Mańyzdy zań jobalary maquldandy

Parlament Májilisiniń Tóraǵasy Oral Muhamedjanovtyń jetekshiligimen ótken palatanyń sársenbi kúngi jalpy oty­ry­syn­da birqatar zań jobalary maquldandy. Áýeli «Qarjy na­ryqtarynda kapıtaldyń erkin qozǵalysyn qamtamasyz etý úshin jaǵdaı jasaý týraly kelisimdi ratıfıkasııalaý týraly» zań jobasy talqyǵa salyndy. Bul zań jobasy boıynsha Ulttyq Bank tóraǵasynyń orynbasary Bısenǵalı Tájiıaqov baıandama jasady, dep habarlady Májilistiń baspasóz qyzmeti. О́tken jyly Keden odaǵyna qatysýshy úsh memlekettiń bas­shy­lary Biryńǵaı ekonomıkalyq keńistik (BEK) qalyptastyrý boı­ynsha halyqaralyq kelisimder paketine, onyń ishinde Qarjy naryqtarynda kapıtaldyń erkin qozǵalysyn qamtamasyz etý úshin jaǵdaı jasaý týraly kelisimge qol qoıǵany belgili. Biryńǵaı ekonomıkalyq ke­ńis­tik qalyptastyrý Elbasy Nur­sultan Nazarbaevtyń ótken ǵasyrdyń 90-jyldarynyń ba­syn­da usynǵan Eýrazııa ıdeıasyn júzege asyrýǵa yqpal etý bolyp tabylady. Zań jobasyna Halyqaralyq ister, qorǵanys jáne qaýipsizdik komıtetiniń múshesi Qabıbolla Jaqypov qosymsha túsinik berdi. Ol Qarjy naryqtarynda kapı­tal­dyń erkin qozǵalysyn qam­ta­masyz etý úshin jaǵdaı jasaý tý­raly kelisim 2010 jylǵy 9 jel­toqsanda Máskeýde jasalǵanyn aıtty. Kelisimge Belarýs Res­pýb­lıkasy, Qazaqstan Respýb­lı­kasy jáne Reseı Federasııasy qarjy naryqtarynda kapı­tal­dyń erkin qozǵalysyn qamta­ma­syz etý úshin jaǵdaı jasaý, qar­jy sektorynda ózara tıimdi yn­ty­maqtastyqty damytý maqsa­tyn­da qol qoıdy. Tal­qylaýdan keıin zań jobasy maquldandy. Kelesi kezekte taǵy bir ha­lyq­aralyq mańyzy bar zań jo­basy talqylandy. «Qazaqstan Res­pýblıkasy men Túrik Res­pýb­lıkasy arasyndaǵy strategııa­lyq áriptestik týraly shartty ratıfıkasııalaý týraly» zań jo­ba­sy jóninde Qazaqstan Respýb­lı­kasy Syrtqy ister mınıstri­niń orynbasary Qaırat Sarybaı baıandama jasap, eki el arasyn­daǵy sharttyń mánin túsindirdi. «Osy Shart 2009 jylǵy 22 qazanda Ankara qalasynda, Elba­symyz Nursultan Ábishuly Na­zar­baevtyń Túrkııaǵa resmı sa­pa­ry barysynda qol qoıylǵan jáne «Qazaqstan Respýblıkasy­nyń halyqaralyq sharttary tý­ra­ly» Qazaqstan Respýblıkasy Zańynyń erejelerine sáıkes ra­tıfıkasııalaýǵa jatady. Shart eki el arasyndaǵy yntymaq­tas­tyq­ty nyǵaıtý jáne onyń ózekti baǵyttaryn jańa deńgeıge kó­te­rý­di qamtamasyz etý, sondaı-aq Qa­zaqstan men Túrkııa ara­syn­da­ǵy sharttyq-quqyqtyq bazany jetildirý maqsatyndaǵy mańyz­dy qujat bolyp tabylady. So­ny­men qatar, Qazaqstan-Túrkııa qarym-qatynastaryn jandandy­rý Or­talyq Azııadaǵy memleket­ter­diń kóshbasshysy retinde Qa­zaq­stan­nyń halyqaralyq márte­be­sin ny­ǵaıtýǵa járdemdesedi»,  dedi Qaı­rat Sarybaı. Al Halyqaralyq ister, qor­ǵa­nys jáne qaýipsizdik komıteti­niń múshesi Saýyrbaı Esjanov qo­sym­sha baıandama jasady. Depýtat zań jobasynyń mańyzdy­ly­ǵyn aıta kelip: «Sonymen qa­tar, osy Sharttyń bizdiń múdde­le­ri­mizdi Ońtústik-Shyǵys Eýropa jáne Taıaý Shyǵys baǵyt­tarynda odan ári jyljytýda túıindi ma­ńyzy bar. Taraptar kókeıkesti ha­lyqaralyq másele­ler boıyn­sha tereń yntymaqtas­tyq ornatý jáne ortaq múddeler sheńberin aıqyndaý maqsatynda ekijaqty saıası únqatysýdy da­mytady», – dedi. Talqylaýdan ke­ıin bul zań jo­basy da to­lyqtaı maquldandy. Sonymen qatar, «Qazaqstan Respýblıkasynyń keıbir zańna­ma­lyq aktilerine turǵyn úı qa­ty­nastary máseleleri boıynsha ózgerister men tolyqtyrýlar engizý týraly» zań jobasy ekinshi oqy­lymda talqyǵa shyǵaryldy. Eko­nomıkalyq reforma jáne óńir­lik damý komıtetiniń múshesi Amanǵos О́tegenov baıandama jasady. Zań jobasynyń negizgi maq­saty memlekettik turǵyn úı qo­ryn kommýnaldyq turǵyn úı qo­ry, memlekettik kásiporyndar­dyń turǵyn úı qory jáne memlekettik mekemelerdiń turǵyn úı qory dep, olardyń arajigin ajy­ratý bóliginde turǵyn úı qaty­nastary týraly zańnamany jetildirý; memlekettik turǵyn úı qorynan turǵyn úılerdi berýdiń sharttary men tártibin, sondaı-aq turǵyn úılerdi jekeshelendirý tetigin jáne azamattardy avarııa­lyq úılerden kóshirý tártibin naqtylaý bolyp tabylady. Zań jobasy 2011 jylǵy 2 naý­ryzda birinshi oqylymda ma­qul­danǵan-tyn. Zań jobasyn ekinshi oqylym­ǵa daıyndaý barysynda kommý­nal­dyq sharýashylyq salasynda­ǵy ýákiletti organ men jergilikti at­qarýshy jáne ókildi organ­dar­dyń, úı-jaılar (páterler) ıeleri jınalysynyń quzyretine, son­daı-aq úı-jaılar ıelerin tirkeýge jáne qaıta tirkeýge qatysty normalardy naqtylaý jóninde usynystar tústi. Budan basqa, kondomınımým obektisin kútip-ustaý jáne basqarý jónindegi fýnk­sııalardyń arajigin ajy­ra­tý bóligine túzetýler engizildi. Sóı­tip, zań jobasy ekinshi oqy­lymda maquldandy. «Neke (erli-zaıyptylyq) jáne otbasy týraly» Qazaqstan Res­pýb­lıkasy Kodeksiniń jobasy úshinshi oqylymda qaraldy. Áleý­mettik-mádenı damý komı­teti­niń tóraıymy Dınar Nóketaeva baıandama jasap, atalǵan jobaǵa qan­daı tolyqtyrýlar engizilgenin baıandap berdi. «Neke (erli-zaıyp­tylyq) jáne otbasy týraly» Qa­zaqstan Respýblıkasy Kodeksi­niń jobasy 2009 jyldyń 13 mamy­rynda birinshi oqylymda, al 2010 jyldyń 23 maýsymynda ekinshi oqylymda maquldanǵan bolatyn. Parlament Májilisiniń Reglamentine sáıkes, bul kodeks joba­syn úshinshi oqylymǵa daıyndaý kezinde depýtattardan jumys to­by­na 50-den asa jazbasha túrde usynys­tar kelip tústi. Barlyq usynystar salystyrma kestege engizildi, birneshe ret jumys to­bynyń otyrys­tarynda talqyla­nyp, qaraldy. Osyny eskergen palata depý­tattary zań jobasyn úshinshi oqy­lymda maquldaý týraly or­taq sheshimge keldi. Jalpy otyrysta Erlan Tur­lybekov pen Konstantın Plotnıkovti Respýblıkalyq bıýdjettiń atqarylýyn baqylaý jónindegi esep komıtetiniń múshesi qyzme­tine taǵaıyndaý týraly másele qaraldy. Palatanyń qabyldaǵan qaýlysyna sáıkes atalǵan azamattar Esep komıtetiniń múshesi qyzmetine taǵaıyndaldy.