Memleket basshysy Nursultan Nazarbaev Dúnıejúzi qazaqtary qaýymdastyǵy tóralqasy Tóraǵasynyń birinshi orynbasary Talǵat Mamashevti qabyldady, dep habarlady Qazaqstan Respýblıkasy Prezıdentiniń baspasóz qyzmeti.
Kezdesý kezinde T.Mamashev Prezıdentke Qazaqstannyń elordasy Astanada ótetin Dúnıejúzi qazaqtarynyń tórtinshi quryltaıyna daıyndyq barysy týraly baıandady.
– Quryltaıǵa 35 taıaý jáne alys shet elden 380 delegat, sondaı-aq Almaty men Astana qalalarynan, elimizdiń óńirlerinen 300-den astam ókilder shaqyryldy. Bıylǵy jylǵy quryltaıdyń bir ereksheligi, delegattardyń 60 paıyzdan astamyn 30 jasqa deıingi jastar quraıdy, – dedi T.Mamashev jýrnalısterge arnalǵan brıfıngte.