Joǵary partııa mektebiniń aımaqtyq ortalyǵy

Memleket basshysy, «Nur Otan» HDP Tóraǵasy Nursul­tan Nazarbaevtyń tap­syr­masymen Astana qalasyn­da budan bir jyl buryn Jo­ǵa­ry partııalyq mektep óz ju­mysyn bastaǵan bolatyn. Endi, mine, Almatyda «Nur Otan» HDP-nyń Joǵary partııalyq mektebiniń aımaqtyq ortaly­ǵy ashyldy. Bul ortalyqtyń ashylý saltanatyna «Nur Otan» HDP tóraǵasynyń birinshi orynbasary Nurlan Nyǵmatýlın jáne Almaty qa­lasynyń ákimi Ahmetjan Esimov qatysty. Kópshilikke belgili, partııa­nyń kezekten tys HII sezinde Elbasy ortalyq jáne aımaqtyq deńgeıdegi partııalyq-saıası oqý jelisin odan ári nyǵaıtý qa­jettigi týraly atap aıtqan edi. Or­talyqtyń ashylý saltana­tyn­da sóz alǵan «Nur Otan» HDP Tóraǵasynyń birinshi oryn­ba­sa­ry Nurlan Nyǵmatýlınniń aı­tý­yn­sha, respýblıkadaǵy eń úlken shahar – Almatyda partııa mek­te­biniń ashylýy – Qazaqstannyń ońtústik aımaǵyndaǵy barlyq partııa kadrlarynyń boıyndaǵy kásibı jáne kóshbasshylyq iskerligi men biliktiligin odan ári art­tyrýdaǵy mańyzdy qadam bolyp tabylady. Al, mektepti uıymdastyrý­shy­lardyń aıtýynsha, partııalyq oqýdyń Almaty aımaqtyq orta­lyǵynda bilim alatyndar qatary birshama. Olardyń arasynda oń­tús­tik aımaqtaǵy tórt oblystyń, anyǵyraq aıtqanda, Almaty, Jambyl, Ońtústik Qazaqstan jáne Qyzylorda oblystarynyń jáne Almaty qalasynyń par­tııa­lyq aktıvi de bar. Partııa mek­te­biniń alǵashqy fılıaly ótken jyly Memleket basshysy Nur­sul­tan Nazarbaevtyń qatysýy­men Aqtóbe qalasynda ashylǵan edi. Qazir onda bastaýysh partııa uıymynyń 200-den astam jetekshisi daıyndalyp shyqty. «Nur Otan» HDP fılıaly­nyń ońtústik astanada ashylýy­nyń bir sebebi, eń aldymen qa­la­nyń ǵylymı, áleýmettik-saıası qýatymen de baılanysty bolsa kerek. Ortalyq esiginiń aıqara ashy­lýynyń mańyzdylyǵy jó­nin­de Almaty qalasynyń ákimi Ahmetjan Esimov óz sózinde atap ótti. Ákimniń pikirinshe, álemdik qarjy daǵdarysynyń saldaryn eńsergen qala birshama jaqsy qar­qynmen damýda. Máselen, óndiris ótken jyly 26 paıyzǵa ósti. Bı­ylǵy jyldyń ótken tórt aıynyń ózinde ol 28  paıyzǵa jetip, salyq túsimi osy merzimde 28 paıyzǵa ósýi kóp nárseden habar beredi. Almaty fılıalynyń jetekshisi qaladaǵy partııa mektebiniń keleshektegi mindetterine de toq­taldy. Bul oraıda partııa múshe­leri men onyń jaqtastarynyń, ıaǵnı qoldaýshylardyń bilim deń­geıin tereńdetip, stra­tegııalyq maqsattarǵa qol jetkizýge  múm­kindik beredi. Bastaýysh par­tııa uıymdarynyń tóraǵa­la­ry par­tııa­lyq oqýdyń Almaty aımaq­tyq ortalyǵynyń alǵashqy tyń­daýshylary boldy. Baqyt BALǴARINA, Almaty.