Mamyr aıynyń basynda Germanııanyń Leıpsıg qalasynda eskek aıaqpen sýda júzýden álem kýbogy úshin jarys ótti. Jarysqa álemniń 15 elinen 57 komanda qatysty. Qazaqstannyń namysyn «Akvanavt» sport klýby men №5 sport mektebiniń uıymdastyrýymen qurylǵan 18 sportshydan turatyn komanda qorǵap, komandalyq esepte altynshy oryndy ıelendi.
Álemniń aldyńǵy qatarly komandalary qatysqan bul jarysta №126, №173 lıseı oqýshylary erekshe kózge túsip, №173 lıseıdiń oqýshysy Dildabekov Islam besinshi oryndy ıelendi. Germanııa, Ýkraına, Reseı, Fransııa, Qytaı sııaqty sý sporty damyǵan eldermen ıyq tiresip júrip, el komandasynyń altynshy orynǵa taban tireýi úlken jetistik. 2009 jyly Túrkııada ótken álem kýboginde jasóspirimder arasynda 3-oryn alǵan Aıtbaev Ashat bul joly eresekter tobynda jarysqa túsip, 9-orynǵa ıe boldy. Qazaqstan komandasy aldaǵy ýaqytta ótetin úlken jarysqa qatysýǵa shaqyrý aldy. Osy jolǵy jarysqa Ashattyń qatysýy úshin qoldaý kórsetken Q.Sátbaev atyndaǵy Qazaq ulttyq tehnıkalyq ýnıversıtetiniń basshylyǵynyń salamatty ómirdi nasıhattaı bilgendigine razylyq tanytýymyz kerek.
Bolashaǵynan úlken úmit kúttiretin jas sportshylar qataryna №126 lıseı oqýshylary A.Ábilov, B.Smatov, №173 lıseı oqýshylary I.Dildabekov, A.Ábilmájınova, A.Kabı, N.Ústemirov sekildi shákirtterdi qosýǵa bolady.
Iýrıı KÝSEL, bapker.
Almaty.