Qorshaǵan ortany qorǵaý kúnine oraı

Keshe Qorshaǵan ortany qorǵaý mınıstrliginde Búkilálemdik qor­shaǵan ortany qorǵaý kúnine arnalǵan saltanatty jınalys bolyp ótti. Kásibı mereke qarsańynda Qorshaǵan ortany qorǵaý mınıstri Nurǵalı Áshim áriptesterine óz quttyqtaýyn jetkizip, salada jemisti eńbek etkenderge qurmetti tósbelgiler  men alǵys hattar tabys etti. Kásibı merekeniń shyǵý tarı­hy­na toqtala kelip, ony barlyq álemdik qaýymdastyqtyń atap ótetindigin, onyń ishinde Qazaq­stan da 5 maýsymdy ekologtardyń kásibı merekesi ǵana emes, osy saladaǵy máselelerdi keńinen tal­qylaıyn kún retinde qaras­ty­ratynyn jetkizdi. Mınıstr óz sózinde kásibı merekeniń mańyz­dy­lyǵyn atap ótip, ortalyq apparat pen qurylymdyq bólimsheler aldynda turǵan mindetterge toq­tal­dy. Onyń ishinde Kıoto hat­ta­masyn júzege asyrý bary­syn­daǵy birqatar mańyzdy mindetter men parnıktik gazdardy azaıtý, parnıktik gazdar shyǵaryn­dy­laryn ishki kvotalaý da bar. Sondaı-aq shara qonaqtary Premer-Mınıstr dıplomyna ar­nalǵan «Taza bolsa tabıǵat, aman bo­lar adamzat» atty respýb­lı­ka­lyq saıysqa qatysýshylardyń úzdik ju­mystaryn tamashalady. Onyń bas­ty oıy balalardyń eko­logııa pro­blemasyn, óziniń tabı­ǵat­qa degen naqty kómegin qalaı túsine­tin­digin anyqtaý bolyp tabylady. Venera TÚGELBAI.