Dertke daýa izdegen drama

Sońǵy kezderi elimizde dás­túr­li senim-nanymdarymyz ben saltymyzǵa sińgen dinı kóz­qarastarǵa úılespeıtin ár­túrli pikirler men us­ta­nymdar boı kórsete bastady. Bul óz kezeginde ulttyq qun­dy­lyqtarymyzǵa da ke­ri áserin tıgizetini belgili. Atalmysh qoı­y­lymda búginde búkil álem úshin ózekti bolyp turǵan osy syn­dy máseleler keńinen qaý­zalǵan. Avtor shyǵarmada bir-birine múlde qarama-qaıshy eki kózqaras arasyndaǵy tar­tys­ty basty nazarǵa ala oty­ryp, qarapaıym qazaq otba­syndaǵy oqıǵa arqyly jas­tar­dyń dástúrli emes dinı aǵym­dar­dyń jeteginde ketýi men tur­mysymyzǵa dendep enip, qo­ǵamdyq dertke aınalyp kele jat­qandyǵyn ótkir synǵa alǵan. Astanadan arnaıy shaqyrtýmen kelgen Qazaqstannyń eńbek sińirgen qaıratkeri, rejısser B.Uzaqov osynaý júgi aýyr dú­nıe­ni óte sátti, saýatty sahna­lap, kó­rer­menge oı salar ma­z­­mu­ny tereń shyǵarma qoıdy.

Byltyr ǵana Aqtóbe men Almatyda oryn alǵan oqıǵalar men keıingi on jyl tóńireginde elimizde bolǵan terraktilerge qa­tysýshylardyń deni otyzǵa jetpegen jastar ekenin alǵa tar­tatyn bolsaq, qazirgi kún tár­tibindegi basty másele – di­nı saýattylyq pen rýhanı-ıntellektýaldy urpaq tár­bıe­­leý ekendigi aıqyndalady. Osy rette Almaty oblysy ákim­diginiń qoldaýymen, má­de­nıet jáne din isteri bas­qa­r-

­­malarynyń qostaýymen 31 naýryzda «Dertke daýa – Haq joly»  qoıylymynyń premerasy bolǵan edi. Dál osy qoı­ylymmen Jetisý óńiriniń shal­ǵaıdaǵy aýdan-aýyldaryn aralaǵan ujymnyń da bas­ty maqsaty halyq arasynda dás­túrli dinimiz ben ata jolymyz­dy nasıhattap, jastardyń tý­ra joldan adaspaýyna óz úles­terin qosý.

Teatr dırektory Ǵ.Temer­ba­eva bizben áńgimesin bylaısha túı­indedi:

– Sońǵy kezderi ekstremı­s­­­­-

ter beıbitsúıgishtikke, us­­­­­­ta­m­­dylyqqa baýlı­tyn já­ne ózge dinı kóz­qa­ras­tar­ǵa tú­­sinistikpen q­a­raý­ǵa tárb­ıe­­­­leıtin ıslam di­nin ý­­shyq­ty­­rýǵa, bas­qa ór­ke­nı­et­ter­men qaq­­­ty­ǵys­ty­rýǵa tal­py­­ný­da, osy arqyly tek di­na­­ralyq ta­tý­­lyqty emes, sony­men qatar mu­­sylmandar arasynda da iritki sa­lýda. Soǵan qaramastan biz, aǵa býyn ókilderi jastary­myz­ǵa dástúrli dinimizdiń mańyz­dy­­lyǵyn aıta berýimiz qa­jet. Elbasymyz Nursultan Ábishuly Nazarbaev óziniń bı­yl­­­ǵy

«Qazaqstannyń Úshinshi jań­­­ǵy­rýy: jahandyq básekege qa­bilettilik» atty Joldaýynda el­diń dástúrleri men mádenı nor­malaryna sáıkes keletin di­nı sana qalyptastyrýymyz kerek dep ataı otyryp, XXI ǵa­syrdaǵy Qazaqstandaǵy di­nı ahýalǵa erekshe kóńil ból­di. Shyn­dyǵynda, din zaıyr­ly qo­ǵa­mymyzdyń ajyramas bóligi, sondyqtan quzyrly mem­le­kettik mekemeler elimiz­de­gi dinı saýattylyqty odan ári damytýǵa árqashan da múddelilik tanytady dep oılaımyn. Sol sebepti sahna óneri arqyly halyqty rýhanı baıytyp, týra joldan adaspaý-

laryna úles qosý da bizdiń tikeleı mindetimiz dep bilemin.

Monshaq BEKAIDAROVA,

teatrtanýshy