Notarıattyq qyzmet jetildiriledi

Qazaqstan Respýblıkasy Parlamenti Májilisiniń Zańnama jáne sot-quqyqtyq komıtetiniń uıymdastyrýymen «Notarıat týraly» Qazaqstan Respýblıkasy Zańyna  ózgerister men tolyqtyrýlar engizý týraly zań jobasy boıynsha dóńgelek ústel ótkizildi. Dóńgelek ústeldi zań jo­ba­sy boıynsha  jumys tobynyń jetekshisi, depýtat Zaǵıpa Balıeva júrgizip otyrdy. Atalǵan zań jobasy jóninde Ádilet mınıstriniń orynbasary Ámir­han Amanbaev baıandama jasa­dy. Jıynǵa Reseıden Federal­dyq notarıaldyq palatasy bas­qarmasynyń múshesi, Samara ob­lystyq notarıaldyq palata­sy­nyń prezıdenti G.Nıkolaeva qatysyp, óz tájirıbelerimen bólisti. Búgingi kúni paıdalanyp júrgen «Notarıat týraly» QR Zańy 1997 jyly qabyldanǵan. Sodan bergi qoǵamdyq ózgeris­ter­ge baılanysty qoldanys­ta­ǵy erejelerdi qaıta qaraý qa­jettigi týyndap otyr. Birneshe jyl boıy Zańǵa qoldanylýy men iske asyrylýy atalǵan qu­qyq ınstıtýtyn qalyptastyrý­da jáne damytýda mańyzdy bol­ǵan ózgerister men tolyq­tyrýlar engizilgen. Eýropa elderinde notarıýstyq qyzmettiń 500 jyldyq tarıhy bar. Bizdiń notarıýstar latyn júıesimen jumys isteıdi. Ádilet mınıstrligi usynyp otyrǵan zań jobasy notarıýsqa lısenzııa alýǵa úmitker adam­dar­dy attestattaý, úmitkerler arasynda konkýrstar júrgizý ke­zinde sybaılas jemqorlyq faktorlaryn joıýǵa, olardyń qyzmetiniń aýmaqtaryn anyq­taý­ǵa múmkindik beredi. Memlekettik notarıýstardyń rólin kú­sheıtedi. Halyqqa kórseti­le­tin notarıattyq qyzmettiń qu­nyn azaıtady, jekeshe nota­rıýs­tary joq shalǵaı aýdandarda memlekettik notarıýs qyzme­timen qamtamasyz etedi. Notarıattyq qyzmetpen aı­na­lysý quqyǵyna úmitker adamdar Ádilet mınıstrligi janyn­daǵy Attestattaý komıs­sııa­syn­d­a attestasııadan ótedi. Attestasııadan ótkenimen lısenzııa alyp, aımaǵyn aıqyndaı almaı júrgender de barshylyq ekenin aıtyp ótti dóńgelek ústelge qa­tysýshylar. Osy zań jobasy­men jekeshe notarıýstar joq shal­ǵaı aýdandarda qyzmet kór­setetin memlekettik notarıýstar ınstıtýtyn da qalpyna keltirý usynylady. Respýblıkada 2018 notarıýs bar, jalpy, 4642 memlekettik lısenzııa berilgen. Sońǵy úsh jylda respýblıka sot­tary 538 notarıattyq kýá­lan­dyrǵan kelisimniń kúshin joı­dy. Usynylyp otyrǵan zań jobasyn qabyldaý notarıatty neǵurlym tıimdi damytýǵa jáne nota­rıattyq qyzmetpen baıla­nys­ty sybaılas jemqorlyq fak­tor­laryn boldyrmaýǵa yqpal etedi. Dóńgelek ústelde Respýb­lıkalyq notarıattyq palata tóraıymy A.Janábilova, Qu­qyq­tyq zertteý jáne taldaý ıns­tıtýty konsýltatıvtik ke­ńe­siniń tóraıymy K.Muqasheva, «Rectum esse» quqyqtyq or­talyǵynyń prezıdenti M.Ámi­rova, t.b. sózge shyǵyp, pikir almasty. Sáýle DOSJANOVA, jýrnalıst.