Almaty qalasy 2011 jylǵy 28 aqpan № 18
Banktik zaem shartynyń mindetti talaptarynyń tizbesin bekitý jáne Qazaqstan Respýblıkasy Qarjy naryǵyn jáne qarjy uıymdaryn retteý men qadaǵalaý agenttigi Basqarmasynyń «Kredıtteý jónindegi qujattamasyn júrgizý erejesin bekitý týraly» 2007 jylǵy 23 aqpandaǵy № 49 qaýlysyna tolyqtyrýlar men ózgerister engizý týraly
«Qazaqstan Respýblıkasyndaǵy bankter jáne bank qyzmeti týraly» 1995 jylǵy 31 tamyzdaǵy Qazaqstan Respýblıkasy Zańynyń (budan ári – Bankter týraly Zań) 34-babynyń 2-tarmaǵyn iske asyrý maqsatynda Qazaqstan Respýblıkasy Qarjy naryǵyn jáne qarjy uıymdaryn retteý men qadaǵalaý agenttiginiń (budan ári – Agenttik) Basqarmasy qaýly etedi:
1. Osy qaýlynyń maqsattary úshin Qazaqstan Respýblıkasy Qarjy naryǵyn jáne qarjy uıymdaryn retteý men qadaǵalaý agenttigi Basqarmasynyń «Kredıtteý jónindegi qujattamasyn júrgizý erejesin bekitý týraly» (Normatıvtik quqyqtyq aktilerdi memlekettik tirkeý tiziliminde - 4602 nómirimen tirkelgen) 2007 jylǵy 23 aqpandaǵy № 49 qaýlysynda aıqyndalǵan uǵymdar paıdalanylady dep bekitilsin.
2. Ekinshi deńgeıdegi bankter, onyń ishinde ıslam banki jáne «Qazaqstannyń Damý Banki» aksıonerlik qoǵamy, banktik zaem operasııalaryn júzege asyrý quqyǵyna lısenzııasy bar, banktiń jekelegen operasııalaryn júzege asyratyn uıymdar (budan ári - bank) jasasatyn banktik zaem sharty (budan ári – shart) sharttardyń tıisti túrine arnalǵan Qazaqstan Respýblıkasynyń zańnamasymen bekitilgen talaptardan, taraptardyń kelisýi boıynsha aıqyndalǵan talaptardan, sondaı-aq mynadaı tizbege sáıkes mindetti talaptardan turady:
1) sharttyń jalpy talaptary;
2) zaemshynyń quqyqtary;
3) banktiń quqyqtary;
4) banktiń mindetteri;
5) bank úshin shekteýler;
6) mindettemelerdi oryndamaǵany úshin taraptardyń jaýaptylyǵy;
7) shart talaptaryna ózgerister engizýdiń tártibi;
8) sındısıldengen banktik zaım berý kezinde - ár qatysýshy sındıkat-banktiń zaemda qatysý somasy men úlesi, onyń ishinde zaemshynyń tólem qabiletsizdigi jaǵdaıynda sındıkattyń ár qatysýshysy úshin yqtımal shyǵyndardyń úlesin bóle otyryp;
9) ıslam bankiniń banktik zaım berý kezinde - Bankter týraly Zańnyń 52-8, 52-9, 52-10-baptarynda kórsetilgen talaptar;
10) ıpotekalyq turǵyn úı zaımy boıynsha jeke tulǵa bolyp tabylatyn kepil berýshiniń quqy týraly talaptar, mindettemeniń oryndalmaǵany týraly habarlamany qolǵa bergen nemese tapsyrysty hatpen jibergen kúnnen bastap kúntizbelik jıyrma bes kúnniń ishinde ıpotekalyq shart tirkelgen organda tirkelgen ıpotekany sot tártibinen tys ótkizýden jazbasha bas tartýdy usyný.
3. Sharttyń jalpy talaptary:
1) shart jasasqan kún;
2) banktik zaemnyń maqsaty (budan ári - zaem), bir aıdan aspaıtyn merzimge berilgen zaemdy, kredıttik jeli aıasynda tólem kartochkalary boıynsha berilgen sharttardy, overdraft kredıtin, sondaı-aq onyń aıasynda zaım alý úshin zaım berý týraly shart (sharttar) jasasý qajet bolatyn kredıttik jelini ashý týraly kelisimdi qospaǵanda, bıznes-josparǵa nemese zaemnyń tehnıka-ekonomıkalyq negizdemesine jáne (nemese) zaemshynyń ótinishine sáıkes keledi;
3) zaemnyń jalpy somasy jáne valıýtasy;
4) zaemnyń merzimi;
5) syıaqy stavkasynyń túri (tirkelgen nemese qubylmaly), syıaqy stavkasynyń mólsheri jyldyq paıyzben, shartty jasaý kúnine Agenttik Basqarmasynyń «Qarjylyq qyzmet boıynsha syıaqy shegi týraly aqparatty taratý kezindegi syıaqy mólsherlemesiniń deńgeıin esepteý erejesin bekitý týraly» (Normatıvtik quqyqtyq aktilerdi memlekettik tirkeý tiziliminde - 4893 nómirimen tirkelgen) 2006 jylǵy 23 qyrkúıektegi № 215 qaýlysyna sáıkes senimdi jyldyq tıimdi salystyrmaly esepteýdegi syıaqy stavkasynyń mólsheri;
6) shartta qubylmaly syıaqy stavkasy kózdelgen bolsa, qubylmaly syıaqy stavkasyn esepteý tártibi;
7) ıslam bankiniń kommersııalyq kredıtti berýi kezindegi ústeme baǵasynyń túri (tirkelgen nemese taýardy satyp alý baǵasynyń paıyzdyq mánimen);
8) óteý tásili (qolma-qol aqshamen, qolma-qol aqshasyz);
9) zaemdy óteý ádisi: annýıtettik (teńdeı tólemdermen óteý) nemese saralanǵan (negizgi boryshty teńdeı úlespen óteý arqyly) ne banktiń ishki erejelerine sáıkes basqa tásilmen;
10) zaem boıynsha bereshekti óteý kezektiligi;
11) ýaqtyly ótelmegen jáne syıaqy tólenbegen jaǵdaıda turaqsyzdyq aıybyn (aıyppuldy, ósimpuldy) esepteý tártibi jáne onyń mólsheri. Jeke tulǵaǵa zaem berý kezinde turaqsyzdyq aıybynyń (aıyppuldyń, ósimpuldyń) shekti mólsheri, sondaı-aq Bankter týraly zańda kózdelgen esepteý tártibi kórsetiledi;
12) komıssııalardyń tolyq tizbesi jáne olardyń zaem berýge baılanysty alynýǵa jatatyn mólsheri;
13) zaemdy óteýdiń jáne syıaqynyń tártibi (kassa arqyly, banktik shotqa qashyqtatylǵan termınal arqyly jáne basqalar taraptardyń kelisimi boıynsha), kezeńdiligi;
14) qamtamasyz etýsiz berilgen zaemdy qospaǵanda, qamtamasyz etý (túri: kepil, turaqsyzdyq aıyby, kepildik, kepildeme, ustap qalý jáne ózge túrleri);
15) zaemshynyń shart boıynsha mindettemelerin oryndamaǵan ne tıisinshe tásilmen oryndamaǵan jaǵdaıda bank qabyldaıtyn sharalar;
16) sharttyń qoldanylý merzimi;
17) zaemshy - zańdy tulǵanyń bankke usynatyn esebiniń túrleri men merzimderi;
18) zaemshynyń (teń zaemshynyń) ol týraly málimetterdi kredıttik bıýroǵa berýge jáne kredıttik bıýronyń ol týraly bankke kredıttik esep berýge kelisiminiń, sondaı-aq taraptardyń óz mindettemelerin oryndaýyna baılanysty aqparattyń bolýyn kórsetý;
19) banktiń poshtalyq meken-jaıy men elektrondyq adresi týraly aqparat, sondaı-aq onyń resmı ınternet – resýrsy týraly derekter.
4. Múmkindikterdi kózdeıtin zaemshynyń quqyqtary mynadaı sharttardan turady:
1) kásipkerlik qyzmetti júzege asyrýmen baılanysty emes, taýarlardy, jumysty jáne qyzmet kórsetýdi satyp alýǵa zaem alǵan jeke tulǵanyń shart jasasqan kúnnen bastap kúntizbelik on tórt kún ishinde zaemdy qaıtarǵany úshin turaqsyzdyq aıybyn jáne basqa aıyppul sanksııalaryn tóleýsiz, banktiń zaem bergen kúnnen bastap eseptegen syıaqy tólemin jáne zaemdy qaıtarý;
2) eger negizgi boryshty nemese syıaqyny óteý kúni demalys ne mereke kúnine túsetin bolsa, onda zaemshy turaqsyzdyq aıybyn jáne basqa aıyppul sanksııalaryn tóleýsiz, syıaqyny nemese negizgi boryshty tóleýdi odan keıingi jumys kúni júrgizedi;
3) ótinish boıynsha úsh jumys kúninen aspaıtyn merzimde, aqysyz, aıyna bir ret shart boıynsha boryshty óteýge túsken kezekti qarajattyń taralýy (negizgi borysh, syıaqy, komıssııalar, turaqsyzdyq aıyby, aıyppuldar jáne basqa da tóleýge jatatyn somalar) týraly jazbasha aqparatty alý;
4) shart boıynsha usynylǵan aqshany tolyq nemese ishinara mezgilinen buryn bankke qaıtarý týraly ótinish boıynsha – aqysyz, úsh jumys kúninen aspaıtyn merzimde negizgi borysh, syıaqy, komıssııalar, turaqsyzdyq aıy-by, aıyppuldar jáne basqa da tóleýge jatatyn somalarǵa bólingen, merzimi ótken tólemder kórsetilgen qaıtarylatyn somanyń mólsheri týraly málimetti jazbasha túrde alý;
5) zaem alǵan kúnnen bastap bir jyl ótken soń, turaqsyzdyq aıybyn jáne basqa aıyppul sanksııalaryn tóleýsiz, zaemdy ishinara nemese tolyq kólemde mezgilinen buryn óteý;
6) qyzmet kórsetý boıynsha daýly jaǵdaılar týyndaǵan kezde bankke jazbasha ótinish jasaýǵa jáne «Jeke jáne zańdy tulǵalardyń ótinishterin qaraý tártibi týraly» 2007 jylǵy 12 qańtardaǵy Qazaqstan Respýblıkasy Zańynda bekitilgen merzimde jaýapty alý.
5. Múmkindikterdi kózdeıtin banktiń quqyqtary mynadaı sharttardan turady:
1) zaemshynyń jaǵdaıyn jaqsartý maqsatynda shart talaptaryn bir jaqty tártippen ózgertý;
2) kúntizbelik qyryq kúnnen asa zaemnyń kezekti bóligi men (nemese) syıaqy tólemin qaıtarý úshin bekitilgen merzimdi buzǵan kezde zaem somasyn jáne ol boıynsha syıaqyny mezgilinen buryn qaıtarýdy talap etý.
6. Talaptardy kózdeıtin banktiń mindetteri mynadaı sharttardan turady:
1) turaqsyzdyq aıybyn jáne basqa aıyppul sanksııalaryn ustap qalmaı, zaem bergen kúnnen bastap eseptelgen syıaqyny qosa otyryp, osy qaýlynyń 4-tarmaǵynyń 1) tarmaqshasynda kózdelgen zaemdy shart jasasqan kúnnen bastap kúntizbelik on tórt kún ishinde qabyldaý;
2) shart boıynsha boryshty óteýge túsken kezekti aqshanyń taralýy (negizgi borysh, syıaqy, komıssııalar, turaqsyzdyq aıyby, aıyppuldar jáne basqa da tóleýge jatatyn somalar) týraly aqparatty jazbasha túrde úsh jumys kúninen aspaıtyn merzimde aıyna bir ret aqysyz zaemshynyń ótinishi boıynsha usyný;
3) shart boıynsha usynylǵan aqshany tolyq nemese ishinara mezgilinen buryn qaıtarý týraly zaemshynyń ótinishi boıynsha – negizgi borysh, syıaqy, komıssııalar, turaqsyzdyq aıyby, aıyppuldar jáne basqa da tóleýge jatatyn somalarǵa bólingen, merzimi ótken tólemder kórsetilgen qaıtarylatyn somanyń mólsheri týraly málimetti oǵan aqysyz, úsh jumys kúninen aspaıtyn merzimde, jazbasha nysanda habarlaý;
4) zaemshyǵa mindettemelerdiń oryndalý merziminiń ótkenin jáne shart boıynsha tólemder jasaýdyń qajettigi týraly shartta kózdelgen merzimde jáne tásilmen habarlaýǵa. Shartta taraptardyń kelisýi boıynsha kezekti tólem kúnin habarlaýdyń merzimi men tásili kózdelýi múmkin;
5) «Jeke jáne zańdy tulǵalardyń ótinishterin qaraý tártibi týraly» Qazaqstan Respýblıkasynyń 2007 jylǵy 12 qańtardaǵy Zańymen bekitilgen merzimde zaemshynyń jazbasha ótinishin qaraýǵa jáne oǵan jazbasha jaýap ázirleý;
6) shart boıynsha (talap etý) quqyqtaryn úshinshi tulǵaǵa berý kezinde (eger quqyqty berý shartta kózdelgen bolsa) berilgen talap etý quqyqtaryn tolyq kólemde, negizgi borysh, syıaqy, komıssııalar, turaqsyzdyq aıyby, aıyppuldar jáne basqa da tóleýge jatatyn somalarǵa bóle otyryp, aǵymdaǵy jáne merzimi ótken bereshektiń qaldyǵyn, sondaı-aq, talap etý quqy berilgen bankke nemese tulǵaǵa zaemdy óteý boıynsha odan arǵy tólemderdi taǵaıyndaý tártibin úsh jumys kúni ishinde jazbasha túrde habarlaýǵa.
7. Tyıym salýdy kózdeıtin bankke qoıylǵan shekteýler mynadaı sharttardan turady:
1) zaemǵa qyzmet kórsetý boıynsha zaemshy – jeke tulǵamen shart jasasý kúnine bekitilgen tarıfterdi, komıssııalyq syıaqylar men basqa da shyǵystardyń stavkasyn jáne esepteý tártibin bir jaqty tártipte ósirý jaǵyna ózgertýge;
2) jasalǵan shart aıasynda komıssııanyń jańa túrlerin bir jaqty tártippen engizýge;
3) zaem berý týraly shartpen saqtandyrý shartyn jasasý týraly jáne (nemese) qamtamasyz etý bolyp tabylatyn múliktiń naryqtyq qunyn anyqtaý maqsatynda baǵalaý júrgizýge talaptar kózdelgen bolsa zaemshyny, kepil berýshini saqtandyrý uıymyn jáne (nemese) baǵalaýshyny tańdaý kezinde shekteýge, sondaı-aq zaemshyǵa óziniń ómiri men densaýlyǵyn saqtandyrý mindetin júkteýge;
4) myna jaǵdaılardy qospaǵanda, jasalǵan shart aıasynda bir jaqty tártippen jańa zaemdardy berýdi toqta turýǵa:
banktiń shartta kózdelgen jańa zaemdar berýdi júzege asyrmaý quqy týyndaǵan kezde;
zaemshy shart boıynsha bank aldyndaǵy óz mindettemelerin oryndamaǵan kezde;
Qazaqstan Respýblıkasy Qarjy naryǵyn jáne qarjy uıymdaryn retteý men qadaǵalaý agenttigi Basqarmasynyń «Ekinshi deńgeıdegi bankterde táýekelderdi basqarý jáne ishki baqylaý júıeleriniń bolýyna qoıylatyn talaptar jónindegi Nusqaýlyqty bekitý jáne Qazaqstan Respýblıkasy Qarjy naryǵyn jáne qarjy uıymdaryn retteý men qadaǵalaý agenttigi Basqarmasynyń «Qarjy naryǵyn jáne qarjy uıymdaryn retteý men qadaǵalaý máseleleri boıynsha Qazaqstan Respýblıkasynyń keıbir normatıvtik quqyqtyq aktilerine ózgerister engizý týraly» 2005 jylǵy 26 naýryzdaǵy № 116 qaýlysyna ózgerister engizý týraly» (Normatıvtik quqyqtyq aktilerdi memlekettik tirkeý tiziliminde № 3925 tirkelgen) 2005 jylǵy 30 qyrkúıektegi № 359 qaýlysyna, Qazaqstan Respýblıkasy Qarjy naryǵyn jáne qarjy uıymdaryn retteý men qadaǵalaý agenttigi Basqarmasynyń «Aktıvterdi, shartty mindettemelerdi jikteý jáne olarǵa qarsy provızııalar (rezervter) qurý erejesin bekitý jáne Qazaqstan Respýblıkasy Qarjy naryǵyn jáne qarjy uıymdaryn retteý men qadaǵalaý agenttigi Basqarmasynyń «Qarjy naryǵyn jáne qarjy uıymdaryn retteý jáne qadaǵalaý máseleleri boıynsha Qazaqstan Respýblıkasynyń keıbir normatıvtik quqyqtyq aktilerine ózgerister engizý týraly» 2005 jylǵy 26 naýryzdaǵy № 116 qaýlysyna ózgeris engizý týraly» (Normatıvtik quqyqtyq aktilerdi memlekettik tirkeý tiziliminde № 4580 tirkelgen) 2006 jylǵy 25 jeltoqsandaǵy № 296 qaýlysyna, Qazaqstan Respýblıkasy Qarjy naryǵyn jáne qarjy uıymdaryn retteý men qadaǵalaý agenttigi Basqarmasynyń «Kredıtteý jónindegi qujattamasyn júrgizý erejesin bekitý týraly» (Normatıvtik quqyqtyq aktilerdi memlekettik tirkeý tiziliminde - 4602 nómirimen tirkelgen) 2007 jylǵy 23 aqpandaǵy № 49 qaýlysyna sáıkes bank júrgizgen monıtorıngtiń nátıjesi boıynsha anyqtalǵan zaemshynyń qarjylyq jaǵdaıynyń nasharlaýy;
5) myna jaǵdaılardy qospaǵanda, zańdy tulǵalarmen shart jasasý kúnine bekitilgen syıaqy stavkasyn bir jaqty tártippen ósirý jaǵyna ózgertý:
shartpen kózdelgen jaǵdaılarda, zaemshynyń zaem alý jáne zaemǵa qyzmet kórsetýmen baılanysty shynaıy aqparattardy usyný boıynsha óz mindettemelerin buzýy;
Qazaqstan Respýblıkasynyń Azamattyq kodeksimen kózdelgen jaǵdaılarda, sondaı-aq shartta kózdelgen myna jaǵdaılarda banktiń mindettemelerdi mezgilinen buryn oryndaýdy talap etýge quqynyń paıda bolýy:
bankke aldyn ala jazbasha eskertýsiz, jıyntyǵynda aksıonerlik qoǵam (sharýashylyq seriktestik) aksııalarynyń on jáne odan kóp paıyzyn (qatysý úlesi) ıelenetin zaemshynyń qatysýshylary (aksıonerleri) quramynyń ózgerýi;
zaemshymen jáne (nemese) kepil berýshimen kepilge qoıylǵan múliktiń mólsherin, jaı-kúıin jáne ony saqtaý sharttarynyń oryndalýyn qujat boıynsha jáne naqty tekserýge, sondaı-aq úshinshi tulǵalardyń zaemshy (kepil berýshiniń) múlkine, onyń ishinde bankke kepilge qoıylǵan múlikke talaptar qoıýy kepil ustaýshy bolyp tabylatyn banktiń quqyn buzýy;
6) zaem alǵan kúnnen bastap bir jylǵa deıin negizgi borysh mezgilinen buryn tolyq ótelgen nemese ishinara mezgilinen buryn ótelgen jaǵdaılardy qospaǵanda, zaemdy mezgilinen buryn ótegeni úshin turaqsyzdyq aıybyn nemese aıyppul sanksııalarynyń basqa túrlerin óndirip alý;
7) eger negizgi boryshty nemese syıaqyny óteý kúni demalys ne mereke kúnine túsken bolsa jáne zaemshy syıaqyny nemese negizgi boryshty tóleýdi odan keıingi jumys kúni júrgizgen jaǵdaıda turaqsyzdyq aıybyn jáne basqa aıyppul sanksııalaryn óndirip alý.
8. Ipotekalyq turǵyn úı zaımy shartyn jáne jeke tulǵamen shartty jasasqanǵa deıin bank mindetti túrde zaemshyǵa (teń zaemshyǵa) zaemdy óteý ádisin tańdaý úshin tanysýǵa bir kezeńdilikpen, saralanǵan tólemder tásilimen jáne annýıtettik tólemder tásilimen eseptelgen zaemdy óteý kesteleriniń jobalaryn beredi, bul rette bank banktiń ishki erejelerine sáıkes sol kezeńdilikpen, tásildermen eseptelgen zaemdy óteý kestesiniń qosymsha jobalaryn usynýy múmkin.
9. Shartpen birge taraptardyń qoldary qoıylǵan zaımdy óteý kestesi beriledi, onda sharttyń nómiri men jasalǵan kúni, kredıt somasy men valıýtasy, óteý kúnderi jáne negizgi boryshty óteý, syıaqy somalary jáne olardyń jıyntyq máni kórsetilgen kezekti tólemderdiń mólsherleri, kelesi óteý kúnindegi negizgi borysh qaldyqtary, sondaı-aq tólenýi tıis kredıt pen syıaqynyń jıyntyq somalary jáne olardyń jıyntyq máni, kredıtti óteý kestesi jasalǵan kún kórsetiledi.
Syıaqy mólsherlemesi ózgermeli banktik zaem sharty boıynsha kredıtti óteý kestesi kredıttiń berilý kúnine jasalady jáne odan keıin kezekti tólemderdiń mólsherleri túzetiledi jáne kredıt berý týraly shartta belgilengen tártipte zaemshyǵa (teń zaemshyǵa) málimet úshin jetkiziledi.
Eger zaemshy (teń zaemshy) jeke tulǵa bolǵan jaǵdaıda kredıt berý kúnine jasalǵan kredıtti óteý kestesinde sondaı-aq zaemshynyń (teń zaemshynyń) tańdaǵan ádisi týraly belgisi bar bank usynǵan óteý ádisteriniń tizbesi bolady.
Kredıttiń kredıtti óteý kestesin ózgertýge alyp keletin talaptary ózgergen kezde jańa talaptar eskerilgen jańa keste jasalady.
8-tarmaqtyń jáne osy tarmaqtyń talaptary bir aıdan aspaıtyn merzimge zaım berý týraly shartqa, kredıttik jeli aıasynda tólem kartochkasy boıynsha berilgen shartqa, overdraft kredıtin, sondaı-aq onyń aıasynda zaım alý úshin zaım berý týraly shart (sharttar) jasasý qajet bolatyn kredıttik jelini ashý týraly kelisimderge qoldanylmaıdy.
10. Kredıt berý týraly shart qajet bolǵan jaǵdaıda basqa tilderdegi aýdarmasy qosa berilip, memlekettik jáne orys tilderinde jasalady, al sheteldik tulǵalarmen shart jasasqan jaǵdaıda memlekettik jáne taraptarǵa qolaıly tilderde jasalady, «Times New Roman» shrıftiniń mólsheri 12-den kem emes, jol aralyǵy jalqy jáne abzas sheginisin qoldana otyryp.
Jeke tulǵalar úshin osy qaýlynyń 3-tarmaǵynyń 1), 2), 3), 4), 5), 6), 7), 8), 9), 10), 11) tarmaqshalarynda kórsetilgen talaptar sharttyń alǵashqy eki betinde (nemese shart bir ýaqytta eki tilde resimdeletin bolsa paraqty eki baǵanǵa bóle otyryp, alǵashqy tórt bette), 3-tarmaǵynyń 13), 14), 15), 16) tarmaqshalary jáne 2-tarmaǵynyń 6) tarmaqshasy tikeleı olardan keıin kórsetiledi.
Zańdy tulǵalar úshin osy qaýlynyń 3-tarmaǵynyń 1), 3), 4), 5), 6), 7), 8), 9), 10), 11) tarmaqshalarynda kórsetilgen talaptar sharttyń alǵashqy eki betinde (nemese shart bir ýaqytta eki tilde resimdeletin bolsa paraqty eki baǵanǵa bóle otyryp, alǵashqy tórt bette), 3-tarmaǵynyń 2), 13), 14), 15), 16) tarmaqshalary jáne 2-tarmaǵynyń 6) tarmaqshasy tikeleı olardan keıin kórsetiledi.
11. Agenttik Basqarmasynyń «Kredıtteý jónindegi qujattamasyn júrgizý erejesin bekitý týraly» 2007 jylǵy 23 aqpandaǵy № 49 qaýlysyna (Normatıvtik quqyqtyq aktilerdi memlekettik tirkeý tiziliminde - 4602 nómirimen tirkelgen, Qazaqstan Respýblıkasynyń ortalyq atqarýshy jáne ózge de memlekettik organdarynyń aktiler jınaǵy, 2007 jylǵy naýryz – sáýir, «Zań gazeti» gazetiniń 2007 jylǵy 25 sáýirdegi № 62 (1265) jarııalanǵan) mynadaı tolyqtyrýlar men ózgerister engizilsin:
kórsetilgen qaýlymen bekitilgen, Kredıtteý jónindegi qujattamasyn júrgizý erejesinde:
1-tarmaqtyń 3) tarmaqshasynda «kredıt berý týraly shart» degen sózder «(banktik zaem shart)» degen sózdermen tolyqtyrylsyn;
3-tarmaq mynadaı redaksııada jazylsyn:
«3. Kredıt berý, kepil, talap etý quqyqtaryn berý nemese kredıt boıynsha boryshty aýdarý týraly sharttardyń túpnusqalaryna, olarǵa qosymsha kelisimderge jáne bank banktiń ýákiletti organy bekitken sharttyń úlgilik nysanyn qoldanýsyz ne banktiń ýákiletti organy bekitýsiz osyndaı úlgilik nysandy ózgertýmen kredıt berý týraly shart boıynsha mindettemelerdi oryndaýmen baılanysty jasasatyn sharttardyń túpnusqalaryna (budan ári – sharttardyń túpnusqalary) banktiń zań qyzmeti basshysynyń (banktiń fılıalynda – bank fılıalynyń zańgeriniń) qoly qoıylady jáne taraptardyń qoly qoıylady jáne zaemshy - zańdy tulǵanyń jáne banktiń mórimen rastalady.»;
3-1 jáne 3-2-tarmaqtar alyp tastalsyn;
9-tarmaq mynadaı mazmundaǵy 9) jáne 10) tarmaqshalarmen tolyqtyrylsyn:
«9) kredıttik tarıh sýbektisiniń ózi týraly aqparatty kredıttik bıýroǵa berýge kelisiminiń kóshirmesi (onyń túpnusqasy banktiń ishki qujattarynda bekitilgen tártipte jáne sharttarmen bank qoımasynda saqtalýy tıis);
10) kredıttik tarıh sýbektisiniń kredıttik esepti alýshyǵa kredıttik esepti berýge kelisiminiń kóshirmesi (onyń túpnusqasy banktiń ishki qujattarynda bekitilgen tártipte jáne sharttarmen bank qoımasynda saqtalýy tıis).».
12. Osy qaýly alǵashqy resmı jarııalanǵan kúnnen eki aı ótken soń qoldanysqa engiziledi.
Tóraıym E. BAHMÝTOVA.
Qaýly Qazaqstan Respýblıkasynyń Ádilet mınıstrliginde 2011 jylǵy 11 sáýirde Normatıvtik quqyqtyq kesimderdi memlekettik tirkeýdiń tizilimine № 6877 bolyp engizildi.