Bas Prokýror Ashat Daýylbaev AQSh-tyń Qazaqstandaǵy ýaqytsha senimdi ókili, elshi Djon Ordveımen kezdesti, dep habarlady Bas prokýratýranyń baspasóz qyzmeti.
Kezdesý barysynda taraptar ekijaqty yntymaqtastyqtyń jaǵdaıyn talqylap, ózara qarym-qatynas salasyn keńeıtýge jáne odan ári damytýǵa qyzyǵýshylyq tanytty.
Bas Prokýror aradaǵy yntymaqtastyqtyń damý deńgeıine rızashylyǵyn bildirdi jáne Qazaqstan men AQSh arasynda ártarapty jáne tereń deńgeıdegi qatynaspen sıpattalatyn strategııalyq baılanys ornaǵanyn atap ótti.
Ashat Daýylbaev Bas prokýratýra men AQSh quqyq qorǵaý organdarynyń ózara is-qımyly joǵary deńgeıge shyǵyp otyrǵanyn atap kórsetti. Atap aıtqanda, Federaldyq tergeý bıýrosymen qabyldanǵan ózara túsinistik týraly memorandým júzege asyrylyp jatyr, onyń aıasynda birqatar birlesken is-sharalar jáne bilim berý baǵdarlamalary ótkizildi.
Kezdesý barysynda sonymen qatar terrorızmmen jáne ekstremızmmen kúres, zańsyz jolmen tabylǵan qarajatty aınalymǵa salýǵa, terrorızmdi qarjylandyrýǵa tosqaýyl qoıý, quqyqtyq aqparatty almasý máseleleri qozǵaldy. Sonymen qatar qylmystyq is júrgizý zańnamasyn reformalaý máseleleri talqylandy.