«Baqyt degen – seniń bala kúnderiń»

1 maýsym – Balalardy qor­ǵaý­dyń halyqaralyq kúnine oraı, ENRC Kómek qaıyrymdylyq qory Astanadaǵy «SOS Balalar aýy­lyna» tosyn syı jasady. Syı – jańa zamanǵy fýtbol alańy. 10 jyldan beri elordadaǵy «Balalar aýylynyń» 100-ge tarta búldir­shinderi sporttyq keshen jaıly armandap, onyń oryndalatynyna da senip kelgen edi. Jazdyń al­ǵashqy kúni olardyń sol arman­dary or­yn­daldy. Qordyń tikeleı bastama­sy­men fýtbol alańyn jasap shy­ǵa­rý­ǵa nebári bir aı ǵana ýaqyt ketti. Belgili metallýrgııalyq kompa­nııa­­nyń «Balalar aýyldarymen» ara­daǵy yntymaqtastyǵynyń izgi dás­túrge aınalǵanyna da biraz jyldyń júzi bolǵan. ENRC-niń korporatıvtik áleýmettik jaýapkershilik stra­te­gııasynda balalarǵa jáne bilimge arnalǵan jobalarǵa aıryq­sha ba­sym­dyq berilgen. Máselen, atalǵan qor 2007 jyldan beri Astana, Al­maty jáne Temirtaý qala­la­ryn­daǵy 3 «balalar aýylyna» qar­jy­laı qol­daý kórsetip keledi. Al bıylǵy jylǵy fýtbol ala­ńynyń ashylý saltanatyna jáne balalar arasyndaǵy alǵashqy fýtbol oıyndaryn tamashalaýǵa «SOS Qa­zaqstannyń balalar aýyly» korporatıvtik qorynyń dırektory Ba­tyr­han Jıenálıev pen ENRC Kómek qaıyrymdylyq qorynyń dırektory Maran Omarov qatysty. Saltanatty shara kezinde Batyr­han Jıenálıev balalardyń júzine kúlki, kóńilderine qýanysh syılaǵan qaıyrymdylyq korporasııasyna al­ǵysyn bildire kele, «Bizdiń birneshe jyldan beri úzilmeı kele jatqan dostyq baılanysymyz bolashaqta da óziniń jalǵasyn tapqanyn qa­laı­myz. Sebebi, sizderdiń qaıyrym­dy­lyq sharalaryńyz «balalar aýy­lyn» qashan da shattyqqa bóleıdi», – dep shynaıy yqylasyn jetkizdi. «Egemen-aqparat».