2011 jylǵy 7 sáýir №397 Astana, Úkimet úıi
Keń taralǵan paıdaly qazbalardyń tizbesin bekitý týraly
«Jer qoınaýy jáne jer qoınaýyn paıdalaný týraly» Qazaqstan Respýblıkasynyń 2010 jylǵy 24 maýsymdaǵy Zańynyń 16-babynyń 8) tarmaqshasyn iske asyrý maqsatynda Qazaqstan Respýblıkasynyń Úkimeti qaýly etedi:
1. Qosa berilip otyrǵan keń taralǵan paıdaly qazbalardyń tizbesi (budan ári – tizbe) bekitilsin.
2. Oblystardyń, Astana jáne Almaty qalalarynyń ákimderi keń taralǵan paıdaly qazbalardy kommersııalyq maqsatta barlaýǵa, óndirýge, birlesken barlaý men óndirýge kelisimsharttar daıyndaý jáne jasasý kezinde tizbeni basshylyqqa alsyn.
3. «Keń taralǵan paıdaly qazbalardyń tizbesin bekitý týraly» Qazaqstan Respýblıkasy Úkimetiniń 1996 jylǵy 27 mamyrdaǵy № 645 qaýlysynyń kúshi joıyldy dep tanylsyn (Qazaqstan Respýblıkasynyń PÚAJ-y, 1996 j., № 24, 203-qujat).
4. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri K.MÁSIMOV.
Qazaqstan Respýblıkasy Úkimetiniń 2011 jylǵy 7 sáýirdegi № 397 qaýlysymen bekitilgen
Keń taralgan paıdaly qazbalardyń tizbesi
1. Metallýrgııaǵa arnalǵan kenge jatpaıtyn shıkizat: qalyptyq qum;
quramynda sazdy topyraǵy bar jynystar (dalalyq shpat, pegmatıt); áktas, dolomıt, áktasty-dolomıtti jynystar, tamaq ónerkásibine arnalǵan áktas.
2. Kenge jatpaıtyn basqa shıkizat: otqa tózimdi saz;
kaolın; vermıkýlıt; as tuzy.
3. Jergilikti qurylys materıaldary:
výlkandyq keýek jynystar (týftar, shlaktar, pemzalar);
quramynda sýy bar výlkandyq shyny men shyny tárizdes jynystar (perlıt, obsıdıan);
usaq jumyr tas pen qıyrshyq tas, qıyrshyq tas-qum qospasy;
gıps, gıpsti tas, angıdrıt, gaja;
saz jáne sazdy jynystar (baıaý balqıtyn jáne tez balqıtyn saz, sýglınka, argıllıt, alevrolıt, sazdy taqta tastar);
bor, mergel, mergeldi-bor jynystary;
kremnıı jynystary (trepel, opoka, dıatomıt);
kvarsty-dala shpatty jynystar;
shoı tas;
shógindi, atqylaýdan keıingi jáne metamorfalyq jynystar (granıt, bazalt, dıabaz, mármár);
qalyptyqtan basqa kum (kurylys, kvars, kvarsty-dala shpaty);
kum tas;
tabıǵı pıgmentter;
ulýtas.