Raýan QAIDAR,
«Egemen Qazaqstan»
«2016 jyly qazanda bekitilgen QDB nesıe saıasaty týraly memorandýmnyń jańa redaksııasyna sáıkes bank ınvestısııalyq jobalardy qarjylandyrý «shegin» 30 mln AQSh dollarynan 7 mlrd teńgege deıin, tamaq ónerkásibi úshin 10 mln AQSh dollarynan 3 mlrd teńgege deıin, eksporttyq operasııalar úshin 5 mln AQSh dollarynan 1 mlrd teńgege deıin tómendetti. Aqparattyq ashyqtyqty arttyrý maqsatynda bank QDB ákimshilendirý jáne qarjylandyrýyndaǵy jobalar týraly jalpyǵa qoljetimdi aqparat bazasyn keńeıtti. Banktiń saıtynda qarjylandyrýdyń negizgi sharttary týraly aqparatpen jáne jobalar boıynsha jalpy málimetpen tanysýǵa bolady. «Báıterek» holdınginiń negizi qalanǵaly beri sońǵy tórt jyl boıy QDB óńdeý ónerkásibi men ónerkásiptik ınfraqurylym jobalaryn nesıeleý dınamıkasy boıynsha oń úrdisti saqtap keledi. Nesıe qorjyny 2016 jyldyń qorytyndysy boıynsha 2013 jyldyń kórsetkishimen salystyrǵanda 4 esege artty jáne 1,6 trln astam teńgeni qurady, al onyń aktıvterdegi úlesi 2016 jylǵy 37,3%-dan 2016 jyldyń qorytyndysy boıynsha 65,5%-ǵa deıin ulǵaıdy. Sońǵy 4 jylda QDB aktıvteri shamamen 2,5 esege ósti, bul kezeń tolyǵymen bank úshin shyǵynsyz boldy. 2016 jyldyń qorytyndysy boıynsha jalpy 225 mlrd teńge qaryzdar somasyna 19 joba qarjylandyrýǵa maquldandy. Jobalar men baǵdarlamalardy qarjylandyrýdyń jalpy kólemi 2016 jyly 426 mlrd teńgeni qurady, bul rekordtyq kórsetkish bolyp tabylady (ósim 2015 jyldyń deńgeıine 30%-dy qurady). Eseptik kezeńde tikeleı nesıeleý aıasynda Damý banki jalpy 277,5 mlrd teńge somaǵa shıkizattyq emes sektor kásiporyndarynyń 14 ınvestısııalyq jobasy men 10 eksporttyq operasııasyn qarjylandyrdy, bul EDB-niń ekonomıkanyń shıkizattyq emes sektor kásiporyndaryn nesıeleýge bir jylda bergen uzaq merzimdi qaryzdarynyń kólemimen salystyrǵanda 57%-dy quraıdy. О́z kezeginde aǵymdaǵy jyldyń tórt aıynyń qorytyndysy boıynsha QDB qarjylandyrýǵa jalpy 346 mlrd teńge qaryzdar somasyna 6 jobany maquldady, olardyń ishinde Shymkent MО́Z-in jańǵyrtý jáne jóndeý, sondaı-aq, Astana halyqaralyq áýejaıynyń jolaýshylar termınalyn jóndeý sııaqty mańyzdy jobalar bar. Budan ózge, banktik saraptama kezeńinde tamaq ónerkásibi jáne munaı óńdeý sııaqty salalarda 2 joba bar», dedi ol.
Tóraǵanyń sózinshe, aǵymdaǵy jyldyń alǵashqy 4 aıynda jalpy 102,5 mlrd teńge somaǵa 7 ınvestısııalyq joba men 6 eksporttyq operasııa qarjylandyrylǵan.