Arqa tósin án men jyrǵa bólegen «Jas qanat» án baıqaýynda El Táýelsizdiginiń mereıine arnalǵan ónerlerin ár qyrynan kórsetýge talpynǵan jastar shynaıy báseke barysynda baq synady. Elimizdiń ár tarapynan úkili úmitpen synǵa túsken sol ánshilerdiń arasynda Jetisýdyń qyrmyzy qyzy Araılym Qalmuhanbetova da bar edi. Jas ánshiniń shyrqaǵan áni ónersúıer qaýymnan óz baǵasyn aldy. Jyl basynda 300 talapkerdiń arasynan iriktelgen 15 úmitkerdiń qatarynan kóringen Araılym jetisýlyqtardyń namysyn jibermeı, júldeli ekinshi oryndy ıelendi. Bul onyń alǵashqy jetistigi emes, buǵan deıin de halyqaralyq festıvalderden eki márte bas júldemen oralǵanyn aıta ketkenimiz jón.
Jerlesteri ánshi qyzdaryn jadyraı qarsy alyp, qushaǵyn gúldestege orady. Araılym da ózine qamqor bolǵan oblystyq mádenıet basqarmasyndaǵy basshylar men demeýshilik kórsetken qamqor azamattarǵa rııasyz alǵysyn jetkizdi.
Kúmisjan BAIJAN.
Almaty oblysy.