Ombydaǵy aǵaıyn dán rıza

Jýyrda Fedor Dostoevskıı atyndaǵy Omby memlekettik ýnıversıtetinde qazaq tili men má­denıetiniń ortalyǵy ashyldy. Bul Pavlodar jáne Omby oblys­tarynyń basshylyǵy arasyn­daǵy dostyq baılanys arqyly júzege asty. Kópten kútken or­talyqtyń ashylý rásimine Sul­tanmahmut Toraıǵyrov atyndaǵy memlekettik ýnıversıtettiń oqy­týshy-pro­fessorlar quramy, óner­li stýdent jastar qatysty. Aıt­qanyn­daı-aq, saltanatty ashy­lý rási­mine jınalǵan ombylyq qazaq­tardy olar saǵynyshty án men kúıge bóledi. F.Dostaevskıı atyn­daǵy ýnıversıtet prorek­tory Vladımır Polovınko men Sultan­mah­mut Toraıǵyrov atyn­daǵy memlekettik ýnıversıtettiń rektory Erlan Aryn qazaq tili men má­de­nıeti ortalyǵynyń tu­saýyn kesti. E.Arynnyń aıtýyn­sha, bul elimizdiń, qazaq hal­qy­nyń táýel­siz­dik alýynyń 20 jyl­dyǵy qarsańynda shette júr­gen qan­das­tarymyz úshin ja­salǵan al­ǵash­qy jarqyn bastama, al, al­daǵy ýa­qyt­ta qazaq tili men má­denıeti, áde­bıetine ar­nalǵan bas­qa da jaq­sylyqtar qolǵa alyn­baqshy. Al, Reseıdiń Om­by­dan basqa óńir­lerinde de qa­lyń qazaq tura­ty­nyn eskersek, osyn­daı orta­lyq­tardyń olar­­dyń da ortasyn tol­tyryp, qýa­nyshqa toltyrýy áb­den kerek-aq. Sóıtip, oqý ornynda ashyl­ǵan qazaq tili men mádenıetiniń ortalyǵy Omby qazaqtarynyń basyn qosatyn ortaǵa aınalmaq. Búgingi tańda Omby oblysynda júz myńnan asa qazaq turady. Al, qazaq tili qazaq úshin qaı jerde júrse de qasterli. Son­dyqtan, basqa jerlerde júrgen qandastarymyz úshin qazaq tildi ortanyń qalyptasýy, ana tili­mizdiń saqtalýy, qajettiligi zań­­dylyq. Ortalyqqa Omby ob­ly­syndaǵy qazaq avtonomııasy jas­tarynyń kóshbasshysy Baýyr­jan Tynys jetekshilik jasaıdy. – Qazaq tili men mádenıeti ortalyǵyna jetekshilik etý úlken senim. Qazirdiń ózinde ortalyqqa óz qazaǵymyz kóptep kelýde. Ana tilinde sóılep, án aıtýǵa qyzyqqan jastar da kóp. Erlan Muhtarulyna rahmet aıtamyz, – deıdi ol. Ortalyqqa Sultanmahmut Toraıǵyrov atyndaǵy ýnıversıtette jaryq kórgen tarıhı, ádebı kitaptar ákelindi. Tórde Tóle, Áıteke, Qazybek bılerdiń sýretteri men naqyl sózderi ilingen. Qazaq tiliniń álippesi, memlekettik rámizder, elimizdegi qalalar jaıly derekter de jetkilikti. Qazaq tilinde shyqqan derekti, tarıhı, kórkem fılm­der de bar. Farıda BYQAI, Pavlodar.