Mazmuny tereń, aýqymy keń bul maqala – ult rýhanııatyn HHI ǵasyrdyń bıigine kóteretin baǵdarlama ispettes. Uly Dalany mekendegen halyqtyń tarıhyn, mádenıetin, salt-dástúrin dúnıejúzilik qoǵamdastyqqa pash etý – búgingi urpaqtyń izgilikti mindeti. Shara barysynda shaǵyn beınerolık kórsetildi. Kitaphana qyzmetkeri Gúlsharat Bopılova Elbasy maqalasyndaǵy ulttyq sana, básekelestik qabilet, bilim, ulttyq biregeılikti saqtaý jáne taıaý jyldardaǵy mindetter jóninde áńgimeledi. Sonymen qatar, Elbasymyzdyń aıtqandaı, «Jańa jaǵdaıda jańǵyrýǵa degen ishki umtylys – bizdiń damýymyzdyń eń basty qaǵıdasy...» mańyzdylyǵy arta túspek degen túıinderiniń barlyǵyna toqtalyp, ony júzege asyrý barshamyzdyń mindetimiz ekendigin kitaphana oqyrmandaryna baıandady. Jastar túrli saýaldar qoıyp, óz oılaryn ortaǵa saldy. «Azamattyq baqylaý» jobasynyń úılestirýshisi –Kóshkinbaı Ahmetov sharaǵa qatysyp, jastarǵa maqaladaǵy birinshi kezekte ulttyq ıdeologııa men ulttyq sanany qalyptastyrý, ádet-ǵuryp, mádenı dástúrlerdi myqty saqtap, ony jańa jetistiktermen, adamı qundylyqtarmen baıytýǵa, damytýǵa barlyǵymyz birdeı atsalysýymyz kerek degen pikirin jastarmen bólisti. Sonymen qatar, kitaphana dırektorynyń orynbasary Urjan Kýdasova onda mádenıet salasy, adamnyń damýy, sanaly azamat qalyptastyrýdyń barlyǵy da osy mádenıet arqyly keledi degen maqaladaǵy qozǵaýlardy qoldaıtyndyǵyn aıtyp ótti. Ulttyq rýh bıik bolsa, elimizdiń bolashaǵy jarqyn, irgesi berik. Endeshe, rýhanı sanamyzǵa serpilis bergen strategııalyq qujat elimizdiń ult retinde jańǵyrýyna jańa serpin bereri sózsiz.
Baqtygúl BAQYTJANQYZY, S.Jıenbaev atyndaǵy oblystyq jasóspirimder kitaphanasynyń bólim meńgerýshisi
Aqtóbe