyrýdy uı­ym­dastyrýǵa qatysty zań jo­balary. Sonymen qatar, elimizdiń keıbir zańnamalyq aktilerine uıymdasqan qylmysqa qarsy is-qımyl máselele­ri boıynsha óz­ge­rister men tolyq­ty­rýlar engizý jónindegi jáne qyl­mystyq jáne qylmystyq is júrgizý zańna­ma­syn jetildirý úshin birqatar zań­darǵa túzetýler kózdelgen zań jo­balary da birinshi oqylymǵa daıyn. Bul zań jobalaryn pala­ta­nyń Zań­na­ma jáne sot-quqyq­tyq reforma komıteti usynyp otyr. Al Halyqaralyq ister, qor­ǵanys jáne qaýipsizdik komıteti Qa­zaq­stan men Soltústik Atlant Sharty Uıy­my arasyndaǵy Aý­ǵan­standaǵy qaýip­sizdikke jár­dem­desý halyq­ara­lyq kúshteriniń qyzmetine qatysý týraly notalar almasý ny­sa­nyn­daǵy kelisimdi bekitý jónin­degi, «Úshinshi memleketterden kelgen zańsyz eńbek kóshi-qonyna qar­sy is-qımyl jónindegi yntymaq­tastyq týra­ly kelisimdi ratıfıkasııalaý tý­ra­ly» jáne  «Eńbekshi-mı­grant­tar men olardyń otbasy mú­she­­leri­niń quqyqtyq mártebesi tý­ra­ly kelisimdi ratıfıkasııalaý tý­ra­ly» zań jo­balary depýtattar tal­qy­syna shyǵa­rylatynyn habarlady. Bıýro otyrysynda Úkimetten kelip túsken jańa zań jobalaryna qorytyndy ázirleý máseleleri de qaraldy.