Jıyndy júrgizip otyrǵan Ońtústik Qazaqstan oblysy ákiminiń orynbasary Jaqyp Bókenbaev qonaqtarǵa óz alǵysyn bildirip, óńirdegi aýyl sharýashylyǵynyń áleýetimen tanystyrdy.
«Sońǵy bes jylda oblystaǵy aýyl sharýashylyǵynyń jalpy ónim kólemi 2 esege deıin ulǵaıyp, 445 mlrd.teńgeni qurady. Respýblıkadaǵy shaqqandaǵy úlesi 12,3 paıyzǵa jetip otyr. Búginde elimizde aýyl shaýrashylyǵy ónimderiniń 40 paıyzy shet- elderden eksporttalady. Bul máseleni sheshýdiń tıimdi joly - agro salany ǵylymmen sabaqtastyra otyryp damytý bolyp otyr. Sondyqtan ǵalymdarymyzdyń ońtústik óńirindegi issaparynyń mańyzy zor», - dedi Jaqyp Quttybekuly.
О́z kezeginde sóz alǵan Qazaq Ulttyq Agrarlyq ýnıversıtetiniń rektory Tilektes Espolov eki jaqty yntymaqtastyqta jumys iteýge muryndyq bolǵan óńir basshylyǵyna alǵysyn bildirip, ǵalymdardy ınnovasııalyq jobalardy birigip iske asyrýǵa shaqyrdy. Aýyl sharýashylyǵy salasyndaǵy shaǵyn jáne orta bıznesti damytýda ǵylymnyń qosar úlesi mol bolatynyna da toqtaldy.
«Elbasymyz bıylǵy Joldaýynda «Agrarlyq sektor ekonomıkanyń jańa draıverine aınalýy kerek» degen bolatyn. Osy oraıda Ońtústik Qazaqstan oblysy ákimdigi men Ýnıversıtetimizdiń arasynda eki jaqty yntymaqtastyq jóninde memarandýmǵa qol qoıylǵan bolatyn. Ondaǵy maqsat – osy óńirdiń aýyl sharýashylyǵy salasyn ǵylymı negizde damytyp, birqatar salalardaǵy jańashyl ınnovasııalyq ıdeıalardy iske asyrýǵa múmkindik týmaq», - dedi Tilektes Espolov.
Semınar keńeste Ońtústikke arnaıy kelgen ǵalymdar mal sharýashylyǵy, veterınarııa, baqsha daqyldary, kókónis pen jemis-jıdek, jylyjaı sharýashylyqtaryn damytýǵa arnalaǵan ınnovasııalyq jobalarmen tanystyryp, olardyń mańyzdylyǵyna toqtaldy.
Aıta keteıik, Agraralyq ýnıversıtetten kelgen ǵalymdar keste boıynsha ár aýdanǵa bólinip, túrli taqyryptarda semınar keńester ótkizetin bolady.