Senat bıýrosynyń kezekti otyrysy

23 mamyrda Qaırat Mámıdiń tóraǵalyq etýimen bolǵan Parlament Senaty bıýrosynyń otyrysynda Parlament Májilisinde maquldanǵan zań jobalary palata komıtetterine bólinip berildi, dep habarlady Senattyń baspasóz qyzmeti. Bıýro otyrysynda «Tabıǵı mo­nopolııalar jáne retteletin naryqtar týraly» Zańǵa ózgeris engizý týraly», «Munaı ónim­de­riniń jekelegen túrlerin óndirýdi jáne olardyń aınalymyn memlekettik retteý týraly», sondaı-aq «Tarıftik saıasat negizderin qosa alǵanda, temir jol kóliginiń qyzmetterine qol jetkizýdi retteý týraly kelisimdi ratıfıkasııalaý týraly», «Belarýs Res­pýb­lıkasyndaǵy, Qazaqstan Res­pýb­lı­kasyndaǵy jáne Reseı Federa­sııa­syndaǵy tehnıkalyq retteý­diń biryńǵaı qaǵıdattary men qaǵıdalary týraly kelisimdi ratıfıkasııalaý týraly» zań joba­lary Ekonomıkalyq jáne óńirlik saıasat komıtetine berildi. «Úshinshi memleketterden kelgen zańsyz eńbek kóshi-qonyna qar­sy is-qımyl jónindegi ynty­maq­tastyq týraly kelisimdi ratıfıkasııalaý týraly», «Kóship-qonýshy eńbekshiler men olardyń otbasy músheleriniń quqyqtyq mártebesi týraly kelisimdi ratıfıkasııalaý týraly» zań joba­la­ry odan ári zerdeleý úshin Áleý­mettik-mádenı damý komıtetine berildi. «Qazaqstan Respýblıkasy men Soltústik Atlant Sharty Uıymy arasyndaǵy Aýǵanstandaǵy Qaýip­­sizdikke járdemdesý ha­lyqara­lyq kúshteriniń qyzmetine qatysý týraly notalar almasý nysa­nyn­daǵy kelisimdi ratıfıkasııalaý týraly» zań jobasy boıynsha Ha­lyqaralyq qatynastar, qorǵa­nys jáne qaýipsizdik komıteti negizgi komıtet bolyp belgilendi. Zańnama jáne quqyqtyq má­seleler komıtetine elimizdiń Kon­­stıtýsııalyq Keńesiniń mú­she­si qyzmetine taǵaıyndaý tý­raly má­se­leni qaraýǵa ázirleý tapsy­ryldy. Bıýro otyrysynda sondaı-aq palatanyń 26 mamyrda bolatyn kezekti jalpy otyrysynyń kún tártibin belgileý týraly komı­tet­terdiń usynystary da talqylandy. Jalpy otyrysta senatorlar sondaı-aq «Qazaqstan Respýblı­ka­synyń keıbir zańnamalyq aktilerine jer qatynastaryn retteý máseleleri boıynsha ózgerister men tolyqtyrýlar engizý tý­ra­ly» zań jobasy boıynsha qu­rylatyn kelisý komıssııasynyń quramyna óz áriptesterin sa­ı­laıtyn boldy.