2011 jylǵy 6 sáýir №374 Astana, Úkimet úıi
Qazaqstan Respýblıkasy Úkimetiniń 2009 jylǵy 18 aqpandaǵy № 183 qaýlysyna ózgerister men tolyqtyrýlar engizý týraly
Qazaqstan Respýblıkasynyń Úkimeti qaýly etedi:
1. «Aýyldyq eldi mekenderge jumys isteý jáne turý úshin kelgen densaýlyq saqtaý, bilim berý, áleýmettik qamsyzdandyrý, mádenıet jáne sport mamandaryna áleýmettik qoldaý sharalaryn usyný mólsherin jáne erejesin bekitý týraly» Qazaqstan Respýblıkasy Úkimetiniń 2009 jylǵy 18 aqpandaǵy № 183 qaýlysyna (Qazaqstan Respýblıkasynyń PÚAJ-y, 2009 j., № 12, 73-qujat) mynadaı ózgerister men tolyqtyrýlar engizilsin:
1) kórsetilgen qaýlymen bekitilgen Aýyldyq eldi mekenderge jumys isteý jáne turý úshin kelgen densaýlyq saqtaý, bilim berý, áleýmettik qamsyzdandyrý, mádenıet jáne sport mamandaryna áleýmettik qoldaý sharalaryn usyný erejesinde:
1-tarmaqta:
«2005 jylǵy 8 shildedegi» degen sózderden keıin «Zańyna» degen sózben tolyqtyrylsyn;
«2009 - 2011 jyldarǵa arnalǵan respýblıkalyq bıýdjet týraly» 2008 jylǵy 4 jeltoqsandaǵy zańdaryna» degen sózder «Qazaqstan Respýblıkasynyń bıýdjet zańnamasyna» degen sózdermen aýystyrylsyn;
mynadaı mazmundaǵy 1-1-tarmaqpen tolyqtyrylsyn:
«1-1. Bıýdjettik kredıtter oblystardyń jergilikti atqarýshy organdaryna mynadaı jaǵdaılarda:
keıinnen aýyldyq eldi mekenderge jumys isteý jáne turý úshin kelgen densaýlyq saqtaý, bilim berý, áleýmettik qamsyzdandyrý, mádenıet jáne sport mamandaryna, olardyń turǵyn úı satyp alýy úshin teńgemen 15 (on bes) jyl merzimge jyldyq 0,01 % mólsherindegi syıaqy stavkasy boıynsha bere otyryp kredıttik sharttar jasasý arqyly beriledi;
kredıtterdi ıgerý kezeńi kredıtordyń shotynan kredıtter aýdarylǵan sátten bastap esepteledi jáne 22 (jıyrma eki) aıdy kúraıdy;
bıýdjettik kredıtterdi berý, óteý jáne qyzmet kórsetý boıynsha qosymsha sharttar kredıttik shartta belgilenedi.»;
4, 7, 8-tarmaqtardaǵy «jumys organy», «Jumys organy» jáne «jumys organynan» degen sózder «Ákimshi» jáne «Ákimshiden» degen sózdermen aýystyrylsyn;
5-tarmaq mynadaı redaksııada jazylsyn:
«5. Densaýlyq saqtaý, bilim berý, áleýmettik qamsyzdandyrý, mádenıet jáne sport mamandary úshin turǵyn úı satyp alýǵa kredıt berý senim bildirilgen ókilmen (agentpen) shart bolǵan jaǵdaıda júzege asyrylady.
Aýdan (oblystyq mańyzy bar qala) ákimi Qazaqstan Respýblıkasynyń zańnamasyna sáıkes mamandarǵa turǵyn úı satyp alý úshin kredıt berý jónindegi bıýdjettik baǵdarlamany iske asyrý boıynsha senim bildirilgen ókilmen (agentpen) tapsyrys shartyn jasasady.
Senim bildirilgen ókildiń (agenttiń) mamandarǵa turǵyn úı satyp alý úshin kredıt berý jónindegi bıýdjettik baǵdarlamany iske asyrý boıynsha operasııalyq qyzmetter kórsetýge arnalǵan shyǵyndaryn óteý úshin qarajat 095 «Oblystyq bıýdjetterge, Astana jáne Almaty qalalarynyń bıýdjetterine aýyldyq eldi mekenderdiń áleýmettik salasynyń mamandaryn áleýmettik qoldaý sharalaryn iske asyrý úshin beriletin aǵymdaǵy nysanaly transfertter» baǵdarlamasy boıynsha tıisti qarjy jyldaryna arnalǵan respýblıkalyq bıýdjette kózdeledi.»;
6-tarmaqtyń birinshi bóligindegi «jumys organyna» degen sózder «Ákimshige» degen sózben aýystyrylsyn;
10-tarmaqtaǵy «aýdan (oblystyq mańyzy bar qala) ákimi» degen sózder «Ákimshi» degen sózben aýystyrylsyn;
11-tarmaqta:
1) tarmaqshada:
«jumys organy» degen sózder «Ákimshi» degen sózben aýystyrylsyn; «2009 jylǵy 1 shildeden bastap» degen sózder alynyp tastalsyn;
2) tarmaqshadaǵy «2010 jylǵy 1 qańtardan bastap» degen sózder alynyp tastalsyn;
2) 2-qosymshada:
ekinshi abzasta «ákiminiń apparaty» degen sózder alynyp tastalsyn;
5-tarmaqtyń 1), 2) tarmaqshalaryndaǵy, 6-tarmaqtyń
3) tarmaqshasyndaǵy «qaryz alýshymen», «qaryz alýshylardyń», «qaryz alýshylardan» degen sózder «Alýshymen», «Alýshynyń», «alýshylardan» degen sózdermen aýystyrylsyn.
2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri K.MÁSIMOV.