Sessııa Turaqty damý maqsattaryna jetýdegi memlekettik basqarý róline arnaldy. Sessııa barysynda álemniń jetekshi sarapshylary ınstıtýsıonaldy kóshbasshylyqty damytý joldary men tıimdi basqarý qaǵıdattaryn talqylady. Sonymen birge Turaqty damý maqsattaryn júzege asyrý jáne jergilikti bılik organdaryna qoldaý kórsetý máselelerin qarastyrdy.
Álıhan Baımenov óz sózinde «turaqty damý maqsattaryn júzege asyrý jolynda tıimdi memlekettik basqarý, áriptestik jáne ınklıýzıvtik uǵymdarynyń biriktirýshi faktorlary - qurmet pen túsinistik. Eń aldymen, bul – azamattardyń quqyǵy pen abyroıyn, múddesi men múmkindikterin qurmetteý ári túsiný», - dedi.
Sessııa barysynda turaqty damý maqsattaryna jetý úshin tıimdi jumys isteıtin, jetkilikti qarjylaı jáne adamı resýrstarǵa ıe memlekettik mekemeler túrindegi eleýli áleýet qajet etiletindigi aıtyldy. Qatysýshylar turaqty damý maqsattaryn júzege asyrýda memekettik mekemelerdiń aımaqtyq jáne aımaqaralyq áriptestiginiń mańyzdylyǵyn atap ótti.
Sarapshylar Komıteti sessııa qorytyndysy boıynsha memleketterge turaqty damý maqsattaryna jetýde memlekettik basqarýdy jaqsartýǵa qatysty óz keńesterin daıarlady.
Sapar aýqymynda Álıhan Baımenov BUU Bas hatshysynyń Ońtústik-Ońtústik yntymaqtastyǵy boıynsha Ýákili Horhe Chedıek jáne EYDU memlekettik basqarý men aýmaqtyq damý boıynsha departament dırektory Rolf Altermen kezdesti. Taraptar yntymaqtastyqty damytý jáne ortaq bastamalardy júzege asyrý perspektıvalaryn talqylady.