Ekologııany saýyqtyrý – adamzat paryzy

Tórt kúndi qamtyǵan TMD, EýrAzEQ Parlamentaralyq Assambleıalarynyń jáne UQShU Parlamenttik Assambleıasynyń josparlanǵan is-sharalary ótken seısenbi kúni Sankt-Pe­terbýrgte Neva halyqaralyq ekologııalyq kongresimen qory­tyn­dylandy. Gazettiń ótken nómirlerinde habar­lan­ǵanyndaı, osy sharalardyń barlyǵyna Qazaqstan Respýblıkasy Parlamenti Májilisiniń Tóraǵasy Oral Muhamedjanov bastaǵan qazaq­stan­dyq depýtattar da belsene qatysty. Halyqaralyq mártebege ıe bul forým osymen tórtinshi ret ótip otyr. Al bıylǵy basqosýdyń eń basty ereksheligi, TMD-nyń 20 jyldyǵyna arnalǵandyǵynda jatyr. «Áleýmettik-ekologııalyq salalardy damytýdyń ınnova­sııa­lyq mehanızmderi» taqyry­byn­da­ǵy halyqaralyq ekologııa­lyq kongress jumysyna 25-ten astam alys-jaqyn shet elderdiń, sondaı-aq bir­qatar halyqaralyq uıymdar men úki­mettik emes uıymdardyń ókil­de­ri qatysty. Onda alǵash­qy­lardyń biri bolyp QR Qorshaǵan ortany qorǵaý mınıstri Nurǵalı Áshimov sóz sóıledi. Mınıstr El­basy Nur­sul­tan Nazar­baevtyń «Qa­zir da­myta bereıik, al ekolo­gııamen sodan keıin aına­ly­samyz – for­mý­lasy boı­yn­sha búgin birde-bir el ómir súre al­maıdy» degen sózin keltire otyryp, ekolo­gııany saý­yq­tyrýǵa baı­la­nys­ty elimiz ta­rapynan qolǵa aly­nyp jatqan jumystarǵa toqtaldy. «Alǵa qoıylǵan mindetterdi sheshý úshin Qazaqstan Úkimeti «Jasyl el» baǵdarlamasyn ázir­le­di jáne bekitti, – dedi Nurǵalı Áshimov osy týraly. – Baǵ­dar­lamanyń basymdyqtary retinde gazdyń aýaǵa taralýyn azaıtý, tutynylǵan jáne óndiristik qal­dyqtar problemasyn sheshý, sý resýrstaryn qorǵaý, qorshaǵan or­taǵa zııan keltirgeni úshin sa­lyn­ǵan aıyppuldy ekologııany saýyqtyrýǵa jumsaý qarasty­ryl­ǵan». Mınıstrdiń atap ót­kenindeı, Astananyń «Jasyl kópir» bastamasy osy jyldyń mamyryndaǵy IV Astanalyq eko­no­mıkalyq forýmyna qatysý­shy­lardan biraýyzdan qoldaý tapty. Sondaı-aq, ol kongreske qatysý­shy­lardy ústimizdegi jyldyń qyrkúıeginde elordada ótetin VIII Pan-eýropalyq qorshaǵan ortany qorǵaý mınıstrleriniń konferensııasyna shaqyrdy. Jıynnyń plenarlyq otyry­synda Parlament Májilisiniń Eko­logııa jáne tabıǵat paıdalaný jónindegi komıtetiniń tóraǵa­sy Erlan Nyǵmatýlın baıandama jasady. Baıandamasynda depýtat qatysýshylardy elimizde ener­gııa­ny únemdi paıdalaný bary­synda qabyldanǵan zańnamalar­men, sondaı-aq ázirlengen «Ener­gııa únemdeý týraly» zańnyń ja­ńa redaksııasymen tanystyrdy. Ondaǵy maqsat – energııalyq shyǵyndy azaıtý «О́tken jyly Qazaqstan Úkimeti 2020 jylǵa deıin turǵyn úı-kommýnaldyq sharýashylyǵyn jańartý jónin­degi baǵdarlamalyq qujat qabyl­dady, – dedi Erlan Nyǵmatýlın. – Bul qujatta jylýdyń shy­ǵynyn tómendetý úshin turǵyn úılerdi qajetti qurylǵylarmen jabdyqtaý, energııa kózderin qaıta jóndeýden ótkizý, basqa da máseleler qarastyrylǵan». Parlamentaralyq yntymaq­tas­tyqty tereńdetýdi maqsat etken Sankt-Peterbýrgtegi alqaly jıyn tabysty aıaqtaldy. Aldaǵy ýaqyttyń jospary belgilendi. Osylaısha, parlamenttik dıplomatııa, shyn máninde, halyqtyq dıplomatııa ekendigin kórsetti.