Bul mereıtoı burynǵydan ózgerek

Aldaǵy tamyz  aıynda daýylpaz aqyn Qasym Amanjolovtyń týǵanyna 100 jyl tolýy mereıtoıy Qaraǵandyda bastalyp, kindik qany tamǵan  topyraǵy Qarqaralyda ótkeli otyr. Bul kúnde óńirde osy aıtýly oqıǵany sán-sal­tanatpen ótkizýge ázirlik qyzý júrgizilýde. Onyń barysy týraly  oblystyq mádenıet bas­qarma­synyń bastyǵy Bekbolat BAISAǴATOVTY áńgi­mege tartqan edik. – Biletinimizdeı daıyn­dyq jyl basynan-aq qolǵa alynǵan eken. Aldymen sodan beride atqarylǵan is-shara­lar­ǵa toqtalyp ótseńiz. – Bul halqymyzǵa ortaq me­­reıtoı bolǵandyqtan elimizde jappaı atalyp ótýi úshin qańtar aıyn­da Úkimet qaýlysy qabyl­dan­dy. Soǵan sáıkes ol bir mezgildik ǵana shara emes, jyl aıa­ǵyna deıin Qa­sym aqyn rýhy men jyrynyń jań­ǵyrýy jalǵa­sady. Bilim berý oryn­darynda, má­de­nıet oshaqtarynda ómiri men shy­ǵarmashylyǵyna ar­na­­lyp uıym­dastyrylǵan ǵyly­mı-praktı­ka­lyq konferensııalar, poe­zııa keshteri, kitap kór­meleri basqa da mádenı-kópshilik shara­lar­ǵa ula­syp, asyl murasy jańa­dan jarqy­rap tany­lyp jatyr. Aımaqta qaı óner ortasy da óz tartýlaryn arnaýǵa jumy­lý­da. Aqpan aıynda Sáken Seıfýllın atyndaǵy Qazaq drama teatrynda aqynnyń «Dosymnyń úılenýi» komedııasy sahnalansa, jaqynda jezqazǵandyq ártister shyǵarmalary boıynsha «Dú­nıe­ge keler áli talaı Qasym» taqyrybymen qoıylymdy kór­setti. Mamyrdyń 12-13 kún­derin­de jas izbasarlarynyń ob­lystyq músháırasy ótti. Sondaı-aq «Kó­ńil­diń kúıin tógeıik» án baıqaýy san qyrly tulǵanyń án-sazdyq murasyn aldyǵa taǵy bir jaıdy. Búginde ol jeke dıski etip shy­ǵarylýǵa daıyn, sonymen birge tańdamaly óleńderiniń bir tom­dyǵy mereıtoıǵa deıin oqyr­man­dar qolyna tımek. – Bekbolat, sóz oraıynda merekeniń naqty qaı kúnderge belgilengenin aıtsańyz. Ol qashan, qalaı bastalady? – Arqada tamyzdyń ortasy ádet­te tamyljyǵan kez ǵoı. Son­dyq­tan tamyz aıynyń 17-20 ara­lyǵy qolaıly sanaldy. Eli­miz­diń barlyq óńirlerinen keletin meımandar Qarqaralynyń ásem tabı­ǵa­ty aıasynda halqymyzdyń aıaýly perzenti mereıtoıy dúbi­rin qy­zyqtaı alady. Saltanat shymyldyǵy Qasym Amanjolovtyń Qaraǵandyda boı kó­teretin eskertkishine taǵzym etý­men ashylady. Aıta ketý kerek, beınesin kóz aldyǵa keltiretin eń­seli músin Sáken Seıfýllın kóshe­siniń qıylysynan ortalyq saıabaqqa kireberis tusta orna­tylýda. Oblys or­ta­lyǵynda óte­tin mereıtoılyq jıynnan soń saltanat Qarqara­ly­­ǵa, aqyn atyndaǵy aýylǵa aýy­sady. – Jınalýshylardy qan­daı rásimder kútip tur? – Álbette baǵdarlama aıa­sy aýqymdy. О́ner salasy men ult­tyq sport oıyndary toıdyń bas­ty sáni men kórki bolmaq. Aqyn­dardyń respýblıkalyq músháıra­sy taqyryby Qasym­nyń qazaq poe­zııasyndaǵy or­nyn ashyp kór­setýge arnalady. Oǵan jas aıyr­ma­shylyqtaryna qaramastan qaı ólkeden de qan­daı da talapker qatysýǵa erikti ekenin aıta ketken jón shyǵar. Osy jyr dodasy jeńimpaz­dary­na belgilengen syı-sııapat bar. Kózge túsken óleń-jyrlar jyl aıaǵyna deıin jınaq bolyp shy­ǵarylady. Al óner dúl­dúlde­ri­niń dúbirli dýmany óz al­dyna bir bólek. At jarysy men balýandar saıysy toı qyzy­ǵyn qyzdyratyny talassyz. Qazir mereıtoıǵa daıyndyq oblys basshylarynyń kúnbe-kúngi tikeleı nazarynda. Soǵan baılanysty kóp máseleler oń sheshimin taýyp keledi. Qasym Amanjolovtyń esimi men jyry halqynyń jady men júreginen berik oryn alyp, ósh­peýge aınalǵanyna ýaqyt kýá. Qazaq poezııasynyń shoq juldy­zyn­daı árdaıym jarqyratyp tu­ratyn uly aqynnyń dúnıege kelgen ǵasyrlyq mereıtoıy umyl­mastaı este qalatyny haq. Áńgimelesken Aıqyn NESIPBAI, Qaraǵandy.