2011 jylǵy 7 sáýir №392 Astana, Úkimet úıi
Qazaqstan Respýblıkasy Úkimetiniń 2009 jylǵy 30 qazandaǵy № 1729 jáne 2009 jylǵy 7 jeltoqsandaǵy № 2030 qaýlylaryna tolyqtyrýlar men ózgerister engizý týraly
Qazaqstan Respýblıkasynyń Úkimeti qaýly etedi:
1. Qazaqstan Respýblıkasy Úkimetiniń keıbir sheshimderine mynadaı tolyqtyrýlar men ózgerister engizilsin:
1) «Tegin medısınalyq kómektiń kepildik berilgen kólemin kórsetý boıynsha dárilik zattardy, profılaktıkalyq (ımmýnobıologııalyq, dıagnostıkalyq, dezınfeksııalyq) preparattardy, medısınalyq maqsattaǵy buıymdar men medısınalyq tehnıkany, farmasevtıkalyq qyzmetterdi satyp alýdy uıymdastyrý jáne ótkizý erejesin bekitý týraly» Qazaqstan Respýblıkasy Úkimetiniń 2009 jylǵy 30 qazandaǵy № 1729 qaýlysynda (Qazaqstan Respýblıkasynyń PÚAJ-y, 2009 j., № 47-48, 444-qujat):
kórsetilgen qaýlymen bekitilgen Tegin medısınalyq kómektiń kepildik berilgen kólemin kórsetý boıynsha dárilik zattardy, profılaktıkalyq (ımmýnobıologııalyq, dıagnostıkalyq, dezınfeksııalyq) preparattardy, medısınalyq maqsattaǵy buıymdar men medısınalyq tehnıkany, farmasevtıkalyq qyzmetterdi satyp alýdy uıymdastyrý jáne ótkizý erejesinde:
1-tarmaq «tártibin» degen sózdiń aldynan «ne Qazaqstan Respýblıkasynyń Úkimeti qurǵan, medısınalyq tehnıkany keıinnen densaýlyq saqtaý uıymdaryna qarjylyq lızıng sharttarynda berý úshin satyp alýdy uıymdastyrý jáne ótkizý qyzmetiniń negizgi máni bolyp tabylatyn uıym qarajatynyń esebinen densaýlyq saqtaý uıymdarynyń medısınalyq tehnıkany qarjylyq lızıng sharttarynda satyp alýy» degen sózdermen tolyqtyrylsyn;
2-tarmaqta:
5) tarmaqsha «nemese osy Erejede belgilengen tártippen jáne tásildermen dárilik zattardy, medısınalyq maqsattaǵy buıymdardy biryńǵaı dıstrıbıýtordyń satyp alýy» degen sózderden keıin «ne Qazaqstan Respýblıkasynyń qarjylyq lızıng týraly zańnamasynda belgilengen tártippen medısınalyq tehnıkany qarjylyq lızıng sharttarynda satyp alý» degen sózdermen tolyqtyrylsyn;
12) tarmaqsha «jasasqan» degen sózden keıin «ne Qazaqstan Respýblıkasynyń qarjylyq lızıng týraly zańnamalyq aktilerine sáıkes qarjylyq lızıng shartyn jasasqan» degen sózdermen tolyqtyrylsyn;
7-tarmaqta:
3) tarmaqshadaǵy «satyp alý tásilderimen júzege asyrylýy múmkin.» degen sózder «satyp alý;» degen sózdermen aýystyrylsyn;
mynadaı mazmundaǵy 4) tarmaqshamen tolyqtyrylsyn:
«4) memlekettik mekemelerdi qospaǵanda, Qazaqstan Respýblıkasynyń qarjylyq lızıng týraly zańnamalyq aktilerinde belgilengen tártippen, densaýlyq saqtaý uıymdarynyń medısınalyq tehnıkany qarjylyq lızıng sharttarymen satyp alýy tásilderimen júzege asyrylýy múmkin.»;
8-tarmaq «osy erejeniń» degen sózderden keıin «7-tarmaǵynyń 4) tarmaqshasynda kózdelgen tásildi qospaǵanda,» degen sózdermen tolyqtyrylsyn;
78-tarmaqtyń 1) tarmaqshasynyń altynshy abzasy alynyp tastalsyn;
2) «Densaýlyq saqtaý uıymdarynyń shyǵyndaryn bıýdjet qarajatynyń esebinen óteý erejesin bekitý týraly» Qazaqstan Respýblıkasy Úkimetiniń 2009 jylǵy 7 jeltoqsandaǵy № 2030 qaýlysynda (Qazaqstan Respýblıkasynyń PÚAJ-y, 2009 j., № 57, 495-qujat):
kórsetilgen qaýlymen bekitilgen Densaýlyq saqtaý uıymdarynyń shyǵyndaryn bıýdjet qarajaty esebinen óteý erejesinde:
3-tarmaq «shyǵystardy» degen sózden keıin «(densaýlyq saqtaý salasyndaǵy ýákiletti organ aıqyndaıtyn densaýlyq saqtaý uıymdarynyń (budan ári - pılottyq uıymdar) qarjylyq lızıng shartymen medısınalyq tehnıkany satyp alý shyǵystarynan basqa)» degen sózdermen tolyqtyrylsyn;
mynadaı mazmundaǵy 22-tarmaqpen tolyqtyrylsyn:
«22. Stasıonarlyq medısınalyq kómek kórsetetin pılottyq uıymdar úshin lızıng tólemderiniń shyǵystaryn óteýge arnalǵan qarjylandyrý kólemi osy Erejege 8-qosymshaǵa sáıkes formýla boıynsha aıqyndalady.
Pılottyq uıymdarǵa lızıng tólemderin óteýdi medısınalyq qyzmetke aqy tóleý jónindegi memlekettik organnyń aýmaqtyq bólimsheleri respýblıkalyq bıýdjette kózdelgen bıýdjet qarajatyn pılottyq uıymdardyń shotyna shart negizinde aýdarý jolymen júzege asyrady. Lızıng tólemderin óteýge baǵyttalǵan bıýdjet qarajaty Qazaqstan Respýblıkasynyń Úkimeti qurǵan, medısınalyq tehnıkany keıinnen densaýlyq saqtaý uıymdaryna qarjylyq lızıng sharttarynda berý úshin satyp alý qyzmetiniń negizgi máni bolyp tabylatyn uıymmen jasalǵan qarjylyq lızıng shartynyń sheńberinde ǵana paıdalanylady.
Lızıng tólemderin óteýge qarajat jetkiliksiz bolǵan jaǵdaıda pılottyq uıymdar lızıng tólemderin aqyly qyzmetter kórsetýden alynǵan qarajat esebinen óteıdi.»;
kórsetilgen Erejege 5-qosymshada:
toǵyzynshy abzas «biliktiligin arttyrýǵa» degen sózderden keıin «jáne qaıta daıarlaýǵa» degen sózdermen jáne «stasıonardy ornalastyrý úshin úı-jaıdy jalǵa alý,» degen sózderden keıin «qarjylyq lızıng shartymen medısınalyq tehnıkany satyp alýǵa arnalǵan shyǵystar,» degen sózdermen tolyqtyrylsyn;
kórsetilgen Erejege 7-qosymshada:
segizinshi abzastaǵy «biliktiligin arttyrýǵa» degen sózderden keıin «jáne qaıta daıarlaýǵa» degen sózdermen tolyqtyrylsyn;
osy qaýlyǵa qosymshaǵa sáıkes 8-qosymshamen tolyqtyrylsyn.
2. Osy qaýly alǵashqy resmı jarııalanǵan kúninen bastap qoldanysqa engiziledi.
Qazaqstan Respýblıkasynyń Premer-Mınıstri K.MÁSIMOV.
Qazaqstan Respýblıkasy Úkimetiniń 2011 jylǵy 7 sáýirdegi № 392 qaýlysyna qosymsha
Densaýlyq saqtaý uıymdarynyń shyǵyndaryn bıýdjet qarajaty esebinen óteý erejesine 8-qosymsha
Pılottyq densaýlyq saqtaý uıymdary úshin lızıng tólemderiniń shyǵystaryn óteýge arnalǵan qarjylandyrý kólemin anyqtaý formýlasy
LT shyǵystary = Kstas.naqt.qaraj. H LT jyl / Kstas.jospar. qaraj.
munda:
LTJYL – qarjylyq lızıng shartyna sáıkes stasıonarlyq medısınalyq kómek kórsetetin pılottyq densaýlyq saqtaý uıymdarynyń lızıng tólemderin óteýge arnalǵan shyǵystarynyń jyldyq somasy;
Kstas. naqt. qaraj. – medısınalyq tehnıkany lızıng sharttarynda satyp alýǵa qatysatyn pılottyq densaýlyq saqtaý uıymy qarjylyq lızıng sharttarynda satyp alǵan medısınalyq tehnıkamen stasıonarlyq kómek kórsetýden is júzinde alynǵan qarajat somasy;
Kstas. jospar. karaj. – medısınalyq tehnıkany lızıng sharttarynda satyp alýǵa qatysatyn pılottyq densaýlyq saqtaý uıymy qarjylyq lızıng sharttarynda satyp alǵan medısınalyq tehnıkamen stasıonarlyq kómek kórsetýden alýǵa josparlanatyn qarajat somasy;
LT - lızıng tólemi.