Keletin meımandar men ótetin kezdesýler

Keshe Syrtqy ister mınıstriniń baspasóz hatshysy Ilııas Omarov jýrnalısterge brıfıng ótkizip, osy aptadaǵy is-sharalarmen tanystyrdy. Onyń habardar etýinshe, 18-19 mamyrda BUU-nyń Damý baǵ­darlamasynyń ákimshisi Helen Klarktiń Ortalyq Azııa týr­nesi sheńberinde Qazaqstanǵa sapary josparlanyp otyr. H.Klark sa­parynyń negizgi maq­saty – 2010 jylǵy sáýirde BUU-nyń Bas Hatshysy Pan Gı Mýnnyń sapary kezinde qol jet­kizilgen ýaǵdalas­tyqtardy jú­zege asyrý jáne el men óńir deńgeıindegi, sonyń ishinde Myń­jyldyq Damý maqsat­ta­ry­na qol jetkizý, ekonomıkalyq josparlaý jáne memlekettik bas­qarý salalaryndaǵy odan ári ózara yqpaldastyqty ilgeriletý bolyp tabylady. Eýropa qaıta qurý jáne damý banki basqarýshylar keńe­siniń 20-shy jyl saıynǵy oty­rysynyń jumysyna qatysý aıa­synda, 19-24 mamyrda Eýro­pa­lyq ınvestısııalyq banktiń de­legasııasy Qazaqstanda bolady. Sapar barysynda QR jáne EIB arasyndaǵy ınvestısııalyq yn­tymaqtastyqty talqylaý, ózara tıimdi ınvestısııalyq jobalar boıynsha usynystardy qaraý maqsatynda QR-men árekettesý máselelerine jetekshilik etetin Eýropalyq ınvestısııalyq ban­ki­niń vıse-prezıdenti Eva Shra­berdiń Úkimettegi, Qazaq­stan­nyń beıindik mınıstrlikterdegi kezdesýleri josparlanǵan. Al 18-19 mamyrda Aýǵans­tan men Pákstan jónindegi AQSh-tyń arnaıy ókili Mark Grossmannyń Ortalyq Azııaǵa týrnesi sheńberinde elimizge sapary josparlanýda. Amerı­kalyq dıplomattyń elimizdiń resmı tulǵalarymen kezdesýleri kózdelgen. Kezdesýler bary­synda Aýǵanstan boıynsha óz­ara is-qımyl, aımaqtyq qaýip­sizdik jáne ekijaqty yntymaq­tastyqtyń qazirgi jaı-kúıi men perspektıvalary talqylanbaq. Ilııas Omarovtyń atap ótýin­she, 18-20 mamyr aralyǵynda Malaızııanyń Syrtqy ister mı­nıstri Dato Srı Anıfa Aman­nnyń eki memleket ara­syn­daǵy qarym-qatynasta­ry­nyń tarı­hynda alǵashqy resmı sapary bolady. Sapar bary­synda ma­laı­zııalyq meıman Prezıdent N.Nazarbaevtyń já­ne Memlekettik hatshy Q.Saý­dabaevtyń qa­byldaýynda bola­dy. Al Syrt­qy ister mınıstri E.Qazyhanovpen bolatyn kezdesýi kezinde ekijaqty yntymaq­tastyqtyń saıası, ekonomı­ka­lyq jáne gýmanıtarlyq sala­synda, sonymen birge, elimizdiń Syrtqy ister mınıstrleri ke­ńesine tóraǵalyq etý barysyn­daǵy ózara árekettestikti tal­qylaý josparlanýda. 20-21 ma­myrda London qa­lasynda «Tejeý: ótken ýaqyt jáne bo­la­shaq» atty halyq­aralyq konferensııa ótedi. Bul jıynǵa bas­tamashylardyń ishin­de Des Braýn, Djordj Shýls, Ýılıam Perrı, Genrı Kıssındjer, Sem Nann sııaqty saıasatkerler bar. Uıymdas­ty­rý­shy­lardyń shaqy­rýymen atal­ǵan is-sharaǵa Memlekettik hatshy Q.Saýdabaev qatysyp, sóz sóıleıdi. Al 19 mamyrda Qazaqstan Respýblıkasynyń Shanhaı yn­tymaqtastyq uıymyna tóraǵa­lyǵy sheńberinde, Astana qala­synda ShYU-ǵa múshe memleketter Mádenıet mınıstrleri keńesiniń 8-shi otyrysy ótedi. Otyrys barysynda taraptar Uıymnyń qurylýyna 10 jyl tolýyna oraı ShYU-ǵa múshe memleketterdiń Memleket basshylary Keńesiniń me­reı­toılyq otyrysyna mádenı is-sharalardy daıyndaý má­se­le­lerin talqylap, on jyl ishinde mádenıet salasyndaǵy ShYU is-qımyldarynyń negizgi qorytyndylaryn shyǵarady. Oty­rys nátıjesi boıynsha ShYU-ǵa múshe memleketter Mádenıet mınıstrleri keńesi­niń 8-shi otyrysynyń qory­tyn­dy hat­tamasy qabyldanady dep kútilip otyr. Álısultan QULANBAI.