Memlekettik til – meniń tilim

Shetelge barsańyz Qazaqstannan kelgen delegasııanyń quramy ár túrli bolsa da qazaq dep qabyldaıdy. Sport jarys­ta­ryn­da da solaı. Máselen, Gennadıı Golovkın sharshy alańda. Jarysty júrgizip otyrǵan orys kommentatory “bul qazaq” dep sózin sabaqtaıdy. О́zimizdiń orys qoı demeıdi. О́ıtkeni, Gennadıı – Qazaqstannyń aza­maty. Osynda týǵan, ósip-órkendegen. Búgin­de shetel sharshy alańdarynda judyryq­tasyp júr. Áıtse de qazaq aty qalǵan joq. Júrek jylıdy. Azamatym-aı deısiń. Týǵan topyraǵyn táý etip júrgen. Qazaqstan – san alýan ult pen ulysqa atameken bolyp otyr. Eshqaısysyn bótensiń dep keýdeden ıtergen emes. Endeshe, olar­dyń tarapynan da Otanyna degen ystyq yqylas bolý kerek qoı. «Qazaqtelekom» aksıonerlik qoǵamy os­yndaı ıgi iske uıytqy boldy. 2011 jylǵy 15 naýryzda «Qazaqtelekom» AQ-ta memlekettik tildi engizý men da­my­tý­dyń 2011-2013 jyldarǵa arnalǵan baǵ­dar­la­ma­synyń birinshi kezeńin júzege asyrý maq­satynda sheshim shyǵaryp, ony bastap ketti. Shymkenttegi OQO telekommýnıkasııa dıreksııasynyń ǵımaratynda ótken baıqaý­ǵa jeti ulttyń ókilinen 18 maman synǵa tús­ti. Mamandyqtary da ártúrli. «Qazaq­te­le­kom» AQ-tyń osyndaı baıqaý ótkizýiniń de óz máni bar. О́ıtkeni, qyzmet babymen osyn­da adamdar jıi keledi. Qazir shetelderden tarıhı Otanyna oralyp jatqan qandas­ta­rymyz kóp. Ǵumyrynda orys sózin estip kórmegenderi bar. Sharýasymen «Qazaqte­le­komǵa» kóp kiredi. Shúldirlep otyrǵan shirkin keýdeden ıtergendeı qylady. Ári-beriden soń – Qazaqstannyń memlekettik tili – qazaq tili. Ony osy mekeme qyzmetkerleri tárk etip jatsa basqa qaıtpek?! «Qazaqtelekom» AQ basshylyǵy osy oqylyqtyń ornyn sózben emes ispen tol­tyrýǵa kóship jatyr. Ony baıqaý bary­synda tanydyq. – “Qazaq qazaqpen qazaqsha sóılessin” degendi mal­danbaıyq. Basqalar da sóılesin. Nege orys pen ýkraın, nemis pen káris, uı­ǵyr men óz­bek kezdese qalǵanda bir-biri­men memlekettik tilde sóılespeıdi. Menińshe, Otanǵa degen patrıottyq sezim osyndaıdan bastalady, – deıdi “Almaty­te­lekom” telekommýnıkasııa dıreksııasynyń mamany Alekseı Tynıanov. Ras-aý. Alekseı baýyr qudaıshylyǵyn aıtady. Qazaq tili – qazaqtyń ǵana emes Qazaqstandy Otanym dep biletin, eshqaıda kóship ketýdi oılamaıtyn, túp-tuqııanyn osy elmen baılanystyrýdy kózdeıtin árbir ult pen ulystardyń tili bolsa kerek. Qazaqtyń shırek bóligi dúnıe júziniń ár memleketinde ómir súrip jatyr. О́zi ómir súrip jatqan memlekettiń tilinde sóılemeımin dep aıta almaıdy. О́mir súrýi úshin qajet. Osyndaı qajettilik Qa­zaqstandaǵy dıaspora ókilderine de týyp keledi. Bul – ómir zańdylyǵy. Alekseıdiń pikiri bárine jaqyn deıtinimiz sondyqtan. Baıqaýda qazaq ánderi shyrqaldy. Shámshi án bolyp, Muqaǵalı jyr bolyp quıyldy. Abyz Abaı ulylyqtan syr shertti. Qazaq bıleri bılendi. Telekommýnıkasııa salasyn­da­ǵy qıyn termınder qazaqsha tárjimalandy. “Qazaqtelekomǵa” isi túsip keletinderdiń kóp ekendigin aıttyq. Servıs jelisi qyz­metkerleri men tutynýshylar arasynda ár túrli kelispeýshilik bolyp jatady. Osyndaı qıyn jaǵdaıda operator tyǵyryqtan shy­ǵarda nege júginedi, janjaldy basý úshin qalaı sóıleýi kerek?! Bul da baıqaý qoıǵan sharttardyń biri. Almaty, Astana jáne respýblıkamyzdyń oblystarynan kelgen úmitkerler meılinshe jaqsy jaǵynan kórinýge tyrysyp baqty. Bári bizdeı jaqsy desek qatelespesek kerek. “Kósh júre túzeledi”. Baıqaý qorytyndysy boıynsha Aqmola oblystyq telekommýnıkasııa dıreksııas­y­nyń birinshi sanattaǵy mamany Dmıtrıı Tıý­rın birinshi oryn aldy. “Qazaqstandaǵy barlyq ulttar men ulystar qazaqsha sóı­lessin” dep kópshiliktiń kókeıindegi oıdy qozǵaǵan “Almatytelekom” qyzmetkeri Alek­­seı Tynıanov pen pavlodarlyq Magra Iаgý­dına ekinshi orynǵa ıe boldy. Al, aty­raý­lyq Elena Solodnıkova men qostanaı­lyq Evgenııa Vylkova úshinshi orynǵa shyqty. Memlekettik tildi qoldaýda eń birinshi oryndardyń birinde turýǵa tıis “Qazaq­te­lekom” AQ til úırenemin deýshilerge osyn­daı mereke syılady. Memlekettik tildiń qoldaný aıasyn keńeıtý maqsatynda úlken shara ótkizdi. El úshin kerek. Qazaqstandy Otanym, baıtaq jurtty – elim deıtin árbir adam úshin kerek is. Qoldaýǵa, tili memlekettik tilde synbaı júrgen memlekettik mekemeler ilip áketetin jaqsy bastama, jaqsy úrdis bul. Baqtııar TAIJAN. Shymkent.