2011 jylǵy 31 naýryz № 302 Astana, Úkimet Úıi
Qazaqstan Respýblıkasy Úkimetiniń 2010 jylǵy 20 qazandaǵy № 1084 qaýlysyna tolyqtyrýlar men ózgerister engizý týraly
Qazaqstan Respýblıkasynyń Úkimeti qaýly etedi:
1. «Traktorlardy jáne olardyń bazasynda jasalǵan ózdiginen júretin shassıler men mehanızmderdi, montajdalǵan arnaıy jabdyǵy bar tirkemelerdi qosa alǵanda, olardyń tirkemelerin, ózdiginen júretin aýyl sharýashylyǵy, melıoratıvtik jáne jol-qurylysy mashınalary men mehanızmderin, sondaı-aq ótimdiligi joǵary arnaıy mashınalardy jyl saıynǵy memlekettik tehnıkalyq baıqaýdan ótkizý memlekettik qyzmet kórsetý standartyn bekitý týraly» Qazaqstan Respýblıkasy Úkimetiniń 2010 jylǵy 20 qazandaǵy № 1084 qaýlysyna mynadaı tolyqtyrýlar men ózgerister engizilsin:
kirispesindegi «2-tarmaǵyna» degen sózderden keıin «, «Ákimshilik rásimder týraly» Qazaqstan Respýblıkasynyń 2000 jylǵy 27 qarashadaǵy Zańynyń 9-1, 15-2 baptaryna» degen sózdermen tolyqtyrylsyn;
kórsetilgen qaýlymen bekitilgen «Traktorlardy jáne olardyń bazasynda jasalǵan ózdiginen júretin shassıler men mehanızmderdi, montajdalǵan arnaıy jabdyǵy bar tirkemelerdi qosa alǵanda, olardyń tirkemelerin, ózdiginen júretin aýyl sharýashylyǵy, melıoratıvtik jáne jol-qurylysy mashınalary men mehanızmderin, sondaı-aq ótimdiligi joǵary arnaıy mashınalardy jyl saıynǵy memlekettik tehnıkalyq baıqaýdan etkizý» memlekettik qyzmet kórsetý standartynda:
1-tarmaqtaǵy «jumys kúnderi saǵat 13.00-den 14.30-ǵa deıin túski úzilispen, saǵat 9.00-den 18.30-ǵa deıin» degen sózder alynyp tastalsyn;
9-tarmaqtaǵy «Memlekettik qyzmet» degen sózderden keıin «demalys kúnderin qospaǵanda,» degen sózdermen tolyqtyrylsyn;
14-tarmaq alynyp tastalsyn;
mynadaı mazmundaǵy 23-1- tarmaqpen tolyqtyrylsyn:
«23-1. Kórsetilgen memlekettik qyzmettiń nátıjelerimen kelispegen jaǵdaıda tutynýshy zańnamada belgilengen tártippen sotqa júginýge quqyly.».
2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri K. MÁSIMOV.