«Egemen» – el tennısiniń jankúıeri

Qazaqstan Tennıs federasııa­synyń keńsesinde Beeline abonentteri men BAQ arasynda Ar­gentınaǵa Devıs kýbogyna qazaq­standyq jan­kúıerler sapynda barý quqyǵyna ıelik beretin saıys qory­tyndysy jarııalan­dy. «KaR-Tel» JShS (Qazaq­stan­daǵy Beeline  brendi) jáne Qazaqstan Tennıs federasııasy uıymdastyrǵan bul shara «Jan­kúıer, sen Argentınadaǵy oıyn­ǵa kereksiń!» deıtin uran aıasyn­da birneshe baıqaý ótkizgen bola­tyn. Osy shara bastalǵaly gazetimiz óz oqyrmandaryn tolyq aq­paratpen qamtamasyz etip keledi. Eske sala ketsek, BAQ ókil­deri arasynda otandyq tennıs sporty týraly eń úzdik jarııa­lanym báı­gege tússe, «Barlyǵy tennıs týra­ly» atty sms-kon­kýrsy men «Eıs – Argen­tınaǵa ushý» sms-vıktorı­nasy uıaly baı­lanys operatory­nyń tutyný­shy­lary arasynda ót­kizildi. SMS-vıktorınaǵa 2872 Beeline abonentteri qatysyp, qara­paıym da kúrdeli 32 suraqqa jaýap izdedi. Saıys jeńimpazy asta­nalyq Jiger Azbergenov deıtin azamat. Uıymdastyrýshylardyń qoı­ǵan sharttary boıynsha suraq­tarǵa kóbirek durys jaýap bergen Jiger 7-9 shildede Býenos-Aıreste ótetin Argentına men Qazaqstan quramalary arasynda bolatyn De­vıs Kýbogy jarysyn tamashalaý quqyǵyna ıe boldy. BAQ ókilderi arasynda uıym­dastyrylǵan saıys jeke jáne top­tyq túrde ótkizildi. Otandyq bu­qaralyq aqparat quraldary­nyń 15 ókili baq synap, 18 jýrnalısi belsendi qatysqan shara­nyń qory­tyn­dysyna keler bol­saq, jekeleı sa­ıys­ta Almaty telearnasynyń tilshisi Raýan Oqas pen «Megapolıs» gazetiniń tilshisi Leonıd Iýrev jeńimpaz atanyp, joldamaǵa qol jetkizdi. Al toptyq saıysta «Egemen Qa­zaq­stan» gazeti men «Ten­nisLife» jornaly júldeger atandy. El gazeti «Egemenniń» namysyn qorǵap, júldeli bıikke jeteleı bilgen áriptesimiz Dastan Kenjalındi jańa jeńisimen quttyqtap, otandas tennısshilerimizdiń rýhyn jat jerde de janyp, Qazaqstan týyn elge bıik jelbiretip qaıtýlaryna tilektestigimizdi bildirgimiz keledi.