«Men úshin, otbasym úshin eń qymbat syılyq»

Gazet redaksııasy qyzmetkerleriniń qyzmettik telefonynda tynym bolmaıdy. Oqyrmandar, hat-habar ıeleri, ózge de adamdar jıi qońyraý shalyp jatady. Tús mezgili jaqyndap qalǵan bolatyn. Telefon taǵy qońyraýlatty. Tutqany kóterdim, habarlasyp turǵan Almaty oblysy, Talǵar aýdany, Týǵanbaı aýylyndaǵy «Segýn» sharýa qojalyǵynyń tóraǵasy Baıjuman Smaıyl aǵa eken. – Memleket basshysynyń ózi qoltań­ba jazyp ári qolyn qoıyp, jibergen «Eýrazııa júreginde» atty kitabyn alyp, erek­she qýanyp otyrmyn, – dedi Baı­ju­man aǵa aman-saýlyq surasqan soń. – Sol qýanyshymdy el gazeti «Egemen Qazaq­stanǵa» jetkizeıin degen nıetpen habar­lasyp jatqan jaıym bar. Aýyldaǵy qarapaıym sharýa adamynyń lebizi men ótinishin gazetterińe shyǵardyńdar ǵoı... Kóz aldyma Táýelsizdik saraıy, 8 sáýir kúngi Qazaqstan Respýblıkasynyń Prezıdenti Nursultan Nazarbaevtyń pre­zıdenttik qyzmetke kirisýiniń ulyq­taý saltanaty, ulyqtaý saltanatyna delegat retinde qatysqan Baıjuman Smaıylmen ekeýara áńgime, sondaı-aq ol kisiniń qolyndaǵy Elbasy N.­Á.Nazar­baevtyń osydan on úsh jyldaı buryn jaryq kórgen «Qazaqstan HHI ǵasyr tabaldyryǵynda» atty kitaby oraldy. – Aǵa, shynynda da, bul úlken syı­lyq eken, qýanyshyńyzǵa ortaqpyz. Prezıdent óziniń kitabyn ekiniń birine syılaı bermeıdi. Bul óte sırek bolatyn jaǵdaı, – dep Baıjuman aǵadan Elbasy­nyń qoly qoıylǵan sózder mátinin elektrondy poshtamen gazet redaksııa­syna jiberýin ótindim. Ańqyldaǵan aq júrek sharýa adamy­nyń qarapaıymdylyǵyn qarańyz­shy, kónbedi, birden bas tartty. Qolqalap qoımaǵan soń: – Jaraıdy, jibereıin, – dedi Baıju­man aǵa. – Bul men úshin, meniń otbasym úshin eń qymbat syılyq. О́tinishimdi aıaq­syz qaldyrmaǵany úshin Elbasyna júrek­ten shyqqan shynaıy alǵysymdy bildiremin. Telefon tutqasyn ornyna qoıdym da, gazet tigindisin tezdetip paraqtaı bas­ta­dym. Memleket basshysyn ulyq­taý salta­na­tyna ar­nal­ǵan «Egemen­niń» 9 sá­ýirdegi nó­mi­ri túr­li-tústi boıaýmen erekshe bezendirilip shyqqan bola­tyn. Onda ulyqtaý sal­ta­na­tyna qa­tys­qan bir top qazaq­standyqtardyń pikir-lebizderi de sýretterimen ja­­rııalanǵan edi. Mine, ga­zet­­tiń besinshi betinde Baı­juman Smaıyldyń pikir-lebizi óz aty-jónimen ja­rııa­­lanypty. Oqyp shyq­tym. Ol maqalasynda Prezıdentti ulyqtaý saltanaty­na qatysyp, soǵan kýá bolǵanyna ózin erekshe baqytty sanaıtynyna toqtala kelip, orta tusta bylaı degen eken: «Eger qazaqtyń tarıhyna júginer bolsaq, han kóterý Táýke hannan, Haqnazardan basta­lyp, beri qaraı Abylaı hannan jalǵasady. Osy babalarymyzdyń barlyǵy qanshama ret qulshynys tanytsa da, jasaı almaǵan Qazaqstannyń táýelsiz irgeli el bolýyn Nursultan Nazarbaev jasap, qalyptas­tyryp berdi. Meniń oıymsha, Nursultan Ábishuly búkil qazaq halqynyń baǵyna bergen uly da dara tulǵa!». О́tken jyly elimiz EQYU-ǵa tóraǵalyq etip, onshaqty jyldan beri ótpegen Uıym­nyń Sammıtin Astanada tabysty ótkizgeni belgili. Osyǵan baılanysty Baıjuman Smaıyl: «Árbir el­diń EQYU-ǵa tóraǵa­lyq etkisi, joǵary deń­geı­degi sammıt ót­kiz­­gisi keledi. Shy­nyn aıtaıyn, keıbir el­der­diń buǵan qara­ja­ty jetpedi, yń­ǵaıy kelmedi... Qazir­gi kezde Qazaqstanda qara­jat ta jetkilikti, syrt­qy saıasattaǵy ustanymy da ornyq­ty», – dep pikir bildiripti. Táýelsizdik saraıynyń ishinde áńgime­les­kenimizde Baıjuman aǵanyń qolyndaǵy kitapqa kózimiz túsip, onyń jaıyn suraǵan bolatynbyz. Osyǵan baılanysty biz óz tarapymyzdan avtordyń pikiriniń sońyna bylaı dep qosqan edik: «RS. Baıjuman aǵanyń qolynda Prezıdent N.Nazar­baevtyń «Qazaqstan HHI ǵasyr tabaldy­ryǵynda» degen kitaby bar eken. Pikirlesý barysynda sonyń sebebin suradyq. «Bul kitapty qolyma ustap júrgenime 13 jyldan asty, – dedi Baıjuman aǵa. – El­basyǵa jolyǵyp qalsam, osy kitapqa Nur­sultan Ábishuly Nazarbaevtan qoltańba qoıdyryp alsam dep júrmin. О́kinishke qaraı, múmkindik bolmady. Degenmen, Elbasyn ulyqtaý saltanatyna qatysqan biraz óner qaıratkerlerine qoltańba qoıdyryp aldym». Arada eki kún ótkende, Memleket basshysynyń Baıjuman Smaıylǵa syı­laǵan «Eýrazııa júreginde» kitaby syrt­qy muqabasynyń, osyǵan baılanysty Elbasynyń qoly qoıylǵan mátinniń jáne Prezıdent Keńsesiniń Basshysy Mahmud Qasymbekovtiń Baıjuman aǵaǵa joldaǵan haty mátininiń elektrondy nusqasy qolymyzǵa tıdi. Elbasynyń qoltań­basynda bylaı dep jazylǵan: «Qurmetti Baıjuman Smaıylǵa. Alǵys sezimmen usynamyn. Sizdiń de óz sharýashyly­ǵyńyzdy Astananyń qarqy­ny­men damy­týyńyzǵa shyn júrekten tilektespin. Astana, Aqorda, 2011 jylǵy mamyr». Al Prezıdent Keńsesiniń Basshysy Mahmud Qasymbekovtiń hatynda: «Qur­metti Baıjuman Smaıyl! Jibergen hatyńyz ben «Egemen Qazaqstan» gaze­tiniń 2011 jylǵy 9 sáýir kúngi sanynda jaryq kórgen maqalańyz Elbasymyz N.Á.Nazarbaevqa kórsetildi. Nursultan Ábishuly naqty ispen aınalysyp, ónim óndirip júrgen qarapaıym eńbek adamy­nyń tarapynan osyndaı jyly lebizge toly hat alǵanyna zor rızashylyǵyn bildirdi. Saılaý naýqanyna belsene qa­ty­syp, qaıta Prezıdent bolyp saı­lanýyna qosqan úlesińiz úshin Sizge shynaıy alǵysyn jáne denińizge saýlyq, otbasyńyzǵa amandyq pen bereke-baqyt, ózińiz jetekshilik etetin sharýa qojaly­ǵynyń jumysyna mol tabystar tilegen izgi sálemin jetkizýdi tapsyrdy. Sondaı-aq tilegińiz boıynsha Sizge óz qoltańbasy qoıylǵan «Eýrazııa júre­ginde» kitabyn jibergendi jón kórdi. О́zińiz súısine aralaǵan jańa elordamyz týraly jazylǵan Prezıdentimizdiń bul kitaby Siz úshin qadirli syı bolady dep úmittenemiz. Qabyl alyńyz. Qosymsha: 1 kitap», – dep kórsetilgen. Mine, bul Memleket basshysynyń ýaqyty óte tyǵyz bolsa da, qarapaıym eńbek adamynyń ótinish-tilegin aıaqsyz qaldyrmaıtyndyǵyn, sondaı-aq merzimdi basylymdardy únemi oqyp, ondaǵy máselelerdi udaıy nazarda ustaıtyn­dyǵyn kórsetedi. Álısultan QULANBAI.