«Nurbanktiń» 2007 jyly urlanǵan top-menedjerleriniń súıegi araǵa 4 jyl salyp tabyldy. Joldas Temirálıev pen Aıbar Hasenovtiń zaıyptary jandaryn shúberekke túıip, arystarynyń aman oralatynyna sengenimen, jazmysh ony buıyrtpapty. Atalǵan eki azamattyń adam qolynan qaza bolǵanyn endi jalpaq jurt biledi. Al adam qanyn moınyna júktegenderdiń shet elde arqasyn qyzdyryp, barmaǵyn balǵa batyryp otyrǵandary aıan.
«Egemen Qazaqstannan» oqyǵanymyzdaı, prokýratýra qyzmetkerleri «Qazteleradıonyń» qoımalar bazasynyń aýmaǵynan tabylǵan súıekter Temirálıev pen Hasenovtiki ekenin aıtyp otyr. Tipti, tabylǵan máıittiń biri Temirálıevtiń tis protezine sáıkes keletini de baıan etildi.
Almaty qalasynyń Almaly aýdandyq soty Álıev, Koshlıak, Musaev, Sapojnıkov, Imashevqa syrttaı úkim shyǵarǵanymen, olar Avstrııada júr. Endi olardy elge ekstradısııalaý máselesin shyndap qolǵa alyp, qylmyskerlerdi osynda ákelip, tıisti jazasyn ótettirý qajet. «Qazaqstanda adam qanyn moıyna júktep, shet elge qashyp, jazadan jaltarýǵa bolady» eken degen túsinik qalyptasýy da ǵajap emes. «Qylmyskerdiń orny – abaqty» deıdi. Sondyqtan halyq qylmystyq top ókilderin temir tordyń arǵy betinen kórgisi keledi.
Ǵanı BAIULY, «Jas ǵalymdar alıansynyń» tóraǵasy.
Qyzylorda oblysy.