Semeıde iD Center ashyldy

О́rkendilik órisi Sońǵy eki-úsh jyldan beri «Qazaqtelekom» aksıonerlik qoǵamynyń bastamasymen elimizdiń birqatar oblys ortalyqtarynda iD Cepter brendimen kórsetilim zaldary ashylǵan bolatyn. Oblys ortalyǵy О́skemende ol ótken jyly ashylǵan edi. Jýyrda 300 myńnan astam halqy bar Semeı qalasynda da osyndaı múmkindik týdy. О́tki­zil­gen tusaýkeser rásimine «Qazaqtelekom» aksıonerlik qoǵamy basqarmasynyń tóraǵasy Qýa­nysh­bek Esekeev myrza arnaıy kelip qatysty. Tusaýkeser lentasyn qııý basqarma tóraǵasy men qala ákimi Aıbek Kárimovke qurmetpen usy­nyldy. Tusaýkeser rásiminiń tanystyrylymynda bas­qarma tóraǵasy Qýanyshbek Baqytbekuly jobanyń basty maqsaty «Qazaqtelekom» aksıonerlik qoǵamy tarapynan kórsetiletin jańa tehnologııalar, qyzmetter men servıster týraly turǵyndardyń habardar bolý deńgeıin arttyrý bolyp tabylady dep atap kórsetti. «Qazaqtelekom» aksıonerlik qoǵamy Semeı qalalyq fılıaly satyp alý bóliminiń bastyǵy Muratqazy Málikovtiń aıtýynsha, bul biregeı joba qazaqstandyqtardyń kúndelikti ómirine zamanaýı aqparattyq tehnologııalardy engizý maq­satynda júzege asyrylyp otyr. Bul qazirgi zamanǵy ınfokommýnıkasııalyq tehnologııalar­dyń ortalyǵynda árbir suranys ıesine jańa telekommýnıkasııa qyzmetterin paıdalanýǵa, to­lyq aqparat pen mamandardyń keńesi beriletin bolady. Kórsetilim zalynyń qyzmetkeri Araı Ju­ma­hanova da bizge óz qyzmetteriniń mán-maǵynasyn táppishtep túsindirip baqqan. Onyń týǵan tilge júıriktigine de súısinip qalǵanbyz. Osy oraıda, jalpy aksıonerlik qoǵam boıynsha memlekettik tilge erekshe kóńil bólinip kele jatqanyn aıta ketsek artyq bolmas. Sonyń bir aıǵaǵyndaı, kórsetilim zalyndaǵy barlyq býkletter eki tilde shyǵarylǵanyn baıqap turmyz. Kórsetilim zalynyń qyzmeti tórt túrge bólingen deıdi Araı qaryndasymyz. Olar – úı, keńse, ınternet-kafe jáne medıa-qabyrǵa dep atalady. «Úı» aımaǵy kelýshilerdi «Triple plaý» konsepsııasyndaǵy qyzmettermen tanystyrady. Bul – tutynýshylarǵa bir ǵana telefon jeli jolynyń negizinde telefonııa, ınternetke keń jolaqty qatynaý jáne iD TV sıfrly teledıdar qyzmetterin usyný degen sóz. Sol qyzmettiń bári bir ýaqytta, birdeı jáne birine biri bóget jasamaı atqaryla beredi. «Keńse» aımaǵynyń qyzmeti eń aldymen kommýnıkasııalar, ıaǵnı ınternet, elektrondyq poshta, telefonııa, vırtýaldy májilister. «Keńse» - kompanııalardyń básekege qabilettiligin art­ty­rýǵa múmkindik berip, bızneske arnalǵan ın­fo­kommýnıkasııalyq tehnologııalar men jańashyl sheshimder. «Internet-kafege» keletin bolsaq, basqasha aıtqanda konferens-aımaqta Wi-Fi tehnolo­gııasy negizindegi ınternetke symsyz qatynaý qyz­metterimen tanysyp, olardy tegin paıda­la­nýǵa bolady. Zalda otyrǵanda noýtbýkterdi, qal­ta kompıýterlerin, smart-fondardy paıdala­ný­shy­lar ınternetke symsyz qatynaý qyzmetterin paıdalana alady. «Medıa-qabyrǵa» – bul iD TV ınteraktıvti televızııasynyń biregeı qyzmetterin jarııa etý. Onyń sapasy arnaıy sóz etýge ábden laıyq. Búgingi kúni «Qazaqtelekom» bekitilgen tele­fonııanyń 3,8 mıllıon abonentine qyzmet kór­setedi. Internet jelisine qatynaý qyzmetin paıdalanýshylar sany 2,5 mıllıon adamǵa taqap qaldy. Onyń ishinde 2 mıllıonǵa jýyǵy ınternetke keń jolaqty qatynaý múmkindigin paı­dalanady. Dáýlet SEISENULY, Semeı.