Qyzyl gúlder , sary gúlder, aq gúlder!..

Qazaqstan Respýblıkasynyń Tuńǵysh Prezıdenti atyndaǵy saıabaqta «Almaty – gúl qala» atty gúlder festıvali ótti. Sharanyń maqsaty – Almatyǵa gúl qala mártebesin qaıtarý, gúl ósirý isin jandandyrý, elimizdiń mádenı keńistigin keńeıte otyryp shahar turǵyndary men qonaqtaryn ekologııalyq taza qala sherýine tartý, sonymen qatar jyl saıyn osy saıabaqta gúlder festıvalin turaqty ótkizip turýdy dástúrge aınaldyrý. Almaty qalasynyń ákimdigi men Nicole ortalyǵy uıymdas­tyrǵan bul shara betashary ba­lalarǵa arnalǵan teatrla­n­dyryl­ǵan qoıylymdarmen ashy­lyp, odan ári «Korelevstvo plastıka» jáne «Art ı Shok» teatr­larynyń ónerpazdary jıylǵan kópshilik­tiń kóńilin kóterdi. Sahnadan tys­qary alańdarda balalar shy­ǵar­mashylyq ujymdary, qýyr­shaq teatrlary men túrli úıirmeler óz týyndylaryn usyn­sa, salta­natty sharany tamasha­laý­ǵa kelgen qala jurtshylyǵy qol­danbaly ónerden, graffıtı sýret salýdan, kóshe bıinen arnaıy ótkizilgen sheberlik sabaqtaryna tikeleı qa­tysyp, qyzǵylyqty oıyndar men saıystarda baq­taryn synap kórdi. Qala ákimi Ahmetjan Esimov florıstıkalyq konkýrs jeńim­paz­daryna dıplomdar men baǵaly syılyqtardy tabys etti. Ol óz sózinde qala basshy­ly­ǵy­nyń ma­ńyzdy mindeti ekologııany jaq­sartý ekendigin atap ótti. Bıyl Almatyda 180 myń sharshy metr (2010 j.–110 sharshy m.) jerde jasyldandyrý jumys­tary qolǵa alynyp, úı qabyr­ǵalary gúldi shyrmaýyqtarmen kómkerilmek eken­digin aıtty. Keshkisin, túrli gúl shoq­tarymen bezendirilgen máshı­ne­ler, baıkerler men velosıpedshiler, sondaı-aq mýzykanttardan quralǵan úlken lek «Mega» oıyn-saýyq ortalyǵynan bastap, Ál-Farabı dańǵylynyń boıymen sherý tarta otyryp, Qazaqstan­nyń Tuńǵysh Prezıdenti atyn­daǵy saıabaqqa kelip kirdi. Kúni boıy tanymdyq baǵdarlamalar men konserttik qoıylymdardy tamashalaǵan demalýshylardyń kóńil-qoshyn jyljymaly «gúl­der sherýi» shynymen de art­ty­ryp jiberdi. Demalýshylarǵa Qa­zaq­stan estradasynyń juldyz­dary án men kúıden, myń bural­ǵan ásem bıden turatyn konserttik syı usyndy. Almatynyń maq­pal túnin qyzyldy-jasyldy túspen kómkergen otshashý sal­tanatty sharanyń sánin kirgizdi. Qanat ESKENDIR. Almaty.