Buryn Kólsheńgel edi, qazir Qansheńgel

Oqý bitirip, mamandyq alyp, eńbekke aralasqannan beri Qara­ǵandyda turamyn.Týyp ósken jerim burynǵy Taldyqorǵan ob­lysy Aqsý aýdany bolǵan­dyqtan, qazir zeınetker retinde ýaqytym keńdikten,  el jaqqa jıi­rek qatynaımyn. Men úshin de­malystyń eń qymbattysy t­ý­ǵan-týysqandarmen, dos-jaran­darmen qaýyshyp qaıtar shaq. Alaıda aıtaıyn degenim bul emes. Jol boıyndaǵy belgi­ler­diń ana tilimizdiń maǵynasy buzylyp, burmalanyp jazyl­ǵany kóńilge  qaıaý túsirip júr­gendigine  qynjylysymdy jetkizsem deımin. Jer-sýdyń bastap­qy ataýlarynyń bilmegen adamǵa múldem basqasha túsindirilip, onyń kózge úırenshikti bolyp ketýi túbinde solaı qabyldanyp, qalyp­tasyp ketýine qaýipten­di­redi. Mun­daı burmalaýshylyqtar ásirese, Jambyl men Almaty ob­lysynyń aýmaǵynda jıi ushy­rasatyndyǵyn atamasqa bol­maıdy. Sonymen, máselen, jol bo­ıyn­da Býrylbaıtal degen eldi me­ken bar. Onyń ataýy osy kúnge sheıin baıaǵy oryssha yńǵaıda Býr­baıtal bolyp jazylǵan qal­pynan ózger­tilmegen.  Bir áriptiń túsip qalýy qandaılyq áde­mi ataý mánin buzyp tur dese­ńizshi. Nemese sol tusta erteden Jyńǵyldy atala­tyn ózek bolý­shy edi. Ol keshegi keńestik kezeń­de Jyngeldi bolyp jazylyp tur­dy. Qazir endi Sheń­geldige aı­na­lypty. Onyń jaǵa­syn­da jyń­ǵyl qaýlap ósetindigi bala kezimizden tanys. Sheńgel munda esh­qashan ósip kórmegen. Al bul eki ósim­diktiń aıyrmashylyǵy bary belgili.  Joq nárseniń tyqpalanýy túsi­niksiz. Odan ári asqanda  Qurǵaqsho­laq atty ózek aldan shyǵatyn. Burnaǵy jyly Qýyrshaqsholaq bolyp ja­zylyp shyǵa kelgenin kórdik. Búgin­de sol qalpynda tur. Taǵy bir beleske kóterilgende Kólsheńgel aýy­ly kórinetin. Endi Qansheńgel bo­lyp ózgertilipti. Kóktemde qar sýynan kólshik paıda bolyp, ja­ǵasynda sheńgel kókteı­tindikten, solaısha atalǵanyn úlkender aýzynan bilýshi edik. Bórili óze­giniń áli kúnge deıin Býryýzek dep orys­sha­lanǵan qal­pynda qal­ǵanyn qaıtersiz. Aıta bersek, Aqsýǵa jetkenshe osylaısha ejelgi ataýlary óreskel burmalanǵan, ózge til mánerinde jazylǵan jol belgileri jyrtylyp aırylady. Olar túzetilmeı tura bere me? Ahat AIаZBAIULY. Qaraǵandy.