Jańa poıyz jol tartty

«Qazaqstan temir joly» UK» AQ el Táýelsizdiginiń 20 jyldyq mereıtoıy qarsańynda Astana men Atyraý qalala­ryn baılanystyratyn jańa baǵyt ashty. Bıylǵy jyldyń 31 mamyrynan bastap atalǵan baǵyt boıynsha №47/48 «Kaspıı» jańa jolaýshylar poıyzy jol tartty. Kompanııa halyqtyń temir jol kó­ligindegi jolaýshylar tasymalyna degen suranysyn qanaǵattandyrý maqsatynda Tver vagon jasaý zaýyty shyǵarǵan 22 vagondy satyp alǵan. Jyljymaly quram parki zaman talabyna saı 12 kýpelik, 8 plaskart, sonymen qatar múmkindigi shekteýli jandar men olardy alyp júretin adamdarǵa arnalǵan arnaıy oryndarmen qamtylǵan 2 kýpelik shtab vagonymen tolyqtyrylǵan. Jańa vagondar tehnıkalyq jáne paıdalaný jaǵynan óziniń túpnusqasynan ar­tyq. Jyljymaly quramdy shyǵarý ba­rysynda jolaýshylardyń poıyzdaǵy sapary sapaly ári jaıly bolýy úshin ınnovasııalyq tehnologııa, zamanaýı materıaldar men quraldar paıdalanylǵan, deıdi mamandar. Sondaı-aq, vagondar ba­qylaý júıesi, kólik quralyn basqarý jáne dıagnostıka jasaý, GPRS quryl­ǵysy men spýtnıktik baılanys syndy ózge de birqatar qajettiliktermen jab­dyqtalǵan. Taǵy bir erekshelik vagon qurylymy deýge bolady. Jańa nusqasynda salon­nyń ishki bólikteri ózgertilgen. Dáretha­nalar qoldanylmaıtyn tambýr jaqta ornalassa, qasynda jolseriktiń kýpesi men qajetti zattardy saqtaıtyn oryn bar. Ishki jáne syrtqy esikter avtomatty túrde ashylsa, vagon tómengi platformalardan túsip kóterilý úshin basqyshpen qamtylǵan. Vagondardyń qyzmetke ja­ramdy ýaqyty 40 jyl, al konstrýk­sııa­lyq jyldamdyǵy saǵatyna 160 sha­qyrymdy quraıdy. Poıyzdyń taǵy bir ereksheligi, shtab vagonynda múmkindigi shekteýli jandar men olardy alyp júretin adamdarǵa arnalǵan arnaıy kýpe bar. Jyl­jymaly quram jarymjan jandar­dyń arbasyn kóterip-túsi­retin qu­rylǵylarmen qamtylsa, olarǵa arnalǵan kýpede arbasyn qoıatyn oryn men qozǵalýǵa arnalǵan ustaı­tyn tutqa jáne aqparat tablosy oryn tepken. «Kýpedegi jatyn oryndar daýysty elektron­dy rettep otyratyn jeke aýdıopaneldermen rettelse, plaskart vagondar da zamanaýı talapqa tolyq jaýap beredi. Olar aýany jeldetetin júıemen, bıo­dárethanalarmen jáne jum­saq jatyn oryndarmen jabdyqtalǵan. Joǵary oryndarda jolaýshyny tósekten qulap ketýden saqtaıtyn jınalatyn qorǵaýysh ornatylǵan», deıdi tanys­tyrýshylar. Jolaýshylarǵa barlyq jaǵdaıdy jasaýdy ózderine basty maqsat tutqan kompanııa ujymynyń bul eńbekteri baǵalaýǵa turarlyq. Osyndaı el ıgiligi úshin jasalyp jatqan jumystar uzaǵy­nan bolǵaı. Ábdirahman QYDYRBEK.